Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

veda sUktAni

aupāsanam

औपासनम्

Verse

आचमनम्।

Verse

शुक्लाम्बरधरं विष्णुं शशिवर्णं चतुर्भुजम् प्रसन्नवदनं ध्यायेत् सर्वविघ्नोपशान्तये

Verse

प्राणायामः।

Verse

ममोपात्त-समस्त-दुरित-क्षयद्वारा + श्री-परमेश्वर प्रीत्यर्थं प्रातः (सायम्) औपासनं तण्डुलैर्होष्यामि। प्रातः (सायम्) औपासनं तण्डुलैर्होष्यामि।

Verse

अप उपस्पृश्य।

Verse

भूर्भुवः॒सुव॒रोमित्यग्निं प्रतिष्ठाप्य।

Verse

अग्निमिध्वा। [समिधं हुत्वा]

Verse

अग्निं प्रज्वाल्य।

Verse

प्राक् तोयं निधाय। अक्षतैः सह।

Verse

अदि॒तेऽनु॑मन्यस्व। अनु॑म॒तेऽनु॑मन्यस्व। सर॑स्व॒तेऽनु॑मन्यस्व। देव॑ सवितः॒ प्रसु॑व।

Verse

च॒त्वारि॒ शृङ्गा॒ त्रयो॑ अस्य॒ पादा॒ द्वे शी॒र्षे स॒प्त हस्ता॑सो अ॒स्य। त्रिधा॑ ब॒द्धो वृ॑ष॒भो रो॑रवीति म॒हो दे॒वो मर्त्या॒ꣳ॒ आवि॑वेश॥

Verse

ए॒ष हि दे॒वः प्र॒दिशोऽनु॒ सर्वाः॒ पूर्वो॑ हि जा॒तः स उ॒ गर्भे॑ अ॒न्तः। स वि॒जाय॑मानः स जनि॒ष्यमा॑णः प्र॒त्यङ्मुखा᳚स्तिष्ठति वि॒श्वतो॑मुखः॥

Verse

प्राङ्मुखो देव हे अग्ने मम अभिमुखो भव॥

Verse

इन्द्राय नमः। अग्नये नमः। यमाय नमः। निर्‌ऋतये नमः। वरुणाय नमः। वायवे नमः। सोमाय नमः। ईशानाय नमः।

Verse

अग्नये नमः।

Verse

आत्मने नमः। सर्वेभ्यो ब्राह्मणेभ्यो नमः॥

Verse

होष्यामि। [समिधं हुत्वा]

Verse

जुहुधि। [पत्न्या वक्तव्यम्]

Verse

इ॒दं विष्णु॒र्विच॑क्रमे त्रे॒धा निद॑धे प॒दम्। समू॑ढमस्यपाꣳ सु॒रे॥ कृष्ण कृष्ण कृष्ण॥

Verse

[प्रातः] सूर्या॑य॒ स्वाहा᳚। सूर्या॑य॒ इदं॑ न मम।

Verse

[सायम्] अ॒ग्नये॒ स्वाहा᳚। अ॒ग्न॑य इदं॑ न मम।

Verse

अग्नये᳚ स्विष्ट॒कृते॒ स्वाहा᳚। अग्नये᳚ स्विष्ट॒कृत॒ इदं॑ न मम।

Verse

यत्र॒ वेत्थ॑ वनस्पते दे॒वानां॒ गुह्या॒ नामा॑नि। तत्र॑ ह॒व्यानि॑ गाम॒य॒ स्वाहा᳚॥ [समिधं हुत्वा] प्रजा॑पतय इदं न मम।

Verse

[अग्निं परिषिञ्चति।] अदि॒तेऽन्व॑मꣴस्थाः। अनु॑म॒तेऽन्व॑मꣴस्थाः। सर॑स्व॒तेऽन्व॑मꣴस्थाः। देव॑ सवितः॒ प्रासा॑वीः।

Verse

प्रातरौपासन (सायमौपासन) साद्गुण्यार्थम् अनाज्ञातादि महामन्त्रजपं करिष्ये।

Verse

अना᳚ज्ञातं॒ यदाज्ञा॑तम्। य॒ज्ञस्य॑ क्रि॒यते॒ मिथु॑। अग्ने॒ तद॑स्य कल्पय। त्वꣳ हि वेत्थ॑ यथात॒थम्।

Verse

पुरु॑षसम्मितो य॒ज्ञः। य॒ज्ञः पुरु॑षसम्मितः। अग्ने॒ तद॑स्य कल्पय। त्वꣳ हि वेत्थ॑ यथात॒थम्।

Verse

यत्पा॑क॒त्रा मन॑सा दी॒नद॑क्षा॒ न। य॒ज्ञस्य॑ म॒न्वते॒ मर्ता॑सः। अ॒ग्निष्टद्धोता᳚ क्रतु॒विद्वि॑जा॒नन्। यजि॑ष्ठो दे॒वाꣳ ऋ॑तु॒शो य॑जाति॥

Verse

कृष्ण कृष्ण कृष्ण॥

Verse

स्वाहा᳚। [समिधं हुत्वा]

Verse

अग्ने॒ नय॑ सु॒पथा॑ रा॒ये अ॒स्मान्। विश्वा॑नि देव व॒युना॑नि वि॒द्वान्। यु॒यो॒ध्य॑स्मज्जु॑हुरा॒णमेनः॑। भूयि॑ष्ठां ते॒ नम॑ उक्तिं विधेम।

Verse

प्र वः॑ शु॒क्राय॑ भा॒नवे॑ भरध्वम्। ह॒व्यं म॒तिं चा॒ग्नये॒ सुपू॑तम्॥ यो दैव्या॑नि॒ मानु॑षा ज॒नूꣳषि॑। अ॒न्तर्विश्वा॑नि वि॒द्मना॒ जिगा॑ति॥

Verse

अच्छा॒ गिरो॑ म॒तयो॑ देव॒यन्तीः᳚। अ॒ग्निं य॑न्ति॒ द्रवि॑णं॒ भिक्ष॑माणाः। सु॒स॒न्दृशꣳ॑ सु॒प्रती॑क॒ꣴ॒ स्वञ्चम्᳚। ह॒व्य॒वाह॑मर॒तिं मानु॑षाणाम्॥

Verse

अग्ने॒ त्वम॒स्मद्यु॑यो॒ध्यमी॑वाः। अन॑ग्नित्रा अ॒भ्य॑मन्त कृ॒ष्टीः। पुन॑र॒स्मभ्यꣳ॑ सुवि॒ताय॑ देव। क्षां विश्वे॑भिर॒जरे॑भिर्यजत्र॥

Verse

अग्ने॒ त्वं पा॑रया॒ नव्यो॑ अ॒स्मान्। स्व॒स्तिभि॒रति॑ दु॒र्गाणि॒ विश्वा᳚। पूश्च॑ पृ॒थ्वी ब॑हु॒ला न॑ उ॒र्वी। भवा॑ तो॒काय॒ तन॑याय॒ शं योः॥

Verse

प्र का॑रवो मन॒ना व॒च्यमा॑नाः। दे॒व॒द्रीचीं᳚ नयथ देव॒यन्तः॑। द॒क्षि॒णा॒वाड्वा॒जिनी॒ प्राच्ये॑ति। ह॒विर्भर॑न्त्य॒ग्नये॑ घृ॒ताची᳚॥

Verse

स॒कृत्ते॑ अग्ने॒ नमः॑। द्विस्ते॒ नमः॑। त्रिस्ते॒ नमः॑। च॒तुस्ते॒ नमः॑। प॒ञ्च॒कृत्व॑स्ते॒ नमः॑। द॒श॒कृत्व॑स्ते॒ नमः॑। श॒त॒कृत्व॑स्ते॒ नमः॑। आ॒स॒ह॒स्र॒कृत्व॑स्ते॒ नमः॑। अ॒प॒रि॒मि॒त॒कृत्व॑स्ते॒ नमः॑। नम॑स्ते अस्तु॒ मा मा॑ हिꣳसीः॥

Verse

नमस्ते गार्हपत्याय नमस्ते दक्षिणाग्नये नम आहवनीयाय महावेद्यै नमो नमः

Verse

काण्डद्वयोपपाद्याय कर्मब्रह्मस्वरूपिणे स्वर्गापवर्गरूपाय यज्ञेशाय नमो नमः

Verse

यज्ञेशाच्युत गोविन्द माधवानन्त केशव कृष्ण विष्णो हृषीकेश वासुदेव नमोऽस्तु ते

Verse

वै॒श्वा॒न॒राय॑ वि॒द्महे॑ लाली॒लाय॑ धीमहि तन्नो॑ अग्निः प्रचो॒दया᳚त्

Verse

अग्नये नमः। मन्त्रहीनं क्रियाहीनं भक्तिहीनं हुताशन। यद्धुतं तु मया देव परिपूर्णं तदस्तु ते॥

Verse

प्रायश्चित्तान्यशेषाणि तपःकर्मात्मकानि वै। यानि तेषामशेषाणां कृष्णानुस्मरणं परम्॥ कृष्ण (१२)॥

Verse

अभिवादये+नमस्कारः॥

Verse

बृ॒हथ्साम॑ क्षत्र॒भृद्वृ॒द्ध वृ॑ष्णियं त्रि॒ष्टुभौजः॑ शुभि॒तमु॒ग्रवी॑रम्। इन्द्र॒स्तोमे॑न पञ्चद॒शेन॒ मध्य॑मि॒दं वाते॑न॒ सग॑रेण रक्ष॥

Verse

दशा᳚स्यां पु॒त्राना धे॑हि॒ पति॑मेकाद॒शं कृ॑धि॥

Verse

कायेन वाचा मनसेन्द्रियैर्वा बुद्‌ध्याऽऽत्मना वा प्रकृतेः स्वभावात् करोमि यद्यत् सकलं परस्मै नारायणायेति समर्पयामि

Verse

आचमनम्।

āśīrvāda-mantrāḥ
brahmayajñaḥ

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms