Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

aSTottaranAma

nakārādi śrīnarasiṃhāṣṭottaraśatanāmastotram

नकारादि श्रीनरसिंहाष्टोत्तरशतनामस्तोत्रम्

Verse

नरसिंहो नरो नारस्रष्टा नारायणो नवः । नवेतरो नरपतिर्नरात्मा नरचोदनः ॥१॥

Verse

नखभिन्नस्वर्णशय्यो नखदंष्ट्राविभीषणः । नारभीतदिशानाशो नन्तव्यो नखरायुधः ॥२॥

Verse

नादनिर्भिन्नपाद्माण्डो नयनाग्निहुतासुरः । नटत्केसरसञ्जातवातविक्षिप्तवारिदः ॥३॥

Verse

नलिनीशसहस्राभो नतब्रह्मादिदेवतः । नभोविश्वम्भराभ्यन्तर्व्यापिदुर्वीक्षविग्रहः ॥४॥

Verse

निश्श्वासवातसंरम्भ घूर्णमानपयोनिधिः । निर्दयाङ्घ्रियुगन्यासदलितक्ष्माहिमस्तकः ॥५॥

Verse

निजसंरम्भसन्त्रस्तब्रह्मरुद्रादिदेवतः । निर्दम्भभक्तिमद्रक्षोडिम्भनीतशमोदयः ॥६॥

Verse

नाकपालादिविनुतो नाकिलोककृतप्रियः । नाकिशत्रूदरान्त्रादिमालाभूषितकन्धरः ॥७॥

Verse

नाकेशासिकृतत्रासदंष्ट्राभाधूततामसः । नाकमर्त्यातलापूर्णनादनिश्शेषितद्विपः ॥८॥

Verse

नामविद्राविताशेषभूतरक्षःपिशाचकः । नामनिश्श्रेणिकारूढनिजलोकनिजव्रजः ॥९॥

Verse

नालीकनाभो नागारिवन्द्यो नागाधिराड्भुजः । नगेन्द्रधीरो नेत्रान्तस्ख्सलदग्निकणच्छटः ॥१०॥

Verse

नारीदुरासदो नानालोकभीकरविग्रहः । निस्तारितात्मीयसन्थो निजैकज्ञेयवैभवः ॥११॥

Verse

निर्व्याजभक्तप्रह्लादपरिपालनतत्परः । निर्वाणदायी निर्व्याजभक्त्येकप्राप्यतत्पदः ॥१२॥

Verse

निर्ह्रादमयनिर्घातदलितासुरराड्बलः । निजप्रतापमार्ताण्डखद्योतीकृतभास्करः ॥१३॥

Verse

निरीक्षणक्षतज्योतिर्ग्रहतारोडुमण्डलः । निष्प्रपञ्चबृहद्भानुज्वालारुणनिरीक्षणः ॥१४॥

Verse

नखाग्रलग्नारिवक्षस्स्रुतरक्तारुणाम्बरः । निश्शेषरौद्रनीरन्ध्रो नक्षत्राच्छादितक्षमः ॥१५॥

Verse

निर्णिद्ररक्तोत्पलाक्षो निरमित्रो निराहवः । निराकुलीकृतसुरो निर्णिमेयो निरीश्वरः ॥१६॥

Verse

निरुद्धदशदिग्भागो निरस्ताखिलकल्मषः । निगमाद्रिगुहामध्यनिर्णिद्राद्भुतकेसरी ॥१७॥

Verse

निजानन्दाब्धिनिर्मग्नो निराकारो निरामयः । निरहङ्कारविबुधचित्तकानन गोचरः ॥१८॥

Verse

नित्यो निष्कारणो नेता निरवद्यगुणोदधिः । निदानं निस्तमश्शक्तिर्नित्यतृप्तो निराश्रयः ॥१९॥

Verse

निष्प्रपञ्चो निरालोको निखिलप्रीतिभासकः । निरूढज्ञानिसचिवो निजावनकृताकृतिः ॥२०॥

Verse

निखिलायुधनिर्भातभुजानीकशताद्भुतः । निशितासिज्ज्वलज्जिह्वो निबद्धभृकुटीमुखः ॥२१॥

Verse

नगेन्द्रकन्दरव्यात्तवक्त्रो नम्रेतरश्रुतिः । निशाकरकराङ्कूर गौरसारतनूरुहः ॥२२॥

Verse

नाथहीनजनत्राणो नारदादिसमीडितः । नारान्तको नारचित्तिर्नाराज्ञेयो नरोत्तमः ॥२३॥

Verse

नरात्मा नरलोकांशो नरनारायणो नभः । नतलोकपरित्राणनिष्णातो नयकोविदः ॥२४॥

Verse

निगमागमशाखाग्र प्रवालचरणाम्बुजः । नित्यसिद्धो नित्यजयी नित्यपूज्यो निजप्रभः ॥२५॥

Verse

निष्कृष्टवेदतात्पर्यभूमिर्निर्णीततत्त्वकः । नित्यानपायिलक्ष्मीको निश्श्रेयसमयाकृतिः ॥२६॥

Verse

निगमश्रीमहामालो निर्दग्धत्रिपुरप्रियः । निर्मुक्तशेषाहियशा निर्द्वन्द्वो निष्कलो नरी ॥२७॥

Verse

॥ इति नकारादि श्री नरसिंहाष्टोत्तरशतनामस्तोत्रम् पराभव श्रावण शुद्धैकादश्याम् रामेण लिखिता श्री हयग्रीवाय समर्पित ॥

kṛkārādi śrīkṛṣṇāṣṭottaraśatanāmastotram
bavarṇādi śrībuddhāṣṭottaraśatanāmastotram

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms