aSTottaranAma
śrīpārvatyaṣṭottaraśatanāmastotram
श्रीपार्वत्यष्टोत्तरशतनामस्तोत्रम्
Verse
महेश्वरी महादेवी महेश्वरविमोहिनी । महाप्रभा महामाया महासुरनिषूदनी ॥१॥
Verse
उमा कुमारजननी हिमाचलतनूभवा । भवानी भावनागम्या भवपाशविमोचिनी ॥२॥
Verse
शिवा भवाङ्कनिलया मृगाङ्कसदृशानना । अपङ्का शङ्करी शान्ता हृदयान्तःप्रकाशिनी ॥३॥
Verse
विजया दुर्जयामेया जयदा जगदीश्वरी । आर्या परापरमयी त्रिपुरा परमेश्वरी ॥४॥
Verse
कात्यायनी हैमवती शाम्भवी सुम्भमर्दिनी । शाकम्भरी कला कालि भैरवी भयहारिणी ॥५॥
Verse
नारायणी प्राणमयी शर्वाणी सर्वमङ्गला । अरुणा भूरिकरुणा शरणागतवत्सला ॥६॥
Verse
हरिणाङ्ककलाभूषा हरिणाक्षा हरप्रिया । भक्तप्रिया भगवती सुदया दनुजादया ॥७॥
Verse
पङ्कजाक्षसमाराध्या पङ्कजाक्षसहोदरी । किङ्करीमूतगीर्वाणा पङ्कजास्त्रोद्भवेक्षणा ॥८॥
Verse
ह्रीङ्कारी शबरी तारा मातङ्गी मङ्गलप्रदा । अङ्गीकृतहरार्द्धाङ्गा शृङ्गारशरणानना ॥९॥
Verse
शृङ्गारनायिका बाला जया सिंहासनेश्वरी । कामेश्वरी च कल्याणी सुन्दरी सुरसेविता ॥१०॥
Verse
चक्रेश्वरी मधुमती पार्वती पद्मलोचना । कोदण्डिनी कुण्डलिनी चामुण्डा चण्डिकाम्बिका ॥११॥
Verse
चर्च्चिका गिरिजा दुर्गा सर्गस्थित्यन्तकारिणी । सुभगा ललिता गौरी मातामणिर्गृहेश्वरी ॥१२॥
Verse
लोकेश्वरी महाराज्ञी मालिनी मेनकात्मजा । रुद्राणी शङ्करी शर्मदायिनी सर्वसाक्षिणी ॥१३॥
Verse
श्रीविद्या श्रीकरी शक्तिष्षोडशी श्रीदिपूजिता । वाग्वादिनी विन्दुगृहा भवसङ्कटहारणी ॥१४॥
Verse
करपङ्कजसंस्पर्शप्रधूतसुरशासना । पादपल्लवनिष्पिष्टमहिषासुरविग्रहा ॥१५॥
Verse
तरुणार्कसहस्राभतनुच्छायाविजृम्भणा । वदनामोदबिभ्राम्यदलिपालिनिभालका ॥१६॥
Verse
नवकुङ्कुमकस्तूरीतिलकालङ्कृतालिका । अधरारुणिमारक्तमुक्ताशोभितनासिका ॥१७॥
Verse
कनत्कपोलयुगलप्रतिबिम्बितकुण्डला । तमःप्रवाहप्रतिमचिकुरभ्राजिदिङ्मुखा ॥१८॥
Verse
इदमष्टोत्तरशतं पार्वत्यास्सर्वकामदम् । सर्वसम्पत्प्रदं श्रेष्ठं सर्वसौभाग्यपुष्टिदम् ॥१९॥
Verse
सर्वविद्याप्रदं सर्वपुरुषार्थप्रदं परम् । रहस्यमिदमुत्कृष्टं न मीमांसमितस्ततः ॥२०॥
Verse
यः पठेत्परया भक्त्या सन्ध्याकाले समाहितः ।
Verse
स्मरन्नपि महादेवं पार्वतीसहितं शिवम् । स भुक्त्वात्र महाभोगान् शिवलोके महीयते ॥२१॥
Verse
इति पार्वत्यष्टोत्तरशतं सम्पूर्णम् ।
