aSTakam
gaṇanāyakāṣṭakam
गणनायकाष्टकम्
Verse
एकदन्तं महाकायं तप्तकांचनसन्निभम् । लंबोदरं विशालाक्षं वन्देऽहं गणनायकम् ॥१॥
Verse
मौञ्जीकृष्णाजिनधरं नागयज्ञोपवीतिनम् । बालेन्दुविलसन्मौलिं वन्देऽहं गणनायकम् ॥२॥
Verse
अम्बिकाहृदयानन्दं मातृभिः परिपालितम् । भक्तप्रियं मदोन्मत्तं वन्देऽहं गणनायकम् ॥३॥
Verse
चित्ररत्नविचित्रांगं चित्रमालाविभूषितम् । चित्ररूपधरं देवं वन्देऽहं गणनायकम् ॥४॥
Verse
गजवक्त्रं सुरश्रेष्ठं कर्णचामरभूषितम् । पाशांकुशधरं देवं वन्देऽहं गणनायकम् ॥५॥
Verse
मूषिकोत्तममारुह्य देवासुरमहाहवे । योद्धुकामं महावीर्यं वन्देऽहं गणनायकम् ॥६॥
Verse
यक्षकिन्नरगन्धर्व सिद्धविद्याधरैस्सदा । स्तूयमानं महात्मानं वन्देऽहं गणनायकम् ॥७॥
Verse
सर्वविघ्नकरं देवं सर्वविघ्नविवर्जितम् । सर्वसिद्धिप्रदातारं वन्देऽहं गणनायकम् ॥८॥
Verse
गणाष्टकमिदं पुण्यं भक्तितो यः पठेन्नरः । विमुक्तस्सर्वपापेभ्यो रुद्रलोकं स गच्छति ॥९॥
