aSTottaranAma
rakārādi śrīparaśurāmāṣṭottaraśatanāmastotram
रकारादि श्रीपरशुरामाष्टोत्तरशतनामस्तोत्रम्
Verse
रामो राजाटवीवह्नि रामचन्द्रप्रसादकः । राजरक्तारुणस्नातो राजीवायतलोचनः ॥१॥
Verse
रैणुकेयो रुद्रशिष्यो रेणुकाच्छेदनो रयी । रणधूतमहासेनो रुद्राणीधर्मपुत्रकः ॥२॥
Verse
राजत्परशुविच्छिन्नकार्तवीर्यार्जुनद्रुमः । राताखिलरसो रक्तकृतपैतृकतर्पणः ॥३॥
Verse
रत्नाकरकृतावासो रतीशकृतविस्मयः । रागहीनो रागदूरो रक्षितब्रह्मचर्यकः ॥४॥
Verse
राज्यमत्तक्षत्त्रबीज भर्जनाग्निप्रतापवान् । राजद्भृगुकुलाम्बोधिचन्द्रमा रञ्जितद्विजः ॥५॥
Verse
रक्तोपवीतो रक्ताक्षो रक्तलिप्तो रणोद्धतः । रणत्कुठारो रविभूदण्डायित महाभुजः ॥६॥
Verse
रमानाधधनुर्धारी रमापतिकलामयः । रमालयमहावक्षा रमानुजलसन्मुखः ॥७॥
Verse
रसैकमल्लो रसनाऽविषयोद्दण्ड पौरुषः । रामनामश्रुतिस्रस्तक्षत्रियागर्भसञ्चयः ॥८॥
Verse
रोषानलमयाकारो रेणुकापुनराननः । राधेयचातकाम्भोदो रुद्धचापकलापगः ॥९॥
Verse
राजीवचरणद्वन्द्वचिह्नपूतमहेन्द्रकः । रामचन्द्रन्यस्ततेजा राजशब्दार्धनाशनः ॥१०॥
Verse
राद्धदेवद्विजव्रातो रोहिताश्वाननार्चितः । रोहिताश्वदुराधर्षो रोहिताश्वप्रपावनः ॥११॥
Verse
रामनामप्रधानार्धो रत्नाकरगभीरधीः । राजन्मौञ्जीसमाबद्ध सिंहमध्यो रविद्युतिः ॥१२॥
Verse
रजताद्रिगुरुस्थानो रुद्राणीप्रेमभाजनम् । रुद्रभक्तो रौद्रमूर्ती रुद्राधिकपराक्रमः ॥१३॥
Verse
रविताराचिरस्थायी रक्तदेवर्षिभावनः । रम्यो रम्यगुणो रक्तो रातभक्ताखिलेप्सितः ॥१४॥
Verse
रचितस्वर्णसोपानो रन्धिताशयवासनः । रुद्धप्राणादिसञ्चारो राजद्ब्रह्मपदस्थितः ॥१५॥
Verse
रत्नसूनुमहाधीरो रसासुरशिखामणिः । रक्तसिद्धी रम्यतपा राततीर्थाटनो रसी ॥१६॥
Verse
रचितभ्रातृहननो रक्षितभातृको रणी । राजापहृततातेष्टिधेन्वाहर्ता रसाप्रभुः ॥१७॥
Verse
रक्षितब्राह्म्यसाम्राज्यो रौद्राणेयजयध्वजः । राजकीर्तिमयच्छत्रो रोमहर्षणविक्रमः ॥१८॥
Verse
राजशौर्यरसाम्भोधिकुम्भसम्भूतिसायकः । रात्रिन्दिवसमाजाग्र त्प्रतापग्रीष्मभास्करः ॥१९॥
Verse
राजबीजोदरक्षोणीपरित्यागी रसात्पतिः । रसाभारहरो रस्यो राजीवजकृतक्षमः ॥२०॥
Verse
रुद्रमेरुधनुर्भङ्ग कृद्धात्मा रौद्रभूषणः । रामचन्द्रमुखज्योत्स्नामृतक्षालितहृन्मलः ॥२१॥
Verse
रामाभिन्नो रुद्रमयो रामरुद्रो भयात्मकः । रामपूजितपादाब्जो रामविद्वेषिकैतवः ॥२२॥
Verse
रामानन्दो रामनामो रामो रामात्मनिर्भिदः । रामप्रियो रामतृप्तो रामगो रामविश्रमः ॥२३॥
Verse
रामज्ञानकुठारात्त राजलोकमहातमाः । रामात्ममुक्तिदो रामो रामदो राममङ्गलः ॥२४॥
Verse
मङ्गलं जामदग्न्याय कार्तवीर्यार्जुनच्छिदे । मङ्गलं परमोदार सदा परशुराम ते ॥२५॥
Verse
मङ्गलं राजकालाय दुराधर्षाय मङ्गलम् । मङ्गलं महनीयाय जामदग्न्याय मङ्गलम् ॥२६॥
Verse
जमदग्नि तनूजाय जिताखिलमहीभृते । जाज्वल्यमानायुधाय जामदग्न्याय मङ्गलम् ॥२७॥
Verse
॥ इति रामेणकृतं पराभवाब्दे वैशाखशुद्ध त्रितीयायां परशुराम जयन्त्यां रकारादि श्री परशुरामाष्टोत्तरशतम् श्री हयग्रीवाय समर्पितम् ॥
