Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

aSTottaranAma

śrīdhūmāvatyaṣṭottaraśatanāmastotram

श्रीधूमावत्यष्टोत्तरशतनामस्तोत्रम्

Verse

ईश्वर उवाच धूमावती धूम्रवर्णा धूम्रपानपरायणा । धूम्राक्षमथिनी धन्या धन्यस्थाननिवासिनी ॥१॥

Verse

अघोराचारसन्तुष्टा अघोराचारमण्डिता । अघोरमन्त्रसम्प्रीता अघोरमन्त्रपूजिता ॥२॥

Verse

अट्टाट्टहासनिरता मलिनाम्बरधारिणी । वृद्धा विरूपा विधवा विद्या च विरलद्विजा ॥३॥

Verse

प्रवृद्धघोणा कुमुखी कुटिला कुटिलेक्षणा । कराली च करालास्या कङ्काली शूर्पधारिणी ॥४॥

Verse

काकध्वजरथारूढा केवला कठिना कुहूः । क्षुत्पिपासार्दिता नित्या ललज्जिह्वा दिगम्बरी ॥५॥

Verse

दीर्घोदरी दीर्घरवा दीर्घाङ्गी दीर्घमस्तका । विमुक्तकुन्तला कीर्त्या कैलासस्थानवासिनी ॥६॥

Verse

क्रूरा कालस्वरूपा च कालचक्रप्रवर्तिनी । विवर्णा चञ्चला दुष्टा दुष्टविध्वंसकारिणी ॥७॥

Verse

चण्डी चण्डस्वरूपा च चामुण्डा चण्डनिस्वना । चण्डवेगा चण्डगतिश्चण्डमुण्डविनाशिनी ॥८॥

Verse

चाण्डालिनी चित्ररेखा चित्राङ्गी चित्ररूपिणी । कृष्णा कपर्दिनी कुल्ला कृष्णारूपा क्रियावती ॥९॥

Verse

कुम्भस्तनी महोन्मत्ता मदिरापानविह्वला । चतुर्भुजा ललज्जिह्वा शत्रुसंहारकारिणी ॥१०॥

Verse

शवारूढा शवगता श्मशानस्थानवासिनी । दुराराध्या दुराचारा दुर्जनप्रीतिदायिनी ॥११॥

Verse

निर्मांसा च निराकारा धूतहस्ता वरान्विता । कलहा च कलिप्रीता कलिकल्मषनाशिनी ॥१२॥

Verse

महाकालस्वरूपा च महाकालप्रपूजिता । महादेवप्रिया मेधा महासङ्कटनाशिनी ॥१३॥

Verse

भक्तप्रिया भक्तगतिर्भक्तशत्रुविनाशिनी । भैरवी भुवना भीमा भारती भुवनात्मिका ॥१४॥

Verse

भेरुण्डा भीमनयना त्रिनेत्रा बहुरूपिणी । त्रिलोकेशी त्रिकालज्ञा त्रिस्वरूपा त्रयीतनुः ॥१५॥

Verse

त्रिमूर्तिश्च तथा तन्वी त्रिशक्तिश्च त्रिशूलिनी । इति धूमामहत्स्तोत्रं नाम्नामष्टोत्तरात्मकम् ॥१६॥

Verse

मया ते कथितं देवि शत्रुसङ्घविनाशनम् । कारागारे रिपुग्रस्ते महोत्पाते महाभये ॥१७॥

Verse

इदं स्तोत्रं पठेन्मर्त्यो मुच्यते सर्वसङ्कटैः । गुह्याद्गुह्यतरं गुह्यं गोपनीयं प्रयत्नतः ॥१८॥

Verse

चतुष्पदार्थदं नॄणां सर्वसम्पत्प्रदायकम् ॥१९॥

Verse

इति श्रीधूमावत्यष्टोत्तरशतनामस्तोत्रं सम्पूर्णम् ॥

śrīdharmaśāstuḥ aṣṭottaraśatanāmastotram
nārāyaṇāṣṭottaraśatanāmastotram

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms