Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

aSTakam

gaṇanāyakāṣṭakam

गणनायकाष्टकम्

Verse

एकदन्तं महाकायं तप्तकांचनसन्निभम् । लंबोदरं विशालाक्षं वन्देऽहं गणनायकम् ॥१॥

Verse

मौञ्जीकृष्णाजिनधरं नागयज्ञोपवीतिनम् । बालेन्दुविलसन्मौलिं वन्देऽहं गणनायकम् ॥२॥

Verse

अम्बिकाहृदयानन्दं मातृभिः परिपालितम् । भक्तप्रियं मदोन्मत्तं वन्देऽहं गणनायकम् ॥३॥

Verse

चित्ररत्नविचित्रांगं चित्रमालाविभूषितम् । चित्ररूपधरं देवं वन्देऽहं गणनायकम् ॥४॥

Verse

गजवक्त्रं सुरश्रेष्ठं कर्णचामरभूषितम् । पाशांकुशधरं देवं वन्देऽहं गणनायकम् ॥५॥

Verse

मूषिकोत्तममारुह्य देवासुरमहाहवे । योद्धुकामं महावीर्यं वन्देऽहं गणनायकम् ॥६॥

Verse

यक्षकिन्नरगन्धर्व सिद्धविद्याधरैस्सदा । स्तूयमानं महात्मानं वन्देऽहं गणनायकम् ॥७॥

Verse

सर्वविघ्नकरं देवं सर्वविघ्नविवर्जितम् । सर्वसिद्धिप्रदातारं वन्देऽहं गणनायकम् ॥८॥

Verse

गणाष्टकमिदं पुण्यं भक्तितो यः पठेन्नरः । विमुक्तस्सर्वपापेभ्यो रुद्रलोकं स गच्छति ॥९॥

nāradapurāṇāṃtargataṃ
śrī śaṃkarācāryakṛtaṃ

Read next

More on गणनायकाष्टकम्

  • गणनायकाष्टकम्Ashtakam

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms