aSTottaranAma
bhairavyaṣṭottaraśatanāmastotram
भैरव्यष्टोत्तरशतनामस्तोत्रम्
Verse
(अथ श्रीकालीविलासतन्त्रे त्रयोदशपटलः ।
Verse
श्रीवामदेव उवाच ।
Verse
शृणुत्वं शतनामानि भैरव्याः प्राणवल्लभे । यस्याः प्रसादमात्रेण महासम्पद्भवेत् कलौ ॥१॥
Verse
अस्य श्रीभैरवी शतनाम स्तोत्रस्य श्रीईश्वरऋषि- र्गायत्रोच्छन्दः श्रीभैरवी शक्तिभैरवी देवता धर्मार्थकाममोक्षार्थे विनियोगः ॥
Verse
ॐ ह्रीं भैरवी भगिनी भद्रा भवानी भव चर्चिता । भुवना भुवनेशानि नानाभरणभूषिता ॥२॥
Verse
भवेशी-भार्गवाराध्या भुवनानन्दकारिणी । भगिनी भागिनी भव्या भावनीया भयापहा ॥३॥
Verse
भोगेश्वरी भोगरूपा भवदुःखवियोगिनी । भयङ्करी भयहरा भब दुःखभयापहा ॥४॥
Verse
गौराङ्गी दौर्घनयना चतुर्बाहुधराम्बिका । सुकेशी दीर्घकेशी च कटाक्षी विशिखोज्ज्वला ॥५॥
Verse
रङ्गीरङ्गमयीरङ्गा देहानन्दमयी तथा । रङ्गणीया शिवाराध्या रङ्गलीला शिवार्चिता ॥६॥
Verse
रामपूज्या रणाचार्या रकारवर्णरूपिणी । रक्तधूलिपरिच्छिन्ना राज्ञी रोगविनाशिनी ॥७॥
Verse
रौद्री रौद्रस्वरूपा च रुद्रमूर्तीरणाग्रणीः । अरुणादित्यवर्णाभा रक्तपद्मदलेक्षणा ॥८॥
Verse
रुक्माङ्गदपरिच्छिन्ना रुक्ममालाविभूषिता । ब्रह्मपूज्या विष्णुपूज्या रुद्रपूज्या तथेश्वरी ॥९॥
Verse
सदार्चिता सदाराध्या महेश-पूजिता मही । मालामय्युन्मयो माला मानार्हा मानदायिनी ॥१०॥
Verse
वेदाग्री वेदसारा च बालार्कसदृशीति च । विधाता विफला वेद-रूपिणी विष्णुरूपिणी ॥११॥
Verse
वेदान्तरूपिणी विद्या तथा वैकुण्ठरूपिणी । ब्रह्मण्डरूपिणी रक्षा रूपिणो ब्रह्मरूपिणी ॥१२॥
Verse
वसुदा सुमहावाला वेदरूपा विनोदिनी । कालिका च धराधात्री रौद्री च विश्वरूपिणी ॥१३॥
Verse
विरूपाक्षी विशालाक्षी विशाला विषमा विधुः । विद्यावती रसवती वलावलवती बधूः ॥१४॥
Verse
वैश्वानरोविशाखा च वेशदेशस्वरूपिणी । रञ्जनी रङ्गिणी रम्या रामा रासस्वरूपिणी ॥१५॥
Verse
रामा श्रीसारसोन्मत्ता रसरूपा रसप्रदा । राधिका रामरूपा च राध्या रामार्त्ति नाशिनी ॥१६॥
Verse
शतनाम स्तोत्रमिदं यः पठेत् शिवमन्दिरे । पठित्वा पाठयित्वा वा सर्वसौभाग्य मालभेत् ॥१७॥
Verse
त्रिसन्ध्य यः पठेन्नित्यं भक्त्या द्विवत्सरावधि । सर्वसिद्धीश्वरो भूत्वा गाणपत्यं लभेतसः ॥१८॥
Verse
इति श्रीकालीविलासतन्त्रे श्रीभैरवी-शतनामस्तवं समाप्तम् ।
Verse
ॐ तत्सदित्यादि ।
Verse
इति श्रीकालीविलासतन्त्रे त्रयोदशपटलः समाप्तः ।
