Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

aSTakam

doṣaparihārāṣṭakam

दोषपरिहाराष्टकम्

Verse

अन्यस्य दोषगणनाकुतुकं ममैत- दाविष्करोति नियतं मयि दोषवत्त्वम् । दोषः पुनर्मयि नचेदखिले सतीशे दोषग्रहः कथमुदेतु ममेश तस्मिन् ॥१॥

Verse

एषाप्यथेतरकृतेति ममेश कस्मिन् कोपो यदि स्वपरकाममुखप्रसूता । सेयं व्यथेति मयि मे न कथन्नु कोपः स्वस्य व्यथा स्वदुरितप्रभवा हि सर्वा ॥२॥

Verse

कामप्रभृत्यखिलदोषनिधेर्ममैष मव्याह दोषमिति कोनु दुराग्रहोऽस्मिन् । हेयत्वमालपति योऽयमलं न केन वार्योऽथ सत्ववति सोऽयमसत् किमाह ॥३॥

Verse

यस्संश्रितः स्वहितधीर्व्यसनातुरस्त- द्दोषस्य तं प्रति वचोऽस्तु तदन्यदोषम् । यद्वच्मि तन्मम न किं क्षतये स्वदोष- चिन्तैव मे तदपनोदफलोचितातः ॥४॥

Verse

दोषं परस्य ननु गृण्हति मय्यनेन स्वात्मैष एव परगात्रसमाहृतेन । दुर्वस्तुनेव मलिनीकृयते तदन्य- दोषग्रहादहह किं न निवर्तितव्यम् ॥५॥

Verse

निर्दोषभावमितरस्य सदोषभावं स्वस्यापि संविदधती परदोषधीर्मे । आस्तामियं तदितरातु परार्तिमात्र- हेतुर्व्यनक्तु न कथं मम तुच्छभावम् ॥६॥

Verse

पद्मादिसौरभ इव भ्रमरस्य हर्षं हित्वाऽन्यदीयसुगुणे पुनरन्यदोषे । हर्षो दुरर्थ इव गेहकिटेः किमास्ते हा मे कदेश कृपया विगळेत्स एषः ॥७॥

Verse

दोषे स्वभाजिमतिकौशलमन्यभाजि मौढ्यं गुणेऽन्यजुषि हर्षभरः स्वभाजि । अस्तप्रसक्तिरखिलेषु दयात्युदार- वृत्योर्जितो मम कदास्तु हरानुरागः ॥८॥

Verse

॥ इति श्री श्रीधरवेंकटेशार्येण विरचितम् दोषपरिहाराष्टकं संपूर्णम् ॥

gaṃgāṣṭakam
saṃskṛtāṣṭakam

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms