dohAvalI
rāga śuddha kalyāṇa - tāla titālā
राग शुद्ध कल्याण - ताल तिताला
Verse
छबि आवन मोहनलालकी । काछिनि काछे कलित मुरलि कर पीत पिछौरी सालकी ॥
Verse
बंक तिलक केसरकौ कीनें, दुति मानों बिधु बालकी । बिसरत नाहि सखी, मो मनतें चितवन नयन बिसालकी ॥
Verse
नीकी हँसनि अधर सुधरनिकी, छबि छीनी सुमन गुलालकी । जलसों डारि दियों पुरइन पर, डोलनि मुकता-मालकी ॥
Verse
आप मोल बिन मोलनि डोलनि, बोलनि मदनगोपालकी । यह सुरूप निरखै सोइ जानै, या 'रहीम' के हालकी ॥
