Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

aSTottaranAma

vakārādi śrīvāmanāṣṭottaraśatanāmastotram

वकारादि श्रीवामनाष्टोत्तरशतनामस्तोत्रम्

Verse

वामनो वारिजाताक्षो वर्णी वासवसोदरः । वासुदेवो वावदूको वालखिल्यसमो वरः ॥१॥

Verse

वेदवादी विद्युदाभो वृतदण्डो वृषाकपिः । वारिवाहसितच्छत्रो वारिपूर्णकमण्डलुः ॥२॥

Verse

वलक्षयज्ञोपवीतो वरकौपीनधारकः । विशुद्धमौञ्जीरशनो विधृतस्फाटिकस्रजः ॥३॥

Verse

वृतकृष्णाजिनकुशो विभूतिच्छन्नविग्रहः । वरभिक्षापात्रकक्षो वारिजारिमुखो वशी ॥४॥

Verse

वारिजाङ्घ्रिर्वृद्धसेवी वदनस्मितचन्द्रिकः । वल्गुभाषी विश्वचित्तधनस्तेयी विशिष्टधीः ॥५॥

Verse

वसन्तसदृशो वह्नि शुद्धाङ्गो विपुलप्रभः । विशारदो वेदमयो विद्वदर्धिजनावृतः ॥६॥

Verse

वितानपावनो विश्वविस्मयो विनयान्वितः । वन्दारुजनमन्दारो वैष्णवर्क्षविभूषणः ॥७॥

Verse

वामाक्षीमदनो विद्वन्नयनाम्बुजभास्करः । वारिजासनगौरीशवयस्यो वासवप्रियः ॥८॥

Verse

वैरोचनिमखालङ्कृद्वैरोचनिवनीवकः । वैरोचनियशस्सिन्धुचन्द्रमा वैरिबाडबः ॥९॥

Verse

वासवार्थस्वीकृतार्थिभावो वासितकैतवः । वैरोचनिकराम्भोजरससिक्तपदाम्बुजः ॥१०॥

Verse

वैरोचनिकराब्धारापूरिताञ्जलिपङ्कजः । वियत्पतितमन्दारो विन्ध्यावलिकृतोत्सवः ॥११॥

Verse

वैषम्यनैर्घृण्यहीनो वैरोचनिकृतप्रियः । विदारितैककाव्याक्षो वांछिताज्ङ्घ्रित्रयक्षितिः ॥१२॥

Verse

वैरोचनिमहाभाग्य परिणामो विषादहृत् । वियद्दुन्दुभिनिर्घृष्टबलिवाक्यप्रहर्षितः ॥१३॥

Verse

वैरोचनिमहापुण्याहार्यतुल्यविवर्धनः । विबुधद्वेषिसन्त्रासतुल्यवृद्धवपुर्विभुः ॥१४॥

Verse

विश्वात्मा विक्रमक्रान्तलोको विबुधरञ्जनः । वसुधामण्डलव्यापिदिव्यैकचरणाम्बुजः ॥१५॥

Verse

विधात्रण्डविनिर्भेदिद्वितीयचरणाम्बुजः । विग्रहस्थितलोकौघो वियद्गङ्गोदयाङ्घ्रिकः ॥१६॥

Verse

वरायुधधरो वन्द्यो विलसद्भूरिभूषणः । विष्वक्सेनाद्युपवृतो विश्वमोहाब्जनिस्स्वनः ॥१७॥

Verse

वास्तोष्पत्यादिदिक्पालबाहुर्विधुमयाशयः । विरोचनाक्षो वह्न्यास्यो विश्वहेत्वर्षिगुह्यकः ॥१८॥

Verse

वार्धिकुक्षिर्वारिवाहकेशो वक्षस्थ्सलेन्दिरः । वायुनासो वेदकण्ठो वाक्छन्दा विधिचेतनः ॥१९॥

Verse

वरुणस्थानरसनो विग्रहस्थचराचरः । विबुधर्षिगणप्राणो विबुधारिकटिस्थलः ॥२०॥

Verse

विधिरुद्रादिविनुतो विरोचनसुतानन्दनः । वारितासुरसन्दोहो वार्धिगम्भीरमानसः ॥२१॥

Verse

विरोचनपितृस्तोत्रकृतशान्तिर्वृषप्रियः । विन्ध्यावलिप्राणनाध भिक्षादायी वरप्रदः ॥२२॥

Verse

वासवत्राकृतस्वर्गो वैरोचनिकृतातलः । वासवश्रीलतोपघ्नो वैरोचनिकृतादरः ॥२३॥

Verse

विबुधद्रुसुमापाङ्गवारिताश्रितकश्मलः । वारिवाहोपमो वाणीभूषणोऽवतु वाक्पतिः ॥२४॥

Verse

॥ इति वकारादि श्री वामनावताराष्टोत्तरशतम् पराभव श्रावण बहुल प्रतिपदि लिखितं रामेण समर्पितं च श्री हयग्रीवायदेवाय ॥

vakārādi śrīvarāhāṣṭottaraśatanāmastotram
vakārādi śrīvāmanāṣṭottaraśatanāmastotram

Read next

More on वकारादि श्रीवामनाष्टोत्तरशतनामस्तोत्रम्

  • वकारादि श्रीवामनाष्टोत्तरशतनामस्तोत्रम्Ashtottaranama

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms