stuti
guruparamparā-stutiḥ
गुरुपरम्परा-स्तुतिः
Verse
॥ॐ श्री-गणेशाय नमः॥ ॥ॐ श्री-गुरुभ्यो नमः॥ ॥हरिः ॐ॥
Verse
नारायणं पद्मभुवं वसिष्ठं शक्तिं च तत्पुत्रपराशरं च व्यासं शुकं गौडपदं महान्तं गोविन्दयोगीन्द्रमथास्य शिष्यम् । श्री-शङ्कराचार्यमथास्य पद्मपादं च हस्तामलकं च शिष्यं तं तोटकं वार्तिककारमन्यानस्मद्गुरून् सन्ततमानतोऽस्मि ॥
Verse
श्रुतिस्मृतिपुराणानाम् आलयं करुणालयम् । नमामि भगवत्पादशङ्करं लोकशङ्करम् ॥
Verse
अपारकरुणासिन्धुं ज्ञानदं शान्तरूपिणम् । श्रीचन्द्रशेखरगुरुं प्रणमामि मुदाऽन्वहम् ॥
Verse
देवे देहे च देशे च भक्त्यारोग्य-सुख-प्रदम् । बुध-पामर-सेव्यं तं श्री-जयेन्द्रं नमाम्यहम् ॥
Verse
नमामः शङ्करान्वाख्य-विजयेन्द्रसरस्वतीम् । श्रीगुरुं शिष्टमार्गानुनेतारं सन्मतिप्रदम् ॥
Verse
सत्यनारायणक्षेत्रात् सत्यव्रतमुपागतम् । आश्रये कामकोटीशं सत्यश्रीचन्द्रशेखरम् ॥
Verse
सदाशिवसमारम्भां शङ्कराचार्यमध्यमाम् । अस्मदाचार्यपर्यन्तां वन्दे गुरुपरम्पराम् ॥
Verse
ऐङ्कार-ह्रीङ्कार-रहस्ययुक्त- श्रीङ्कार-गूढार्थ-महाविभूत्या । ओङ्कार-मर्म-प्रतिपादिनीभ्यां नमो नमः श्रीगुरुपादुकाभ्याम् ॥
Verse
अचिन्त्याव्यक्तरूपाय निर्गुणाय गुणात्मने । समस्तजगदाधारमूर्तये ब्रह्मणे नमः ॥
