aSTakam
rāmāṣṭakaṃ
रामाष्टकं
Verse
भजे विशेषसुन्दरं समस्तपापखण्डनम् । स्वभक्तचित्तरञ्जनं सदैव राममद्वयम् ॥१॥
Verse
जटाकलापशोभितं समस्तपापनाशकम् । स्वभक्तभीतिभङ्जनं भजे ह राममद्वयम् ॥२॥
Verse
निजस्वरूपबोधकं कृपाकरं भवापहम् । समं शिवं निरञ्जनं भजे ह राममद्वयम् ॥३॥
Verse
सहप्रपञ्चकल्पितं ह्यनामरूपवास्तवम् । निराकृतिं निरामयं भजे ह राममद्वयम् ॥४॥
Verse
निष्प्रपञ्चनिर्विकल्पनिर्मलं निरामयम्॥
Verse
चिदेकरूपसन्ततं भजे ह राममद्वयम् ॥५॥
Verse
भवाब्धिपोतरूपकं ह्यशेषदेहकल्पितम् । गुणाकरं कृपाकरं भजे ह राममद्वयम् ॥६॥
Verse
महावाक्यबोधकैर्विराजमनवाक्पदैः । परब्रह्म व्यापकं भजे ह राममद्वयम् ॥७॥
Verse
शिवप्रदं सुखप्रदं भवच्छिदं भ्रमापहम् । विराजमानदैशिकं भजे ह राममद्वयम् ॥८॥
Verse
रामाष्टकं पठति यः सुकरं सुपुण्यं व्यासेन भाषितमिदं शृणुते मनुष्यः । विद्यां श्रियं विपुलसौख्यमनन्तकीर्तिं सम्प्राप्य देहविलये लभते च मोक्षम् ॥९॥
Verse
॥इति श्रीव्यासविरचितं रामाष्टकं सम्पूर्णम् ॥
