Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

veda sUktAni

rudrapadapāṭhaḥ

रुद्रपदपाठः

Verse

ॐ। ग॒णाना᳚म्। त्वा॒। ग॒णप॑ति॒मिति॑ ग॒ण-प॒ति॒म्॒। ह॒वा॒म॒हे॒। क॒विम्। क॒वी॒नाम्। उ॒प॒मश्र॑वस्तम॒मित्यु॑प॒मश्र॑वः-त॒म॒म्॒॥

Verse

ज्ये॒ष्ठ॒राज॒मिति॑ ज्येष्ठ-राजम्᳚। ब्रह्म॑णाम्। ब्र॒ह्म॒णः॒। प॒ते॒। एति॑। नः॒। शृ॒ण्वन्। ऊ॒तिभि॒रित्यू॒ति-भिः॒। सी॒द॒। साद॑नम्॥

Verse

नमः॑। ते॒। रु॒द्र॒। म॒न्यवे᳚। उ॒तो इति॑। ते॒। इष॑वे। नमः॑॥

Verse

नमः॑। ते॒। अ॒स्तु॒। धन्व॑ने। बा॒हुभ्या॒मिति॑ बा॒हु-भ्या॒म्॒। उ॒त। ते॒। नमः॑॥

Verse

या। ते॒। इषुः॑। शि॒वत॒मेति॑ शि॒व-त॒मा॒। शि॒वम्। ब॒भूव॑। ते॒। धनुः॑॥

Verse

शि॒वा। श॒र॒व्या᳚। या। तव॑। तया᳚। नः॒। रु॒द्र॒। मृ॒ड॒य॒॥

Verse

या। ते॒। रु॒द्र॒। शि॒वा। त॒नूः। अघो॑रा। अपा॑पकाशि॒नीत्यपा॑प-का॒शि॒नी॒॥

Verse

तया᳚। नः॒। त॒नुवा᳚। शन्त॑म॒येति॒ शम्-त॒म॒या॒। गिरि॑श॒न्तेति॒ गिरि॑-श॒न्त॒। अभीति॑। चा॒क॒शी॒हि॒॥

Verse

याम्। इषुम्᳚। गि॒रि॒श॒न्तेति॑ गिरि-श॒न्त॒। हस्ते᳚। (१)

Verse

बिभ॑र्‌षि। अस्त॑वे॥

Verse

शि॒वाम्। गि॒रि॒त्रेति॑ गिरि-त्र॒। ताम्। कु॒रु॒। मा। हि॒ꣳ॒सीः॒। पुरु॑षम्। जग॑त्॥

Verse

शि॒वेन॑। वच॑सा। त्वा॒। गिरि॑श। अच्छा॑। व॒दा॒म॒सि॒॥

Verse

यथा᳚। नः॒। सर्वम्᳚। इत्। जग॑त्। अ॒य॒क्ष्मम्। सु॒मना॒ इति॑ सु-मनाः᳚। अस॑त्॥

Verse

अधीति॑। अ॒वो॒च॒त्॒। अ॒धि॒व॒क्तेत्य॑धि-व॒क्ता। प्र॒थ॒मः। दैव्यः॑। भि॒षक्॥

Verse

अहीन्॑। च॒। सर्वान्॑। ज॒म्भयन्॑। सर्वाः᳚। च॒। या॒तु॒धा॒न्य॑ इति॑ यातु-धा॒न्यः॑॥

Verse

अ॒सौ। यः। ता॒म्रः। अ॒रु॒णः। उ॒त। ब॒भ्रुः। सु॒म॒ङ्गल॒ इति॑ सु-म॒ङ्गलः॑॥

Verse

ये। च॒। इ॒माम्। रु॒द्राः। अ॒भितः॑। दि॒क्षु। (२)

Verse

श्रि॒ताः। स॒ह॒स्र॒श इति॑ सहस्र-शः। अवेति॑। ए॒षा॒म्। हेडः॑। ई॒म॒हे॒॥

Verse

अ॒सौ। यः। अ॒व॒सर्प॒तीत्य॑व-सर्प॑ति। नील॑ग्रीव॒ इति॒ नील॑-ग्री॒वः॒। विलो॑हित॒ इति॒ वि-लो॒हि॒तः॒॥

Verse

उ॒त। ए॒न॒म्॒। गो॒पा इति॑ गो-पाः। अ॒दृ॒श॒न्॒। अदृ॑शन्। उ॒द॒हा॒र्य॑ इत्यु॑द-हा॒र्यः॑॥

Verse

उ॒त। ए॒न॒म्। विश्वा᳚। भू॒तानि॑। सः। दृ॒ष्टः। मृ॒ड॒या॒ति॒। नः॒॥

Verse

नमः॑। अ॒स्तु॒। नील॑ग्रीवा॒येति॒ नील॑-ग्री॒वा॒य॒। स॒ह॒स्रा॒क्षायेति॑ सहस्र-अ॒क्षाय॑। मी॒ढुषे᳚॥

Verse

अथो॒ इति॑। ये। अ॒स्य॒। सत्वा॑नः। अ॒हम्। तेभ्यः॑। अ॒क॒र॒म्। नमः॑॥

Verse

प्रेति॑। मु॒ञ्च॒। धन्व॑नः। त्वम्। उ॒भयोः᳚। आर्त्नि॑योः। ज्याम्॥

Verse

याः। च॒। ते॒। हस्ते᳚। इष॑वः। (३)

Verse

परेति॑। ताः। भ॒ग॒व॒ इति॑ भग-वः॒। व॒प॒॥

Verse

अ॒व॒तत्येत्य॑व-तत्य॑। धनुः॑। त्वम्। सह॑स्रा॒क्षेति॒ सह॑स्र-अ॒क्ष॒। शते॑षुध॒ इति॒ शत॑-इ॒षु॒धे॒॥

Verse

नि॒शीर्येति॑ नि-शीर्य॑। श॒ल्याना᳚म्। मुखा᳚। शि॒वः। नः॒। सु॒मना॒ इति॑ सु-मनाः᳚। भ॒व॒॥

Verse

विज्य॒मिति॒ वि-ज्य॒म्। धनुः॑। क॒प॒र्दिनः॑। विश॑ल्य॒ इति॒ वि-श॒ल्यः॒। बाण॑वा॒निति॒ बाण॑-वा॒न्॒। उ॒त॥

Verse

अने॑शन्। अ॒स्य॒। इष॑वः। आ॒भुः। अ॒स्य॒। नि॒ष॒ङ्गथिः॑॥

Verse

या। ते॒। हे॒तिः। मी॒ढु॒ष्ट॒मेति॑ मीढुः-त॒म॒। हस्ते᳚। ब॒भूव॑। ते॒। धनुः॑॥

Verse

तया᳚। अ॒स्मान्। वि॒श्वतः॑। त्वम्। अ॒य॒क्ष्मया᳚। परीति॑। भु॒ज॒॥

Verse

नमः॑। ते॒। अ॒स्तु॒। आयु॑धाय। अना॑तता॒येत्यना᳚-त॒ता॒य॒। धृ॒ष्णवे᳚॥

Verse

उ॒भाभ्या᳚म्। उ॒त। ते॒। नमः॑। बा॒हुभ्या॒मिति॑ बा॒हु-भ्या॒म्॒। तव॑। धन्व॑ने॥

Verse

परीति॑। ते॒। धन्व॑नः। हे॒तिः। अ॒स्मान्। वृ॒ण॒क्तु॒। वि॒श्वतः॑॥

Verse

अथो॒ इति॑। यः। इ॒षु॒धिरिती॑षु-धिः। तव॑। आ॒रे। अ॒स्मत्। नीति॑। धे॒हि॒। तम्॥ (४)

Verse

नमः॑। हिर॑ण्यबाहव॒ इति॒ हिर॑ण्य-बा॒ह॒वे॒। से॒ना॒न्य॑ इति॑ सेना-न्ये᳚। दि॒शाम्। च॒। पत॑ये। नमः॑। नमः॑। वृ॒क्षेभ्यः॑। हरि॑केशेभ्य॒ इति॒ हरि॑-के॒शे॒भ्यः॒। प॒शू॒नाम्। पत॑ये। नमः॑। नमः॑। स॒स्पिञ्ज॑राय। त्विषी॑मत॒ इति॒ त्विषी॑-म॒ते॒। प॒थी॒नाम्। पत॑ये। नमः॑। नमः॑। ब॒भ्लु॒शाय॑। वि॒व्या॒धिन॒ इति॑ वि-व्या॒धिने᳚। अन्ना॑नाम्। पत॑ये। नमः॑। नमः॑। हरि॑केशा॒येति॒ हरि॑-के॒शा॒य॒। उ॒प॒वी॒तिन॒ इत्यु॑प-वी॒तिने᳚। पु॒ष्टाना᳚म्। पत॑ये। नमः॑। नमः॑। भ॒वस्य॑। हे॒त्यै। जग॑ताम्। पत॑ये। नमः॑। नमः॑। रु॒द्राय॑। आ॒त॒ता॒विन॒ इत्या᳚-त॒ता॒विने᳚। क्षेत्रा॑णाम्। पत॑ये। नमः॑। नमः॑। सू॒ताय॑। अह॑न्त्याय। वना॑नाम्। पत॑ये। नमः॑। नमः॑। (५)

Verse

रोहि॑ताय। स्थ॒पत॑ये। वृ॒क्षाणा᳚म्। पत॑ये। नमः॑। नमः॑। म॒न्त्रिणे᳚। वा॒णि॒जाय॑। कक्षा॑णाम्। पत॑ये। नमः॑। नमः॑। भु॒व॒न्तये᳚। वा॒रि॒व॒स्कृ॒तायेति॑ वारिवः-कृ॒ताय॑। ओष॑धीनाम्। पत॑ये। नमः॑। नमः॑। उ॒च्चैर्घो॑षा॒येत्यु॒च्चैः-घो॒षा॒य॒। आ॒क्र॒न्दय॑त॒ इत्या᳚-क्र॒न्दय॑ते। प॒त्ती॒नाम्। पत॑ये। नमः॑। नमः॑। कृ॒थ्स्न॒वी॒तायेति॑ कृथ्स्न-वी॒ताय॑। धाव॑ते। सत्व॑नाम्। पत॑ये। नमः॑॥ (६)

Verse

नमः॑। सह॑मानाय। नि॒व्या॒धिन॒ इति॑ नि-व्या॒धिने᳚। आ॒व्या॒धिनी॑ना॒मित्या᳚-व्या॒धिनी॑नाम्। पत॑ये। नमः॑। नमः॑। क॒कु॒भाय॑। नि॒ष॒ङ्गिण॒ इति॑ नि-स॒ङ्गिने᳚। स्ते॒नाना᳚म्। पत॑ये। नमः॑। नमः॑। नि॒ष॒ङ्गिण॒ इति॑ नि-स॒ङ्गिने᳚। इ॒षु॒धि॒मत॒ इती॑षुधि-मते᳚। तस्क॑राणाम्। पत॑ये। नमः॑। नमः॑। वञ्च॑ते। प॒रि॒वञ्च॑त॒ इति॑ परि-वञ्च॑ते। स्ता॒यू॒नाम्। पत॑ये। नमः॑। नमः॑। नि॒चे॒रव॒ इति॑ नि-चे॒रवे᳚। प॒रि॒च॒रायेति॑ परि-च॒राय॑। अर॑ण्यानाम्। पत॑ये। नमः॑। नमः॑। सृ॒का॒विभ्य॒ इति॑ सृका॒वि-भ्यः॒। जिघाꣳ॑सद्भ्य॒ इति॒ जिघाꣳ॑सत्-भ्यः॒। मु॒ष्ण॒ताम्। पत॑ये। नमः॑। नमः॑। अ॒सि॒मद्भ्य॒ इत्य॑सि॒मत्-भ्यः॒। नक्तम्᳚। चर॑द्भ्य॒ इति॒ चर॑त्-भ्यः॒। प्र॒कृ॒न्ताना॒मिति॑ प्र-कृ॒न्ताना᳚म्। पत॑ये। नमः॑। नमः॑। उ॒ष्णी॒षिणे᳚। गि॒रि॒च॒रायेति॑ गिरि-च॒राय॑। कु॒लु॒ञ्चाना᳚म्। पत॑ये। नमः॑। नमः॑। (७)

Verse

इषु॑मद्भ्य॒ इतीषु॑मत्-भ्यः॒। ध॒न्वा॒विभ्य॒ इति॑ धन्वा॒वि-भ्यः॒। च॒। वः॒। नमः॑। नमः॑। आ॒त॒न्वा॒नेभ्य॒ इत्या᳚-त॒न्वा॒नेभ्यः॑। प्र॒ति॒दधा॑नेभ्य॒ इति॑ प्रति-दधा॑नेभ्यः। च॒। वः॒। नमः॑। नमः॑। आ॒यच्छ॑द्भ्य॒ इत्या॒यच्छ॑त्-भ्यः॒। वि॒सृ॒जद्भ्य॒ इति॑ विसृ॒जत्-भ्यः॒। च॒। वः॒। नमः॑। नमः॑। अस्य॑द्भ्य॒ इत्यस्य॑त्-भ्यः॒। विध्य॑द्भ्य॒ इति॒ विध्य॑त्-भ्यः॒। च॒। वः॒। नमः॑। नमः॑। आसी॑नेभ्यः। शया॑नेभ्यः। च॒। वः॒। नमः॑। नमः॑। स्व॒पद्भ्य॒ इति॑ स्व॒पत्-भ्यः॒। जाग्र॑द्भ्य॒ इति॒ जाग्र॑त्-भ्यः॒। च॒। वः॒। नमः॑। नमः॑। तिष्ठ॑द्भ्य॒ इति॒ तिष्ठ॑त्-भ्यः॒। धाव॑द्भ्य॒ इति॒ धाव॑त्-भ्यः॒। च॒। वः॒। नमः॑। नमः॑। स॒भाभ्यः॑। स॒भाप॑तिभ्य॒ इति॑ स॒भाप॑ति-भ्यः॒। च॒। वः॒। नमः॑। नमः॑। अश्वे᳚भ्यः। अश्व॑पतिभ्य॒ इत्यश्व॑पति-भ्यः॒। च॒। वः॒। नमः॑॥ (८)

Verse

नमः॑। आ॒व्या॒धिनी᳚भ्य॒ इत्या᳚-व्या॒धिनी᳚भ्यः। वि॒विध्य॑न्तीभ्य॒ इति॑ वि-विध्य॑न्तीभ्यः। च॒। वः॒। नमः॑। नमः॑। उग॑णाभ्यः। तृ॒ꣳ॒ह॒तीभ्यः॑। च॒। वः॒। नमः॑। नमः॑। गृ॒थ्सेभ्यः॑। गृ॒थ्सप॑तिभ्य॒ इति॑ गृ॒थ्सप॑ति-भ्यः॒। च॒। वः॒। नमः॑। नमः॑। व्राते᳚भ्यः। व्रात॑पतिभ्य॒ इति॒ व्रात॑पति-भ्यः॒। च॒। वः॒। नमः॑। नमः॑। ग॒णेभ्यः॑। ग॒णप॑तिभ्य॒ इति॑ ग॒णप॑ति-भ्यः॒। च॒। वः॒। नमः॑। नमः॑। विरू॑पेभ्य॒ इति॑ वि-रू॒पे॒भ्यः॒। वि॒श्वरू॑पेभ्य॒ इति॑ वि॒श्व-रू॒पे॒भ्यः॒। च॒। वः॒। नमः॑। नमः॑। म॒हद्भ्य॒ इति॑ म॒हत्-भ्यः॒। क्षु॒ल्ल॒केभ्यः॑। च॒। वः॒। नमः॑। नमः॑। र॒थिभ्य॒ इति॑ र॒थि-भ्यः॒। अ॒र॒थेभ्यः॑। च॒। वः॒। नमः॑। नमः॑। रथे᳚भ्यः। (९)

Verse

रथ॑पतिभ्य॒ इति॒ रथ॑पति-भ्यः॒। च॒। वः॒। नमः॑। नमः॑। सेना᳚भ्यः। से॒ना॒निभ्य॒ इति॑ सेना॒नि-भ्यः॒। च॒। वः॒। नमः॑। नमः॑। क्ष॒त्तृभ्य॒ इति॑ क्ष॒त्तृ-भ्यः॒। स॒ङ्ग्र॒ही॒तृभ्य॒ इति॑ सङ्ग्रही॒तृ-भ्यः॒। च॒। वः॒। नमः॑। नमः॑। तक्ष॑भ्य॒ इति॑ तक्ष॑-भ्यः॒। र॒थ॒का॒रेभ्य॒ इति॑ रथ-का॒रेभ्यः॑। च॒। वः॒। नमः॑। नमः॑। कुला॑लेभ्यः। क॒र्मारे᳚भ्यः। च॒। वः॒। नमः॑। नमः॑। पु॒ञ्जिष्टे᳚भ्यः। नि॒षा॒देभ्यः॑। च॒। वः॒। नमः॑। नमः॑। इ॒षु॒कृद्भ्य॒ इती॑षु॒कृत्-भ्यः॒। ध॒न्व॒कृद्भ्य॒ इति॑ धन्व॒कृत्-भ्यः॒। च॒। वः॒। नमः॑। नमः॑। मृ॒ग॒युभ्य॒ इति॑ मृग॒यु-भ्यः॒। श्व॒निभ्य॒ इति॑ श्व॒नि-भ्यः॒। च॒। वः॒। नमः॑। नमः॑। श्वभ्य॒ इति॒ श्व-भ्यः॒। श्वप॑तिभ्य॒ इति॒ श्वप॑ति-भ्यः॒। च॒। वः॒। नमः॑॥ (१०)

Verse

नमः॑। भ॒वाय॑। च॒। रु॒द्राय॑। च॒। नमः॑। श॒र्वाय॑। च॒। प॒शु॒पत॑य॒ इति॑ पशु-पत॑ये। च॒। नमः॑। नील॑ग्रीवा॒येति॒ नील॑-ग्री॒वा॒य॒। च॒। शि॒ति॒कण्ठा॒येति॑ शिति-कण्ठा॑य। च॒। नमः॑। क॒प॒र्दिने᳚। च॒। व्यु॑प्तकेशा॒येति॒ व्यु॑प्त-के॒शा॒य॒। च॒। नमः॑। स॒ह॒स्रा॒क्षायेति॑ सहस्र-अ॒क्षाय॑। च॒। श॒त॒ध॑न्वन॒ इति॑ श॒त-ध॒न्व॒ने॒। च॒। नमः॑। गि॒रि॒शाय॑। च॒। शि॒पि॒वि॒ष्टायेति॑ शिपि-वि॒ष्टाय॑। च॒। नमः॑। मी॒ढुष्ट॑मा॒येति॑ मी॒ढुः-त॒मा॒य॒। च॒। इषु॑मत॒ इतीषु॑-म॒ते॒। च॒। नमः॑। ह्र॒स्वाय॑। च॒। वा॒म॒नाय॑। च॒। नमः॑। बृ॒ह॒ते। च॒। वर्‌षी॑यसे। च॒। नमः॑। वृ॒द्धाय॑। च॒। सं॒वृध्व॑न॒ इति॑ सम्-वृध्व॑ने। च॒। (११)

Verse

नमः॑। अग्रि॑याय। च॒। प्र॒थ॒माय॑। च॒। नमः॑। आ॒शवे᳚। च॒। अ॒जि॒राय॑। च॒। नमः॑। शीघ्रि॑याय। च॒। शीभ्या॑य। च॒। नमः॑। ऊ॒र्म्या॑य। च॒। अ॒व॒स्व॒न्या॑येत्य॑व-स्व॒न्या॑य। च॒। नमः॑। स्रो॒त॒स्या॑य। च॒। द्वीप्या॑य। च॒॥ (१२)

Verse

नमः॑। ज्ये॒ष्ठाय॑। च॒। क॒नि॒ष्ठाय॑। च॒। नमः॑। पू॒र्व॒जायेति॑ पूर्व-जाय॑। च॒। अ॒प॒र॒जायेत्य॑पर-जाय॑। च॒। नमः॑। म॒ध्य॒माय॑। च॒। अ॒प॒ग॒ल्भायेत्य॑प-ग॒ल्भाय॑। च॒। नमः॑। ज॒घ॒न्या॑य। च॒। बुध्नि॑याय। च॒। नमः॑। सो॒भ्या॑य। च॒। प्र॒ति॒स॒र्या॑येति॑ प्रति-स॒र्या॑य। च॒। नमः॑। याम्या॑य। च॒। क्षेम्या॑य। च॒। नमः॑। उ॒र्व॒र्या॑य। च॒। खल्या॑य। च॒। नमः॑। श्लोक्या॑य। च॒। अ॒व॒सा॒न्या॑येत्य॑व-सा॒न्या॑य। च॒। नमः॑। वन्या॑य। च॒। कक्ष्या॑य। च॒। नमः॑। श्र॒वाय॑। च॒। प्र॒ति॒श्र॒वायेति॑ प्रति-श्र॒वाय॑। च॒। (१३)

Verse

नमः॑। आ॒शुषे॑णा॒येत्या॒शु-से॒ना॒य॒। च॒। आ॒शु॒र॑था॒येत्या॒शु-र॒था॒य॒। च॒। नमः॑। शूरा॑य। च॒। अ॒व॒भि॒न्द॒त इत्य॑व-भि॒न्द॒ते। च॒। नमः॑। व॒र्मिणे᳚। च॒। व॒रू॒थिने᳚। च॒। नमः॑। बि॒ल्मिने᳚। च॒। क॒व॒चिने᳚। च॒। नमः॑। श्रु॒ताय॑। च॒। श्रु॒त॒से॒नायेति॑ श्रुत-से॒ना॒य॑। च॒॥ (१४)

Verse

नमः॑। दु॒न्दु॒भ्या॑य। च॒। आ॒ह॒न॒न्या॑येत्या᳚-ह॒न॒न्या॑य। च॒। नमः॑। धृ॒ष्णवे᳚। च॒। प्र॒मृ॒शायेति॑ प्र-मृ॒शाय॑। च॒। नमः॑। दू॒ताय॑। च॒। प्रहि॑ता॒येति॒ प्र-हि॒ता॒य॒। च॒। नमः॑। नि॒ष॒ङ्गिण॒ इति॑ नि-स॒ङ्गिने᳚। च॒। इ॒षु॒धि॒मत॒ इती॑षुधि-मते᳚। च॒। नमः॑। ती॒क्ष्णेष॑व॒ इति॑ ती॒क्ष्ण-इ॒ष॒वे॒। च॒। आ॒यु॒धिने᳚। च॒। नमः॑। स्वा॒यु॒धायेति॑ सु-आ॒यु॒धाय॑। च॒। सु॒धन्व॑न॒ इति॑ सु-धन्व॑ने। च॒। नमः॑। स्रुत्या॑य। च॒। पथ्या॑य। च॒। नमः॑। का॒ट्या॑य। च॒। नी॒प्या॑य। च॒। नमः॑। सूद्या॑य। च॒। स॒र॒स्या॑य। च॒। नमः॑। ना॒द्याय॑। च॒। वै॒श॒न्ताय॑। च॒। (१५)

Verse

नमः॑। कूप्या॑य। च॒। अ॒व॒ट्या॑य। च॒। नमः॑। वर्ष्या॑य। च॒। अ॒व॒र्ष्याय॑। च॒। नमः॑। मे॒घ्या॑य। च॒। वि॒द्यु॒त्या॑येति॑ वि-द्यु॒त्या॑य। च॒। नमः॑। ई॒ध्रिया॑य। च॒। आ॒त॒प्या॑येत्या᳚-त॒प्या॑य। च॒। नमः॑। वात्या॑य। च॒। रेष्मि॑याय। च॒। नमः॑। वा॒स्त॒व्या॑य। च॒। वा॒स्तु॒पायेति॑ वास्तु-पाय॑। च॒॥ (१६)

Verse

नमः॑। सोमा॑य। च॒। रु॒द्राय॑। च॒। नमः॑। ता॒म्राय॑। च॒। अ॒रु॒णाय॑। च॒। नमः॑। श॒ङ्गाय॑। च॒। प॒शु॒पत॑य॒ इति॑ पशु-पत॑ये। च॒। नमः॑। उ॒ग्राय॑। च॒। भी॒माय॑। च॒। नमः॑। अ॒ग्रे॒व॒धायेत्य॑ग्रे-व॒धाय॑। च॒। दू॒रे॒व॒धायेति॑ दूरे-व॒धाय॑। च॒। नमः॑। ह॒न्त्रे। च॒। हनी॑यसे। च॒। नमः॑। वृ॒क्षेभ्यः॑। हरि॑केशेभ्य॒ इति॒ हरि॑-के॒शे॒भ्यः॒। नमः॑। ता॒राय॑। नमः॑। श॒म्भव॒ इति॑ शम्-भवे᳚। च॒। म॒यो॒भव॒ इति॑ मयः-भवे᳚। च॒। नमः॑। श॒ङ्क॒रायेति॑ शम्-क॒राय॑। च॒। म॒य॒स्क॒रायेति॑ मयः-क॒राय॑। च॒। नमः॑। शि॒वाय॑। च॒। शि॒वत॑रा॒येति॑ शि॒व-त॒रा॒य॒। च॒। (१७)

Verse

नमः॑। तीर्थ्या॑य। च॒। कूल्या॑य। च॒। नमः॑। पा॒र्या॑य। च॒। अ॒वा॒र्या॑य। च॒। नमः॑। प्र॒तर॑णा॒येति॑ प्र-तर॑णाय। च॒। उ॒त्त॒र॑णा॒येत्यु॑त्-तर॑णाय। च॒। नमः॑। आ॒ता॒र्या॑येत्या᳚-ता॒र्या॑य। च॒। आ॒ला॒द्या॑येत्या᳚-ला॒द्या॑य। च॒। नमः॑। शष्प्या॑य। च॒। फेन्या॑य। च॒। नमः॑। सि॒क॒त्या॑य। च॒। प्र॒वा॒ह्या॑येति॑ प्र-वा॒ह्या॑य। च॒॥ (१८)

Verse

नमः॑। इ॒रि॒ण्या॑य। च॒। प्र॒प॒थ्या॑येति॑ प्र-प॒थ्या॑य। च॒। नमः॑। कि॒ꣳ॒शि॒लाय॑। च॒। क्षय॑णाय। च॒। नमः॑। क॒प॒र्दिने᳚। च॒। पु॒ल॒स्तये᳚। च॒। नमः॑। गोष्ठ्या॒येति॒ गो-स्थ्या॒य॒। च॒। गृह्या॑य। च॒। नमः॑। तल्प्या॑य। च॒। गेह्या॑य। च॒। नमः॑। का॒ट्या॑य। च॒। ग॒ह्व॒रे॒ष्ठायेति॑ गह्वरे-स्थाय॑। च॒। नमः॑। ह्र॒द॒य्या॑य। च॒। नि॒वे॒ष्प्या॑येति॑ नि-वे॒ष्प्या॑य। च॒। नमः॑। पा॒ꣳ॒स॒व्या॑य। च॒। र॒ज॒स्या॑य। च॒। नमः॑। शुष्क्या॑य। च॒। ह॒रि॒त्या॑य। च॒। नमः॑। लोप्या॑य। च॒। उ॒ल॒प्या॑य। च॒। (१९)

Verse

नमः॑। ऊ॒र्व्या॑य। च॒। सू॒र्म्या॑य। च॒। नमः॑। प॒र्ण्या॑य। च॒। प॒र्ण॒श॒द्या॑येति॑ पर्ण-श॒द्या॑य। च॒। नमः॑। अ॒प॒गु॒रमा॑णा॒येत्य॑प-गु॒रमा॑णाय। च॒। अ॒भि॒घ्न॒त इत्यभि-घ्न॒ते। च॒। नमः॑। आ॒ "0916 "094D "0916 "093F "E009 "E009 द॒त इत्या᳚-खि॒द॒ते। च॒। प्र॒ "0916 "094D "0916 "093F "E009 "E009 द॒त इति॑ प्र-खि॒द॒ते। च॒। नमः॑। वः॒। कि॒रि॒केभ्यः॑। दे॒वाना᳚म्। हृद॑येभ्यः। नमः॑। वि॒क्षी॒ण॒केभ्य॒ इति॑ वि-क्षी॒ण॒केभ्यः॑। नमः॑। वि॒चि॒न्व॒त्केभ्य॒ इति॑ वि-चि॒न्व॒त्केभ्यः॑। नमः॑। आ॒नि॒र्॒‌ह॒तेभ्य॒ इत्या॑निः-ह॒तेभ्यः॑। नमः॑। आ॒मी॒व॒त्केभ्य॒ इत्या᳚-मी॒व॒त्केभ्यः॑॥ (२०)

Verse

द्रापे᳚। अन्ध॑सः। प॒ते॒। दरि॑द्रत्। नील॑लोहि॒तेति॒ नील॑-लो॒हि॒त॒॥

Verse

ए॒षाम्। पुरु॑षाणाम्। ए॒षाम्। प॒शू॒नाम्। मा। भेः। मा। अ॒रः॒। मो इति॑। ए॒षा॒म्। किम्। च॒न। आ॒म॒म॒त्॒॥

Verse

या। ते॒। रु॒द्र॒। शि॒वा। त॒नूः। शि॒वा। वि॒श्वाह॑भेष॒जीति॑ वि॒श्वाह॑-भे॒ष॒जी॒॥

Verse

शि॒वा। रु॒द्रस्य॑। भे॒ष॒जी। तया᳚। नः॒। मृ॒ड॒। जी॒वसे᳚॥

Verse

इ॒माम्। रु॒द्राय॑। त॒वसे᳚। क॒प॒र्दिने᳚। क्ष॒यद्वी॑रा॒येति॑ क्ष॒यत्-वी॒रा॒य॒। प्रेति॑। भ॒रा॒म॒हे॒। म॒तिम्॥

Verse

यथा᳚। नः॒। शम्। अस॑त्। द्वि॒पद॒ इति॑ द्वि-पदे᳚। चतु॑ष्पद॒ इति॒ चतुः॑-प॒दे॒। विश्वम्᳚। पु॒ष्टम्। ग्रामे᳚। अ॒स्मिन्। (२१)

Verse

अना॑तुर॒मित्यना᳚-तु॒र॒म्॒॥

Verse

मृ॒डा। नः॒। रु॒द्र॒। उ॒त। नः॒। मयः॑। कृ॒धि॒। क्ष॒यद्वी॑रा॒येति॑ क्ष॒यत्-वी॒रा॒य॒। नम॑सा। वि॒धे॒म॒। ते॒॥

Verse

यत्। शम्। च॒। योः। च॒। मनुः॑। आ॒य॒ज इत्या᳚-य॒जे। पि॒ता। तत्। अ॒श्या॒म॒। तव॑। रु॒द्र॒। प्रणी॑ता॒विति॒ प्र-नी॒तौ॒॥

Verse

मा। नः॒। म॒हान्तम्᳚। उ॒त। मा। नः॒। अ॒र्भ॒कम्। मा। नः॒। उक्ष॑न्तम्। उ॒त। मा। नः॒। उ॒क्षि॒तम्॥

Verse

मा। नः॒। व॒धीः॒। पि॒तरम्᳚। मा। उ॒त। मा॒तरम्᳚। प्रि॒याः। मा। नः॒। त॒नुवः॑। (२२)

Verse

रु॒द्र॒। री॒रि॒षः॒॥

Verse

मा। नः॒। तो॒के। तन॑ये। मा। नः॒। आयु॑षि। मा। नः॒। गोषु॑। मा। नः॒। अश्वे॑षु। री॒रि॒षः॒॥

Verse

वी॒रान्। मा। नः॒। रु॒द्र॒। भा॒मि॒तः। व॒धीः॒। ह॒विष्म॑न्तः। नम॑सा। वि॒धे॒म॒। ते॒॥

Verse

आ॒रात्। ते॒। गो॒घ्न इति॑ गो-घ्ने। उ॒त। पू॒रु॒ष॒घ्न इति॑ पूरुष-घ्ने। क्ष॒यद्वी॑रा॒येति॑ क्ष॒यत्-वी॒रा॒य॒। सु॒म्नम्। अ॒स्मे इति॑। ते॒। अ॒स्तु॒॥

Verse

रक्षा॑। च॒। नः॒। अधीति॑। च॒। दे॒व॒। ब्रू॒हि॒। अधा॑। च॒। नः॒। शर्म॑। य॒च्छ॒। द्वि॒बर्हा॒ इति॑ द्वि-बर्हाः᳚॥

Verse

स्तु॒हि। (२३)

Verse

श्रु॒तम्। ग॒र्त॒सद॒मिति॑ गर्त-सदम्᳚। युवा॑नम्। मृ॒गम्। न। भी॒मम्। उ॒प॒ह॒त्नुम्। उ॒ग्रम्॥

Verse

मृ॒डा। ज॒रि॒त्रे। रु॒द्र॒। स्तवा॑नः। अ॒न्यम्। ते॒। अ॒स्मत्। नीति॑। व॒प॒न्तु॒। सेनाः᳚॥

Verse

परीति॑। नः॒। रु॒द्रस्य॑। हे॒तिः। वृ॒ण॒क्तु॒। परीति॑। त्वे॒षस्य॑। दु॒र्म॒तिरिति॑ दुः-म॒तिः। अ॒घा॒योरित्य॑घा-योः॥

Verse

अवेति॑। स्थि॒रा। म॒घव॑द्भ्य॒ इति॑ म॒घव॑त्-भ्यः॒। त॒नु॒ष्व॒। मीढ्वः॑। तो॒काय॑। तन॑याय। मृ॒ड॒य॒॥

Verse

मीढु॑ष्ट॒मेति॒ मीढुः॑-त॒म॒। शिव॑त॒मेति॒ शिव॑-त॒म॒। शि॒वः। नः॒। सु॒मना॒ इति॑ सु-मनाः᳚। भ॒व॒॥

Verse

प॒र॒मे। वृ॒क्षे। आयु॑धम्। नि॒धायेति॑ नि-धाय॑। कृत्तिम्᳚। वसा॑नः। एति॑। च॒र॒। पिना॑कम्। (२४)

Verse

बिभ्र॑त्। एति॑। ग॒हि॒॥

Verse

विकि॑रि॒देति॒ वि-कि॒रि॒द॒। विलो॑हि॒तेति॒ वि-लो॒हि॒त॒। नमः॑। ते॒। अ॒स्तु॒। भ॒ग॒व॒ इति॑ भग-वः॒॥

Verse

याः। ते॒। स॒हस्रम्᳚। हे॒तयः॑। अ॒न्यम्। अ॒स्मत्। नीति॑। व॒प॒न्तु॒। ताः॥

Verse

स॒हस्रा॑णि। स॒ह॒स्र॒धेति॑ सहस्र-धा। बा॒हु॒वोः। तव॑। हे॒तयः॑॥

Verse

तासा᳚म्। ईशा॑नः। भ॒ग॒व॒ इति॑ भग-वः॒। प॒रा॒चीना᳚। मुखा᳚। कृ॒धि॒॥ (२५)

Verse

स॒हस्रा॑णि। स॒ह॒स्र॒श इति॑ सहस्र-शः। ये। रु॒द्राः। अधीति॑। भूम्या᳚म्॥

Verse

तेषा᳚म्। स॒ह॒स्र॒यो॒ज॒न इति॑ सहस्र-यो॒ज॒ने। अवेति॑। धन्वा॑नि। त॒न्म॒सि॒॥

Verse

अ॒स्मिन्। म॒ह॒ति। अ॒र्ण॒वे। अ॒न्तरि॑क्षे। भ॒वाः। अधि॑॥

Verse

नील॑ग्रीवा॒ इति॒ नील॑-ग्री॒वाः॒। शि॒ति॒कण्ठा॒ इति॑ शिति-कण्ठाः᳚। श॒र्वाः। अ॒धः। क्ष॒मा॒च॒राः॥

Verse

नील॑ग्रीवा॒ इति॒ नील॑-ग्री॒वाः॒। शि॒ति॒कण्ठा॒ इति॑ शिति-कण्ठाः᳚। दिवम्᳚। रु॒द्राः। उप॑श्रिता॒ इत्युप॑-श्रि॒ताः॒॥

Verse

ये। वृ॒क्षेषु॑। स॒स्पिञ्ज॑राः। नील॑ग्रीवा॒ इति॒ नील॑-ग्री॒वाः॒। विलो॑हिता॒ इति॒ वि-लो॒हि॒ताः॒॥

Verse

ये। भू॒ताना᳚म्। अधि॑पतय॒ इत्यधि॑-प॒त॒यः॒। वि॒शि॒खास॒ इति॑ वि-शि॒खासः॑। क॒प॒र्दिनः॑॥

Verse

ये। अन्ने॑षु। वि॒विध्य॒न्तीति॑ वि-विध्य॑न्ति। पात्रे॑षु। पिब॑तः। जनान्॑॥

Verse

ये। प॒थाम्। प॒थि॒रक्ष॑य॒ इति॑ पथि-रक्ष॑यः। ऐ॒ल॒बृ॒दाः। य॒व्युधः॑॥

Verse

ये। ती॒र्थानि॑। (२६)

Verse

प्र॒चर॒न्तीति॑ प्र-चर॑न्ति। सृ॒काव॑न्त॒ इति॑ सृ॒का-व॒न्तः॒। नि॒ष॒ङ्गिण॒ इति॑ नि-स॒ङ्गिनः॑॥

Verse

ये। ए॒ताव॑न्तः। च॒। भूयाꣳ॑सः। च॒। दिशः॑। रु॒द्राः। वि॒त॒स्थि॒र इति॑ वि-त॒स्थि॒रे॥

Verse

तेषा᳚म्। स॒ह॒स्र॒यो॒ज॒न इति॑ सहस्र-यो॒ज॒ने। अवेति॑। धन्वा॑नि। त॒न्म॒सि॒॥

Verse

नमः॑। रु॒द्रेभ्यः॑। ये। पृ॒थि॒व्याम्। ये। अ॒न्तरि॑क्षे। ये। दि॒वि। येषा᳚म्। अन्नम्᳚। वातः॑। व॒र्॒‌षम्। इष॑वः। तेभ्यः॑। दश॑। प्राचीः᳚। दश॑। द॒क्षि॒णा। दश॑। प्र॒तीचीः᳚। दश॑। उदी॑चीः। दश॑। ऊ॒र्ध्वाः। तेभ्यः॑। नमः॑। ते। नः॒। मृ॒ड॒य॒न्तु॒। ते। यम्। द्वि॒ष्मः। यः। च॒। नः॒। द्वेष्टि॑। तम्। वः॒। जम्भे᳚। द॒धा॒मि॒॥ (२७)

Verse

त्र्य॑म्बक॒मिति॒ त्रि-अ॒म्ब॒क॒म्॒। य॒जा॒म॒हे॒। सु॒ग॒न्धिमिति॑ सु-ग॒न्धिम्। पु॒ष्टि॒वर्ध॑न॒मिति॑ पुष्टि-वर्ध॑नम्॥

Verse

उ॒र्वा॒रु॒कम्। इ॒व॒। बन्ध॑नात्। मृ॒त्योः। मु॒क्षी॒य॒। मा। अ॒मृता᳚त्॥

Verse

यः। रु॒द्रः। अ॒ग्नौ। यः। अ॒फ्स्वित्य॑प्-सु। यः। ओष॑धीषु। यः। रु॒द्रः। विश्वा᳚। भुव॑ना। आ॒वि॒वेशेत्या᳚-वि॒वेश॑। तस्मै᳚। रु॒द्राय॑। नमः॑। अ॒स्तु॒॥

Verse

॥ॐ शान्तिः॒ शान्तिः॒ शान्तिः॑॥

mahānyāsaḥ
mantrapuṣpam

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms