Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

aSTakam

brahmānandaviracitam

ब्रह्मानन्दविरचितम्

Verse

जगज्जालपालं कनत्कण्ठमालम् शरच्चन्द्रफालं महादैत्यकालम् । तमोनीलकायं दुरावारमायम् सुपद्मासहायं भजेऽहं भजेऽहम् ॥१॥

Verse

सदांभोधिवासं गले पुष्पहासम् जगत्सन्निवासं शतादित्यभासम् । गदाचक्रहस्तं लसत्पीतवस्त्रम् हसच्चारुवक्त्रं भजेऽहं भजेऽहम् ॥२॥

Verse

रमाकण्ठहारं श्रुतिव्रातसारम् जलान्तर्विहारं धराभारहारम् । चिदानन्दरूपं मनोज्ञस्वरूपम् धृतानेकरूपं भजेऽहं भजेऽहम् ॥३॥

Verse

जराजन्महीनं परानन्दपीनम् समाधानलीनं सदैवानवीनम् । जगज्जन्महेतुं सुरानीककेतुम् त्रिलोकैकसेतुं भजेऽहं भजेऽहम् ॥४॥

Verse

कृताम्नायगानं खगाधीशयानम् विमुक्तेर्निदानं हतारातिमानम् । स्वभक्तानुकूलं जगद्वृक्षमूलम् निरस्तार्तशूलं भजेऽहं भजेऽहम् ॥५॥

Verse

समस्तामरेशं द्विरेफाभकेशम् जगद्बिम्बलेशं हृदाकाशदेशम् । सदा दिव्यदेहं विमुक्ताखिलेहम् सुवैकुण्ठगेहं भजेऽहं भजेऽहम् ॥६॥

Verse

सुरालीबलिष्ठं त्रिलोकीवरिष्ठम् गुरूणां गरिष्ठं स्वरूपैकनिष्ठम् । सदा युद्धधीरं महावीरधीरम् भवांभोधितीरं भजेऽहं भजेऽहम् ॥७॥

Verse

रमावामभागं तलानग्ननागम् कृताधीनयागं गतारागरागम् । मुनीन्द्रैस्सुगीतं सुरैस्संपरीतम् गुणौघैरतीतं भजेऽहं भजेऽहम् ॥८॥

Verse

इदं यस्तु नित्यं समाधाय चित्तम् पठेदष्टकं कष्टहारं मुरारेः । स विष्णोर्विशोकं ध्रुवं याति लोकम् जराजन्मशोकं पुनर्विन्दते नो ॥९॥

śrīdevīmaṅgalāṣṭaka
śrīśivābhinavanṛsiṃhabhāratīsvāmiviracitam

Read next

More on ब्रह्मानन्दविरचितम्

  • ब्रह्मानन्दविरचितम्Ashtakam

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms