dohAvalI
rāga bilāvala- tāla tevarā
राग बिलावल- ताल तेवरा
Verse
प्रभु तव चरन किमि परिहरौ । ये चरन मोहि परम प्यारे, छिन न इनते टरौ ॥
Verse
जिन पदनकी अमित महिमा, बेद-सुर-मुनि कहै । दास संतत करत अनुभव, रहत निसिदिन गहै ॥
Verse
परसि जिनको सिला तेहि छिन बनी सुंदरि नारि । घरनि मुनिवरकी अहिल्या, सकौं केहि बिधि टारि ॥
Verse
इन पदन सम सरन असरन, दूसरो कोउ नाहि ।
Verse
होइ जो कोउ तुम बतावहु, धाइ पकरौं ताहि ।
Verse
और बिधि नहिं टरौं टार्यो, होइ साध्य सु करौं । जलजगत मकरंद अलि ज्यों, मनहिं चरनन्हि धरौं ॥
