dohAvalI
rāga kāmoda - tāla tīnatāla
राग कामोद - ताल तीनताल
Verse
स्याम मोहि तुम बिन कछु न्सुहावै । जब तें तुम तजि ब्रज गये, मथुरा हिय उथल्योई आवै ॥
Verse
बिरह बिथा सगरे तनु ब्यापी, तनिक न चैन लखावै । कल नहिं परत निमेष एक मोहिं, मन-समुद्र लहरावै ॥
Verse
नँद-घर सूनो, मधुबन सूनो, सूनी कुंज जनावै । गोठ, बिपिन, जमुना-तट सूनो, हिय सूनो बिलखावै ॥
Verse
अति बिह्वल बृषभानुनंदिनी, नैननि नीर बहावै । सकुच बिहाइ पुकारि कहति सो, स्याम मिलैं सुख पावै ॥
