Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

aSTottaranAma

śoṇācalaśivanāmastotram

शोणाचलशिवनामस्तोत्रम्

Verse

गौतमाय श्रीशङ्करेणशिवमुख्यनाम्नाम्परिगणनपुरःसरं पार्वतीकृते गौतम प्रश्नेऽरुणेश्वरप्रदक्षिणामाहात्म्यवर्णनं गौतम उवाच - भगवन्नरुणाद्रीशनामधेयानितेभृशम् । विशेषाच्छ्रोतुमिच्छामिस्थानेऽस्मिन्सुरपूजिते ॥१॥

Verse

महेश्वर उवाच - नामानिशृणु मे ब्रह्मन्मुख्यानिद्विजसत्तम । दुर्लभान्यल्पपुण्यानां कामदानिसदाभुवि ॥२॥

Verse

शोणाद्रीशोऽरुणाद्रीशो देवाधीशो जनप्रियः । प्रपन्नरक्षको धीरः शिवसेवकवर्धकः ॥३॥

Verse

अक्षिपेयामृतेशानः स्त्रीपुम्भावप्रदायकः । भक्तिविज्ञप्तिसन्धाता दीनबन्दिविमोचकः ॥४॥

Verse

मुखराङ्घ्रिपतिः श्रीमान्मृडो मृगमदेश्वरः । भक्तप्रेक्षणकृत्साक्षी भक्तदोषनिवर्तकः ॥५॥

Verse

ज्ञानसम्बन्धनाथश्च श्रीहलाहलसुन्दकः । आहवैश्वर्यदाता च स्मर्तृ सर्वाघनाशनः ॥६॥

Verse

व्यत्यस्तनृत्यद्ध्वजधृक्सकान्तिर्नटनेश्वरः । सामप्रियः कलिध्वंसी वेदमूर्तिनिरञ्जनः ॥७॥

Verse

जगन्नाथो महादेवस्त्रिनेत्रस्त्रिपुरान्तकः । भक्तापराधसोढा च योगीशो भोगनायकः ॥८॥

Verse

बालमूर्तिः क्षमारूपी धर्मरक्षो वृषध्वजः । हरो गिरीश्वरो भर्गश्चन्द्ररेखावतंसकः ॥९॥

Verse

स्मरान्तकाऽन्धकरिपुः सिद्धराजो दिगम्बरः । आगमप्रियईशानो भस्मरुद्राक्षलाञ्छनः ॥१०॥

Verse

श्रीपतिः शङ्करः स्रष्टा सर्वविद्येश्वरोऽनघः । गङ्गाधरः क्रतुध्वंसो विमलो नागभूषणः ॥११॥

Verse

अरुणो बहुरूपश्च विरूपाक्षोऽक्षराकृतिः । अनादिरन्तरहितः शिवकामः स्वयम्प्रभः ॥१२॥

Verse

सच्चिदानन्दरूपश्च सर्वात्मा जीवधारकः । स्त्रीसङ्गवामसुभगो विधिर्विहितसुन्दरः ॥१३॥

Verse

ज्ञानप्रदो मुक्तिदश्च भक्तवाञ्छितदायकः । आश्चर्यवैभवः कामी निरवद्यो निधिप्रदः ॥१४॥

Verse

शूली पशुपतिः शम्भुः स्वयम्भुगिरिशो मृडः । एतानि मम मुख्यानि नामान्यत्र महामुने ॥१५॥

Verse

इति श्रीस्कान्दे महापुराणे प्रथमे माहेश्वरखण्डे तृतीयमरुणाचलमाहात्म्यं तत्र पूर्वार्धः प्रारभ्यते नवमोऽध्यायान्तर्गता शोणाचलशिवनामस्तोत्रं सम्पूर्णम् ।

śrīśukrāṣṭottaraśatanāmastotram
śrīśyāmadevāṣṭottaraśatanāmastotram

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms