dohAvalI
rāga kāmoda - tāla tīnatāla
राग कामोद - ताल तीनताल
Verse
स्याम मोरे ढिगते कबहुँ न जावै । कहा कहूँ सखि ! गैल न छाडै, जित जाऊँ तित धावै ॥
Verse
गैया दुहत गोद आ बैठे, दूध धार पी जावै । दही मथत नवनी लेबेकौ, मटकी माहिं समावै ॥
Verse
रोटी करत आइ चौकामै, ऊधम अमित मचावै । जेंवत बेर संग आ बैठे, माल-माल गटकावै ॥
Verse
सखियन सँग बतरात आइ जो पंचराज बनि जावै । मुरली मधुर बजाय देखु सखि, मोहन हमहिं रिझावै ॥
Verse
सोवत समै सेज आ पौढ़े, गृह स्वामी बनि जावै । स्वलप निंदरिया बिच सपनमहँ माधुरि-रूप दिखावै ॥
Verse
तदपि न बरजत बनै ताहि सखि, चित अति ही सुख पावै । बारहिं बार निहारि चंद्रमुख, अंदर अति हुलसावै ॥
