stotrasangraha
sarasvatyaṣṭottaraśatanāmastotram
सरस्वत्यष्टोत्तरशतनामस्तोत्रम्
Verse
या कुन्देन्दुतुषारहारधवला या शुभ्रवस्त्रावृता या वीणावरदण्डमण्डितकरा या श्वेतपद्मासना । या ब्रह्माच्युतशङ्करप्रभृतिभिर्देवैः सदा पूजिता सा मां पातु सरस्वती भगवती निःशेषजाड्यापहा ॥
Verse
सरस्वती महाभद्रा महामाया वरप्रदा । श्रीप्रदा पद्मनिलया पद्माक्षी पद्मवक्त्रका ॥१॥
Verse
शिवानुजा पुस्तकभृज्ज्ञानमुद्रा रमा परा । कामरूपा महाविद्या महापातकनाशिनी ॥२॥
Verse
महाश्रया मालिनी च महाभोगा महाभुजा । महाभागा महोत्साहा दिव्याङ्गा सुरवन्दिता ॥३॥
Verse
महाकाली महापाशा महाकारा महाङ्कुशा । पीता च विमला विश्वा विद्युन्माला च वैष्णवी ॥४॥
Verse
चन्द्रिका चन्द्रवदना चन्द्रलेखविभूषिता । सावित्री सुरसा देवी दिव्यालङ्कारभूषिता ॥५॥
Verse
वाग्देवी वसुदा तीव्रा महाभद्रा महाबला । भोगदा भारती भामा गोविन्दा गोमती शिवा ॥६॥
Verse
जटिला विन्ध्यवासा च विन्ध्याचलविराजिता । चण्डिका वैष्णवी ब्राह्मी ब्रह्मज्ञानैकसाधना ॥७॥
Verse
सौदामिनी सुधामूर्तिः सुभद्रा सुरपूजिता । सुवासिनी सुनासा च विनिद्रा पद्मलोचना ॥८॥
Verse
विद्यारूपा विशालाक्षी ब्रह्मजाया महाफला । त्रयीमूर्ती त्रिकालज्ञा त्रिगुणा शास्त्ररूपिणी ॥९॥
Verse
शुम्भासुरप्रमथिनी शुभदा च स्वरात्मिका । रक्तबीजनिहन्त्री च चामुण्डा चाम्बिका तथा ॥१०॥
Verse
मुण्डकायप्रहरणा धूम्रलोचनमर्दना । सर्वदेवस्तुता सौम्या सुरासुरनमस्कृता ॥११॥
Verse
कालरात्रिः कलाधारा रूपसौभाग्यदायिनी । वाग्देवी च वरारोहा वाराही वारिजासना ॥१२॥
Verse
चित्राम्बरा चित्रगन्धा चित्रमाल्यविभूषिता । कान्ता कामप्रदा वन्द्या विद्याधरसुपूजिता ॥१३॥
Verse
श्वेतानना नीलभुजा चतुर्वर्गफलप्रदा । चतुराननसाम्राज्या रक्तमध्या निरञ्जना ॥१४॥
Verse
हंसासना नीलजङ्घा ब्रह्मविष्णुशिवात्मिका । एवं सरस्वतीदेव्या नाम्नामष्टोत्तरं शतम् ॥१५॥
Verse
॥इति श्री-सरस्वत्यष्टोत्तरशतनामस्तोत्रं सम्पूर्णम्॥
