stotrasangraha
mārgabandhustotram
मार्गबन्धुस्तोत्रम्
Verse
शम्भो महादेव देव । शिव शम्भो महादेव देवेश शम्भो । शम्भो महादेव देव ॥
Verse
फालावनम्रत्किरीटं फालनेत्रार्चिषा-दग्ध-पञ्चेषुकीटम् । शूलाहतारातिकूटं शुद्धमर्धेन्दुचूडं भजे मार्गबन्धुम् ॥१॥
Verse
अङ्गे विराजद्भुजङ्गम् अभ्र-गङ्गा-तरङ्गाभि-रामोत्तमाङ्गम् । ओङ्कारवाटी-कुरङ्गं सिद्धसंसेविताङ्घ्रिं भजे मार्गबन्धुम् ॥२॥
Verse
नित्यं चिदानन्दरूपं निह्नुताशेष-लोकेश-वैरिप्रतापम् । कार्तस्वरागेन्द्र-चापं कृत्तिवासं भजे दिव्यसन्मार्गबन्धुम् ॥३॥
Verse
कन्दर्प-दर्पघ्नमीशं कालकण्ठं महेशं महाव्योमकेशम् । कुन्दाभदन्तं सुरेशं कोटिसूर्यप्रकाशं भजे मार्गबन्धुम् ॥४॥
Verse
मन्दारभूतेरुदारं मन्दरागेन्द्रसारं महागौर्यदूरम् । सिन्धूर-दूर-प्रचारं सिन्धुराजातिधीरं भजे मार्गबन्धुम् ॥५॥
Verse
अप्पय्ययज्वेन्द्रगीतं स्तोत्रराजं पठेद् यस्तु भक्त्या प्रयाणे । तस्यार्थसिद्धिं विधत्ते मार्गमध्येऽभयं चाऽऽशुतोषो महेशः ॥
