aSTottaranAma
śrīdharmaśāstuḥ aṣṭottaraśatanāmastotram
श्रीधर्मशास्तुः अष्टोत्तरशतनामस्तोत्रम्
Verse
श्रीपूर्णापुष्कलाम्बासमेत श्रीहरिहरपुत्रस्वामिने नमः ॥
Verse
ध्यानम् - कल्हारोज्ज्वल नीलकुन्तलभरं कालाम्बुद श्यामलं कर्पूराकलिताभिरामवपुषं कुन्देन्दुबिम्बाननम् । श्रीदण्डाङ्कुश-पाश-शूल-विलसत्पाणिं मदान्त- द्विपारूढं शत्रुविमर्दनं हृदि महाशास्तारमाद्यं भजे ॥
Verse
ॐ महाशास्ता महादेवो महादेवसुतोऽव्ययः । लोककर्ता लोकभर्ता लोकहर्तापरात्परः ॥१॥
Verse
त्रिलोकरक्षको धन्वी तपस्वी भूतसैनिकः । मन्त्रवेदी महावेदी मारुतो जगदीश्वरः ॥२॥
Verse
लोकाध्यक्षोऽग्रणीः श्रीमानप्रमेयपराक्रमः । सिम्हारूढो गजारूढो हयारूढो महेश्वरः ॥३॥
Verse
नानाशस्त्रधरोऽनर्घो नानाविद्याविशारदः । नानारूपधरो वीरो नानाप्राणिनिषेवितः ॥४॥
Verse
भूतेशो भूतिदो भृत्यो भुजङ्गाभरणोज्ज्वलः । इक्षुधन्वी पुष्पबाणो महारूपो महाप्रभुः ॥५॥
Verse
मायादेवीसुतो मान्यो महनीयो महागुणः । महाशैवो महारुद्रो वैष्णवो विष्णुपूजकः ॥६॥
Verse
विघ्नेशो वीरभद्रेशो भैरवो षण्मुखप्रियः । मेरुशृङ्गसमासीनो मुनिसङ्घनिषेवितः ॥७॥
Verse
वेदो भद्रो जगन्नाथो गणनाथो गणेश्वरः । महायोगी महामायी महाज्ञानी महास्थिरः ॥८॥
Verse
वेदशास्ता भूतशास्ता भीमहासपराक्रमः । नागहारो नागकेशो व्योमकेशः सनातनः ॥९॥
Verse
सगुणो निर्गुणो नित्यो नित्यतृप्तो निराश्रयः । लोकाश्रयो गणाधीशश्चतुष्षष्टिकलामयः ॥१०॥
Verse
ऋग्यजुःसामाथर्वात्मा मल्लकासुरभञ्जनः । त्रिमूर्तिर्दैत्यमथनः प्रकृतिः पुरुषोत्तमः ॥११॥
Verse
कालज्ञानी महाज्ञानी कामदः कमलेक्षणः । कल्पवृक्षो महावृक्षो विद्यावृक्षो विभूतिदः ॥१२॥
Verse
संसारतापविच्छेत्ता पशुलोकभयङ्करः । रोगहन्ता प्राणदाता परगर्वविभञ्जनः ॥१३॥
Verse
सर्वशास्त्रार्थ तत्त्वज्ञो नीतिमान् पापभञ्जनः । पुष्कलापूर्णासंयुक्तः परमात्मा सताङ्गतिः ॥१४॥
Verse
अनन्तादित्यसङ्काशः सुब्रह्मण्यानुजो बली । भक्तानुकम्पी देवेशो भगवान् भक्तवत्सलः ॥
Verse
इति श्रीधर्मशास्तुः अष्टोत्तरशतनामस्तोत्रं सम्पूर्णम् ॥
