Preparing Your Space .

Settling the page into your current context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

stotrasangraha

sadāśivāṣṭakam

सदाशिवाष्टकम्

Verse

पतञ्जलिरुवाच

Verse

सुवर्णपद्मिनी-तटान्त-दिव्यहर्म्य-वासिने सुपर्णवाहन-प्रियाय सूर्यकोटि-तेजसे । अपर्णया विहारिणे फणाधरेन्द्र-धारिणे सदा नमः शिवाय ते सदाशिवाय शम्भवे ॥१॥

Verse

सतुङ्ग-भङ्ग-जह्नुजा-सुधांशु-खण्ड-मौलये पतङ्ग-पङ्कजासुहृत्-कृपीटयोनि-चक्षुषे । भुजङ्गराज-मण्डलाय पुण्यशालि-बन्धवे सदा नमः शिवाय ते सदाशिवाय शम्भवे ॥२॥

Verse

चतुर्मुखाननारविन्द-वेदगीत-भूतये चतुर्भुजानुजा-शरीर-शोभमान-मूर्तये । चतुर्विधार्थ-दान-शौण्ड-ताण्डव-स्वरूपिणे सदा नमः शिवाय ते सदाशिवाय शम्भवे ॥३॥

Verse

शरन्निशाकर-प्रकाश-मन्दहास-मञ्जुला- धरप्रवाल-भासमान-वक्त्रमण्डल-श्रिये । करस्फुरत्-कपालमुक्तरक्त-विष्णुपालिने सदा नमः शिवाय ते सदाशिवाय शम्भवे ॥४॥

Verse

सहस्र-पुण्डरीक-पूजनैक-शून्यदर्शनात् सहस्रनेत्र-कल्पितार्चनाऽच्युताय भक्तितः । सहस्रभानुमण्डल-प्रकाश-चक्रदायिने सदा नमः शिवाय ते सदाशिवाय शम्भवे ॥५॥

Verse

रसारथाय रम्यपत्र-भृद्रथाङ्गपाणये रसाधरेन्द्र-चापशिञ्जिनी-कृतानिलाशिने । स्वसारथी-कृताजनुन्न-वेदरूपवाजिने सदा नमः शिवाय ते सदाशिवाय शम्भवे ॥६॥

Verse

अति-प्रगल्भ-वीरभद्र-सिंहनाद-गर्जित- श्रुतिप्रभीत-दक्षयाग-भोगिनाक-सद्मनाम् । गतिप्रदाय गर्जिताखिल-प्रपञ्चसाक्षिणे सदा नमः शिवाय ते सदाशिवाय शम्भवे ॥७॥

Verse

मृकण्डुसूनु-रक्षणावधूतदण्ड-पाणये सुगन्धमण्डल-स्फुरत्-प्रभाजितामृतांशवे । अखण्डभोग-सम्पदर्थलोक-भावितात्मने सदा नमः शिवाय ते सदाशिवाय शम्भवे ॥८॥

Verse

मधुरिपु-विधि-शक्र-मुख्य-देवैरपि नियमार्चित-पादपङ्कजाय । कनकगिरि-शरासनाय तुभ्यं रजत-सभापतये नमः शिवाय ॥९॥

Verse

हालास्यनाथाय महेश्वराय हालाहलालङ्कृत-कन्धराय । मीनेक्षणायाः पतये शिवाय नमो नमः सुन्दर-ताण्डवाय ॥१०॥

Verse

॥इति श्री-हालास्यमाहात्म्ये पतञ्जलिकृतं श्री-सदाशिवाष्टकं सम्पूर्णम्॥

mārgabandhustotram
caraṇaśṛṅgarahita-naṭarāja-stotram

Read next

More on सदाशिवाष्टकम्

  • सदाशिवाष्टकम्Ashtakam

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms