Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

aSTottaranAma

śrībhuvaneśvaryaṣṭottaraśatanāmastotram

श्रीभुवनेश्वर्यष्टोत्तरशतनामस्तोत्रम्

Verse

अथ श्रीभुवनेश्वर्यष्टोत्तरशतनामस्तोत्रम् ।

Verse

ईश्वर उवाच ।

Verse

ॐ महासम्मोहिनी देवी सुन्दरी भुवनेश्वरी । एकाक्षरी एकमन्त्री एकाकी लोकनायिका ॥१॥

Verse

एकरूपा महारूपा स्थूलसूक्ष्मशरीरिणी । बीजरूपा महाशक्तिः सङ्ग्रामे जयवर्धिनी ॥२॥

Verse

महारतिर्महाशक्तिर्योगिनी पापनाशिनी । अष्टसिद्धिः कलारूपा वैष्णवी भद्रकालिका ॥३॥

Verse

भक्तिप्रिया महादेवी हरिब्रह्मादिरूपिणी । शिवरूपी विष्णुरूपी कालरूपी सुखासिनी ॥४॥

Verse

पुराणी पुण्यरूपा च पार्वती पुण्यवर्धिनी । रुद्राणी पार्वतीन्द्राणी शङ्करार्धशरीरिणी ॥५॥

Verse

नारायणी महादेवी महिषी सर्वमङ्गला । अकारादिक्षकारान्ता ह्यष्टात्रिंशत्कलाधरी ॥६॥

Verse

सप्तमा त्रिगुणा नारी शरीरोत्पत्तिकारिणी । आकल्पान्तकलाव्यापिसृष्टिसंहारकारिणी ॥७॥

Verse

सर्वशक्तिर्महाशक्तिः शर्वाणी परमेश्वरी । हृल्लेखा भुवना देवी महाकविपरायणा ॥८॥

Verse

इच्छाज्ञानक्रियारूपा अणिमादिगुणाष्टका । नमः शिवायै शान्तायै शाङ्करि भुवनेश्वरि ॥९॥

Verse

वेदवेदाङ्गरूपा च अतिसूक्ष्मा शरीरिणी । कालज्ञानी शिवज्ञानी शैवधर्मपरायणा ॥१०॥

Verse

कालान्तरी कालरूपी संज्ञाना प्राणधारिणी । खड्गश्रेष्ठा च खट्वाङ्गी त्रिशूलवरधारिणी ॥११॥

Verse

अरूपा बहुरूपा च नायिका लोकवश्यगा । अभया लोकरक्षा च पिनाकी नागधारिणी ॥१२॥

Verse

वज्रशक्तिर्महाशक्तिः पाशतोमरधारिणी । अष्टादशभुजा देवी हृल्लेखा भुवना तथा ॥१३॥

Verse

खड्गधारी महारूपा सोमसूर्याग्निमध्यगा । एवं शताष्टकं नाम स्तोत्रं रमणभाषितम् ॥१४॥

Verse

सर्वपापप्रशमनं सर्वारिष्टनिवारणम् । सर्वशत्रुक्षयकरं सदा विजयवर्धनम् ॥१५॥

Verse

आयुष्करं पुष्टिकरं रक्षाकरं यशस्करम् । अमरादिपदैश्वर्यममत्वांशकलापहम् ॥१६॥

Verse

इति श्रीरुद्रयामले तन्त्रे भुवनेश्वर्यष्टोत्तरशतनाम समाप्तम् ।

śrībhuvaneśvaryaṣṭottaraśatanāmastotram
śrībhuvaneśvaryaṣṭottaraśatanāmastotram

Read next

More on श्रीभुवनेश्वर्यष्टोत्तरशतनामस्तोत्रम्

  • श्रीभुवनेश्वर्यष्टोत्तरशतनामस्तोत्रम्Ashtottaranama
  • श्रीभुवनेश्वर्यष्टोत्तरशतनामस्तोत्रम्Ashtottaranama

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms