Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

aSTakam

kālidāsaviracitam

कालिदासविरचितम्

Verse

श्रीमत्पंकजविष्टरौ हरिहरौ वायुर्महेन्द्रोऽनलः चन्द्रो भास्करवित्तपालवरुणाः धर्माधिराजो ग्रहाः । प्रद्युम्नो नलकूबरः सुरगजः चिन्तामणिः कौस्तुभः स्वामी शक्तिधरस्तु लाङ्गलधरः कुर्वन्तु नो मङ्गलम् ॥१॥

Verse

गौरी श्रीरदितिश्च कद्रु सुभगा भूतिः सुपर्णी शुभा सावित्री तु सरस्वती वसुमती द्रौपद्यहल्या सती । स्वाहा जाम्बवती सुरुक्ममभगिनी दुःस्वप्नविध्वंसिनी वेला चांबुनिधेः सुमीनमकराकुर्वन्तु नो मङ्गलम् ॥२॥

Verse

नेत्राणां त्रितयं शिवं पशुपतेरग्नित्रयं पावनं यत्तद्विष्णुपदत्रयं त्रिभुवनं ख्यातं च रामत्रयम् । गंगावाहपथत्रयं सुविमलं वेदत्रयं ब्राह्मणं सन्ध्यानां त्रितयं द्विजैः सुविहितं कुर्वन्तु नो मङ्गलम् ॥३॥

Verse

अश्वत्थो वटवृक्षः चन्दनतरुः मन्दारकल्पद्रुमौ जम्बूनिंबकदंबचूतलरलाः वृक्षाश्च ये क्षीरिणः सर्वे ते फलसंयुताः प्रतिदिनं विभ्राजनं राजते रम्यं चैत्ररथं च नन्दनवनं कुर्वन्तु नो मङ्गलम् ॥४॥

Verse

वाल्मीकिः सनकः सनन्दनतरू व्यासो वसिष्ठो भृगुः जाबालिर्जमदग्निकच्छजनकाः गर्गोऽङ्गिरा गौतमः । मान्धाता ऋतुपर्णवैनसगरा धन्यो दिलीपो नलः पुण्यो धर्मसुतो ययातिनहुषौ कुर्वन्तु नो मङ्गलम् ॥५॥

Verse

ब्रह्मा वेदपतिः शिवः पशुपतिः सूर्यश्च चक्षुष्पतिः शक्रो देवपतिर्यमः पितृपतिः स्कन्दश्च सेनापतिः । यक्षो वित्तपतिः हरिश्च जगतां वायुः पतिः प्राणिनां इत्येते पतयः समेत्य सततं कुर्वन्तु नो मङ्गलम् ॥६॥

Verse

गंगा सिन्धु सरस्वती च यमुनागोदावरी नर्मदा कावेरी सरयूर्महेन्द्रतनया चर्मण्वती वेदिका । क्षिप्रा वेत्रवती महासुरनदी ख्याता च या गण्डकी पूर्णा पूर्णजलैः समुद्रसहिताः कुर्वन्तु नो मङ्गलम् ॥७॥

Verse

लक्ष्मी कौस्तुभपारिजातकुसुमाः धन्वन्तरिश्चन्द्रमाः गावः कामदुघाः सुरेश्वरगजो रम्भादिदेवाङ्गनाः । अश्वः सप्तमुखः सुधा हरिधनुः शंखो विषं चांबुधेः रत्नानीति चतुर्दश प्रतिदिनं कुर्वन्तु नो मङ्गलम् ॥८॥

Verse

इत्येतद्वरमङ्गलाष्टकमिदं पापौघविध्वंसनं पुण्यं संप्रति कालिदासकविना विप्रप्रबन्धीकृतं । यः प्रातः शृणुयात् समाहितमनाः नित्यं पठेत् भक्तिमान् गंगासागरसंगमे प्रतिदिनं प्राप्नोत्यसौ मङ्गलम् ॥९॥

mūkāmbikā aṣṭakam
śāstā aṣṭakam

Read next

More on कालिदासविरचितम्

  • मङ्गलाष्टकम् (कालिदासविरचितम्)Ashtakam

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms