dohAvalI
rāga paṭamañjarī - tāla titālā
राग पटमञ्जरी - ताल तिताला
Verse
कमलदल नैननिकी उनमानि । बिसरत नाहिं सखी, मो मनतं मन्द-मन्द मुसुकानि ॥
Verse
यह दसननि दुति चपलाहूतें महाचपल चमकानि । बसुधाकी बस करी मधुरता, सुधा-पगी बतरानि ॥
Verse
चढ़ी रहै चित उर बिसालकी, मुकुत माल थहरानि । नृत्य-समय पीताम्बरहूकी फहरि-फहरि फहरानि ॥
Verse
अनुदिन श्रीबृंदाबन ब्रजतें, आवन आवन जानि । अब 'रहीम' चिततें न टरति है, सकल स्यामकी बानि ॥
