aSTakam
paśupatyāṣṭakaṃ
पशुपत्याष्टकं
Verse
ध्यानम् ।
Verse
ध्यायेन्नित्यं महेशं रजतगिरिनिभं चारुचन्द्रावतंसं रत्नाकल्पोज्ज्वलाङ्गं परशुमृगवराभीतिहस्तं प्रसन्नम् । पद्मासीनं समन्तात्स्तुतममरगणैर्व्याघ्रकृत्तिं वसानं विश्वाद्यं विश्वबीजं निखिलभयहरं पञ्चवक्त्रं त्रिनेत्रम् ॥
Verse
स्तोत्रम् । पशुपतीन्दुपतिं धरणीपतिं भुजगलोकपतिं च सती पतिम् ॥
Verse
गणत भक्तजनार्ति हरं परं भजत रे मनुजा गिरिजापतिम् ॥१॥
Verse
न जनको जननी न च सोदरो न तनयो न च भूरिबलं कुलम् ॥
Verse
अवति कोऽपि न कालवशं गतं भजत रे मनुजा गिरिजापतिम् ॥२॥
Verse
मुरजडिण्डिवाद्यविलक्षणं मधुरपञ्चमनादविशारदम् ॥
Verse
प्रथमभूत गणैरपि सेवितं भजत रे मनुजा गिरिजापतिम् ॥३॥
Verse
शरणदं सुखदं शरणान्वितं शिव शिवेति शिवेति नतं नृणाम् ॥
Verse
अभयदं करुणा वरुणालयं भजत रे मनुजा गिरिजापतिम् ॥४॥
Verse
नरशिरोरचितं मणिकुण्डलं भुजगहारमुदं वृषभध्वजम् ॥
Verse
चितिरजोधवली कृत विग्रहं भजत रे मनुजा गिरिजापतिम् ॥५॥
Verse
मुखविनाशङ्करं शशिशेखरं सततमघ्वरं भाजि फलप्रदम् ॥
Verse
प्रलयदग्धसुरासुरमानवं भजत रे मनुजा गिरिजापतिम् ॥६॥
Verse
मदम पास्य चिरं हृदि संस्थितं मरण जन्म जरा भय पीडितम् ॥जगदुदीक्ष्य समीपभयाकुलं भजत रे मनुजा गिरिजापतिम् ॥७॥
Verse
हरिविरिञ्चिसुराधिंप पूजितं यमजनेशधनेशनमस्कृतम् ॥
Verse
त्रिनयनं भुवन त्रितयाधिपं भजत रे मनुजा गिरिजापतिम् ॥८॥
Verse
पशुपतेरिदमष्टकमद्भुतं विरिचित पृथिवी पति सूरिणा ॥
Verse
पठति संशृनुते मनुजः सदा शिवपुरिं वसते लभते मुदम् ॥९॥
