Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

aSTakam

aṃbāṣṭakam

अंबाष्टकम्

Verse

चेटीभव-न्निखिल-खेटी-कदंबतरुवाटीषु-नाकपटली कोटीर-चारुतर-कोटी-मणीकिरण-कोटी-करंबित-पदा । पाटीरगन्धि-कुचशाटी-कवित्व-परिपाटीमगाधिपसुता होटीकुलादधिक-धाटी-मुदार-मुख-वीटीरसेन तनुताम् ॥१॥

Verse

कूलातिगामि-भय-तूलावली-ज्वलन-कीला निजस्तुतिविधौ कोलाहल-क्षपितकालाऽमरी-कुशल-कीलाल-पोषण-नभाः । स्थूला कुचे जलदनीला कचे कलितलीला कदंबविपिने शूलायुध-प्रणतिशीला भवतु हृदि शैलाधिराजतनया ॥२॥

Verse

यत्राशयोलगति तत्रागजा वसतु कुत्रापि निस्तुलशुका सुत्राम-काल-मुख-सत्राशनप्रकर-सुत्राणकारि-चरणा । छत्राऽनिलातिरयपत्राऽभिरामगुणमित्राऽमरीसमवधूः कुत्रा-सहन्मणि-विचित्राकृतिः स्फुरित-पुत्रादि-दान-निपुणा ॥३॥

Verse

द्वैपायन-प्रभृति-शापायुध-त्रिदिव-सोपान-धूलि-चरणा पापापह-स्वमनु-जापानुलीन-जन-तापापनोद-निपुणा । नीपालया सुरभिधूपालका दुरितकूपादुदञ्चयतु मां रूपाभिका-शिखरिभूपाल-वंश-मणि-दीपायिता भगवती ॥४॥

Verse

याऽऽलीभिरात्मतनु-ताली-सकृत्-प्रियकपालीषु खेलति भय- व्याली-नकुल्यऽसित-चूलीभरा चरणधूली-लसन्मुनिवरा । बालीभृति श्रवसि तालीदलं वहति यालीकशोभि-तिलका साऽऽलीकरोतु मम काली मनः स्वपद्-नालीक-सेवन-विधौ ॥५॥

Verse

न्यङ्काकरे वपुषि कङ्कालरक्तपुषि कङ्कादिपक्षिविषये त्वं कामनामयसि किं कारणं हृदय पङ्कारिमेहि गिरिजाम् । शङ्काशिला-निशित-टङ्कायमान-पद-सङ्काशमान-सुमना झङ्कारिमानतति-मङ्कानुपेतशशि-सङ्काश-वक्त्र-कमलाम् ॥६॥

Verse

कंबावतीसमविडुंबा गलेन नवतुंबाभवीणसविधा शंबाहुलेय-शशिबिंबाभिराम-मुख-संबाधित-स्तनभरा अम्बा-कुरंगमद-जंबाल-रोचिरिह लंबालका दिशतु मे बिंबाधरा-विनत-शंबायुधादि-निकुरुंबा-कदंबविपिने ॥७॥

Verse

इन्धान-कीर-मणिबन्धा भवे-हृदयबन्धावतीव-रसिका सन्धावती-भुवनसंधारणेप्यमृतसिन्धावुदारनिलया । गन्धानुभान-मुहुरन्धालिवीत-कचबन्धा समर्पयतु मे शं धाम भानुमतिसन्धान-माशु-पदसन्धानमप्यगसुता ॥८॥

ānandatīrthakṛta
tārāṣṭakam

Read next

More on अंबाष्टकम्

  • भ्रमराम्बाष्टकम्Ashtakam

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms