Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

aSTakam

hālāsyamāhātmyāntargatam

हालास्यमाहात्म्यान्तर्गतम्

Verse

परिपूर्ण परानन्द परचित् सत्यविग्रह । सुन्दरेश्वर सर्वज्ञ त्राहि मामपराधिनम् ॥१॥

Verse

फालाक्षिजातज्वलनलेलिहानमनोभव । जीवन्मुक्तिपुरीनाथ त्राहि मामपराधिनम् ॥२॥

Verse

पारिजातगुणातीतपादपङ्कजवैभव । कदंबकाननाध्यक्ष त्राहि मामपराधिनम् ॥३॥

Verse

भक्तप्रार्थितसर्वार्थकामधेनो पुरान्तक । करुणावरुणावास त्राहि मामपराधिनम् ॥४॥

Verse

कैवल्यदाननिरत कालकूटभयापह । कन्यकानगरीनाथ त्राहि मामपराधिनम् ॥५॥

Verse

कमलापतिवागीशशचीशप्रमुखामरैः । परिपूजितपादाब्ज त्राहि मामपराधिनम् ॥६॥

Verse

पञ्चास्यपन्नगाकार परानन्दप्रदायक । पर्वताधीशजामतः त्राहि मामपराधिनम् ॥७॥

Verse

परात्पर पदांभोजपरिध्यानरतात्मनां । काङ्क्षितार्थप्रद स्वामिन् त्राहि मामपराधिनम् ॥८॥

Verse

सुन्दरेश्वर सर्वेश स्मरसौभाग्यसिद्धिद । श्रीमन् सुन्दरपाण्ड्येश त्राहि मामपराधिनम् ॥९॥

Verse

अपराधाष्टकस्तोत्रं यः पठेत्तव सन्निधौ । तस्यानन्तापराधं च क्षमस्व करुणाम्बुधे ॥१०॥

svāmī vṛdhanṛsiṃhabhāratī viracitam
agastyakṛtaṃ, skandapurāṇāntargatam

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms