dohAvalI
rāga gārā - tāla dādarā
राग गारा - ताल दादरा
Verse
जयति देव जयति देव, जय दयालु देवा । परम गुरु, परम पूज्य, परम देव देवा ॥
Verse
सब बिधि तव चरन-सिरन आइ पर्यो दासा । दीन, हीन, मति-मलीन, तदपि सरन-आसा ॥
Verse
पातक अपार किंतु दयाको भिखारी । दुखित जानि राखु सरन पाप-पुंज-हारी ॥
Verse
अबलौके सकल दोष क्षमा करहु स्वामी । ऐसो करु, जाते पुनि हौ, न कुपथगामी ॥
Verse
पात्र हौ कुपात्र हौ, भले अनधिकारी । तदपि हौं तुम्हारो, अब लेहु मोहि उबारी ॥
Verse
लोग कहत तुम्हरो सब, मनहु कहत सोई । करिय सत्य सोइ नाथ भव भ्रम सब खोई ॥
Verse
मोरि ओर जनि निहारि, देखिय निज तनही । हठ करि मोहि राखिय हरि ! संतत तल पनही ॥
Verse
कहौ कहा बार-बार जानहु सब भेवा । जयति, जयति, जय दयालु, जय दयालु देवा ॥
