Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

aSTottaranAma

bavarṇādi śrībuddhāṣṭottaraśatanāmastotram

बवर्णादि श्रीबुद्धाष्टोत्तरशतनामस्तोत्रम्

Verse

बुद्धो बुधजनानन्दी बुद्धिमान् बुद्धिचोदनः । बुद्धप्रियो बुद्धषट्को बोधिताद्वैतसंहितः ॥१॥

Verse

बुद्धिदूरो बोधरूपो बुद्धसर्वो बुधान्तरः । बुद्धिकृत्बुद्धिविद्बुद्धिर्बुद्धिभिद्बुद्धिसत्बुधः ॥२॥

Verse

बुद्ध्यालयो बुद्धिलयो बुद्धिगम्यो बुधेश्वरः । बुद्ध्यकामो बुद्धवपुर्बुद्धिभोक्ता बुधावनः ॥३॥

Verse

बुद्धिप्रतिगतानन्दो बुद्धिमुद्बुद्धिभासकः । बुद्धिप्रियो बुद्ध्यवश्यो बुद्धिशोधी बुधाशयः ॥४॥

Verse

बुद्धीश्वरो बुद्धिसखो बुद्धिदो बुद्धिबान्धवः । बुद्धिनिर्मितभूतौघो बुद्धिसाक्षी बुधोत्तमः ॥५॥

Verse

बहुरूपो बहुगुणो बहुमायो बहुक्रियः । बहुभोगो बहुमतो बहुनामा बहुप्रदः ॥६॥

Verse

बुधेतरवराचार्यो बहुभद्रो बहुप्रधः । वृन्दारकावनो ब्रह्म ब्रह्मदूषणकैतवः ॥७॥

Verse

बह्वैश्वर्यो बहुबलो बहुवीर्यो बहुप्रभः । बहुवैराग्यभरितो बहुश्री बहुधर्मवित् ॥८॥

Verse

बहुलोकजयी बन्धमोचको बाधितस्मरः । बृहस्पतिगुरुर्ब्रह्मस्तुतो ब्रह्मादिनायकः ॥९॥

Verse

ब्रह्माण्डनायको ब्रध्नभास्वरो ब्रह्मतत्परः । बलभद्रसखो बद्धसुभद्रो बहुजीवनः ॥१०॥

Verse

बहुभुग्बहिरन्तस्थो बहिरिन्द्रियदुर्गमः । बलाहकाभो बाधाच्छिद्बिसपुष्पाभलोचनः ॥११॥

Verse

बृहद्वक्षा बृहत्क्रीडो बृहद्रामो बृहत्प्रियः । बृहत्तृप्तो ब्रह्मरथो ब्रह्मविद्ब्रह्मपारकृत् ॥१२॥

Verse

बाधितद्वैतविषयो बहुवर्णविभागहृत् । बृहज्जगद्भेददूषी बह्वाश्चर्यरसोदधिः ॥१३॥

Verse

बृहत्क्षमो बहुकृपो बहुशीलो बलिप्रियः । बाधिताशिष्टनिकरो बाधातीतो बहूदयः ॥१४॥

Verse

बाधितान्तश्शत्रुजालो बद्धचित्तहयोत्तमः । बहुधर्मप्रवचनो बहुमन्तव्यभाषितः ॥१५॥

Verse

बर्हिर्मुखशरण्यं ब्रह्मण्यो ब्राह्मणप्रियः । ब्रह्मस्तुतो ब्रह्मबन्धुर्ब्रह्मसूर्ब्रह्मशोऽवतु ॥१६॥

Verse

॥ इति बकारादि श्री बुद्धावताराष्टोत्तरशतनामावलिः रियं पराभव श्रावणबहुल द्वितीयायां रामेण लिखिता समर्पिता च श्री हयग्रीवायदेवाय विजयतान्तराम् ॥

nakārādi śrīnarasiṃhāṣṭottaraśatanāmastotram
makārādi śrīmatsyāṣṭottaraśatanāmastotram

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms