Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

aSTottaranAma

mantrasiddhipradamahādurgāśatanāmastotram

मन्त्रसिद्धिप्रदमहादुर्गाशतनामस्तोत्रम्

Verse

मन्त्रसिद्धिप्रदमहादुर्गाशतनामस्तोत्रम् ॐ दुर्गा भवानी देवेशी विश्वनाथप्रिया शिवा । घोरदंष्ट्राकरालास्या मुण्डमालाविभूषिता ॥१॥

Verse

रुद्राणी तारिणी तारा माहेशी भववल्लभा । नारायणी जगद्धात्री महादेवप्रिया जया ॥२॥

Verse

विजया च जयाराध्या शर्वाणी हरवल्लभा । असिता चाणिमादेवी लघिमा गरिमा तथा ॥३॥

Verse

महेशशक्तिर्विश्वेशी गौरी पर्वतनन्दिनी । नित्या च निष्कलङ्का च निरीहा नित्यनूतना ॥४॥

Verse

रक्ता रक्तमुखी वाणी वस्तुयुक्तासमप्रभा । यशोदा राधिका चण्डी द्रौपदी रुक्मिणी तथा ॥५॥

Verse

गुहप्रिया गुहरता गुहवंशविलासिनी । गणेशजननी माता विश्वरूपा च जाह्नवी ॥६॥

Verse

गङ्गा काली च काशी च भैरवी भुवनेश्वरी । निर्मला च सुगन्धा च देवकी देवपूजिता ॥७॥

Verse

दक्षजा दक्षिणा दक्षा दक्षयज्ञविनाशिनी । सुशीला सुन्दरी सौम्या मातङ्गी कमलात्मिका ॥८॥

Verse

निशुम्भनाशिनी शुम्भनाशिनी चण्डनाशिनी । धूम्रलोचनसंहारी महिषासुरमर्दिनी ॥९॥

Verse

उमा गौरी कराला च कामिनी विश्वमोहिनी । जगदीशप्रिया जन्मनाशिनी भवनाशिनी ॥१०॥

Verse

घोरवक्त्रा ललज्जिह्वा अट्टहासा दिगम्बरा । भारती स्वरगता देवी भोगदा मोक्षदायिनी ॥११॥

Verse

इत्येवं शतनामानि कथितानि वरानने ।

Verse

नामस्मरणमात्रेण जीवन्मुक्तो न संशयः । पठित्वा शतनामानि मन्त्रसिद्धिं लभेत् धृवम् ॥१२॥

Verse

इति मन्त्रसिद्धिप्रदमहादुर्गाशतनामस्तोत्रं सम्पूर्णम् ।

bhairavyaṣṭottaraśatanāmastotram
śrīmahākālakakārādyaṣṭottaraśatanāmastotram

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms