aSTakam
śrīvātapuranāthāṣṭakam
श्रीवातपुरनाथाष्टकम्
Verse
कुन्दसुम बृन्दसममन्दहसितास्यं नन्दकुलनन्द भर तुन्दलनकन्दम् । पूतनिजगीतलवधूत दुरितं तम् वातपुरनाथमिममातनु हृदब्जे ॥१॥
Verse
नीलतर जालधर भालहरि रम्यं लोलतर शीलयुत बालजनलीलम् । जालनति शीलमपि पालयितुकामं वातपुरनाथमिममातनु हृदब्जे ॥२॥
Verse
कंसरणहिंसमिह संसरणजातक्लान्तिभरशान्तिकर कान्ति झरवीरम् । वातमुख धातुजनि पातभयघातं वातपुरनाथमिममातनु हृदब्जे ॥३॥
Verse
जातु धुरि पातुकमिहातुरजनं द्राक् शोक भरमूकमपि तोकमिव पान्तम् । भृङ्गरुचिसंगरकृदङ्गलतिकं तं वातपुरनाथमिममातनु हृदब्जे ॥४॥
Verse
पापभवतापभरकोपशमनार्त्थाश्वासकर भासमृदुहासरुचिरास्यम् । रोगचय भोगभय वेगहरमेकं वातपुरनाथमिममातनु हृदब्जे ॥५॥
Verse
घोषकुल दोषहर वेषमुपयान्तं पूषशत भूषक विभूषण गणाढ्यम् । भुक्तिमपि मुक्तिमपि भक्तिषु ददानं वातपुरनाथमिममातनु हृदब्जे ॥६॥
Verse
पापक दुरापमतिचापहर शोभस्वापघनमापतदुमापति समेतम् । दीनतर दीनसुखदानकृत दीक्षं वातपुरनाथमिममातनु हृदब्जे ॥७॥
Verse
पादपतदादरण मोदपरिपूर्णं जीवमुख देवजन सेवनफलाङ्घ्रिम् । रूक्ष भव मोक्षकृत दीक्ष जनवीक्षं वातपुरनाथमिममातनु हृदब्जे ॥८॥
