dohAvalI
bacapana
बचपन
Verse
गूँगा घी कहना जब सीखा । सेद्रू नाम मदारी भीखा ॥
Verse
माय बाप ले नाम पुकारें । जब किलकै तब तन मन वारें ॥
Verse
मुख चूमैं और कंठ लगावैं । देवी देवा बहुत मनावैं ॥
Verse
रोग होय तो बहु दुख पावैं । ले ले जहाँ तहाँ पग धावैं ॥
Verse
कबहूँ झरि पिंजर है जावै । कबहूँ खाँसी बहुत सतावै ॥
Verse
चलै पेट कबहूँ बहु रोवै । खीजै बहुत नेक नहिं सोवै ॥
Verse
ज्वर कबहूँ दूखें दोउ नैना । पुनः पुनः दुख लहै न चैना ॥
Verse
निकसै दाँत दाढ़ दुख भैया । जब सूँ जन्म सदा दुख पैया ॥
Verse
== दुक्ख सुक्ख बढ़ने लगा, पाँच बरस भइ देह । जब पढ़ने बैठाइया, अपनी बिद्या लेह ॥
Verse
== बालक का चित खेल मँझारे । ज्यौं ज्यौं पाधा छड़ियन मारै ॥
Verse
बैठि रहै तौ पकड़ बुलावै । बाँधि बाँधि दुख देत पढ़ावै ॥
Verse
मन ही मन सोचै दुख भारी । दुर्जन भये बाप महतारी ॥
Verse
दुख दे दे कर बहुत पढ़ाया । खोट कपट में घना सँधाया॥
Verse
ऐसे भया बरस द्वादस का । रहा नहीं उनहूँ के बस का ॥
Verse
मन में आवै सो पुनि करई । मात पिता सूँ नेक न डरई ॥
Verse
खेलै खेल बहुत परकारा । सबही बिधि लड़कापन हारा ॥
Verse
बालपना हस खेल गँवाया । गुरु की टहल सरन नहिं आया ॥
Verse
पाप पुन्न कूँ ना पहिचाना । सहजो कर्ता राम न जाना ॥
