stotrasangraha
rāmadvādaśanāmastotram
रामद्वादशनामस्तोत्रम्
Verse
प्रथमं श्रीधरं विद्याद् द्वितीयं रघुनायकम् । तृतीयं रामचन्द्रं च चतुर्थं रावणान्तकम् ॥१॥
Verse
पञ्चमं लोकपूज्यं च षष्ठमं जानकीपतिम् । सप्तमं वासुदेवं च श्रीरामं चाष्टमं तथा ॥२॥
Verse
नवमं जलदश्यामं दशमं लक्ष्मणाग्रजम् । एकादशं च गोविन्दं द्वादशं सेतुबन्धनम् ॥३॥
Verse
द्वादशैतानि नामानि यः पठेछ्रद्धयान्वितः । अर्धरात्रे तु द्वादश्यां कुष्ठदारिद्र्यनाशनम् ॥४॥
Verse
अरण्ये चैव सङ्ग्रामे अग्नौ भयनिवारणम् । ब्रह्महत्या सुरापानं गोहत्यादि निवारणम् ॥५॥
Verse
सप्तवारं पठेन्नित्यं सर्वारिष्टनिवारणम् । ग्रहणे च जले स्थित्वा नदीतीरे विशेषतः । अश्वमेधशतं पुण्यं ब्रह्मलोकं गमिष्यति ॥६॥
Verse
॥इति श्री-स्कान्दपुराणे उत्तरखण्डे श्री-उमामहेश्वरसंवादे श्री-रामद्वादशनामस्तोत्रं सम्पूर्णम्॥
