Preparing Your Space .

Settling the page into your current context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

stotrasangraha

narmadāṣṭakam

नर्मदाष्टकम्

Verse

सबिन्दु-सिन्धु-सुस्खलत्-तरङ्ग-भङ्ग-रञ्जितं द्विषत्सु पाप-जात-जातकादि-वारि-संयुतम् । कृतान्त-दूत-काल-भूत-भीति-हारि-वर्मदे त्वदीय-पाद-पङ्कजं नमामि देवि नर्मदे ॥१॥

Verse

त्वदम्बु-लीन-दीन-मीन-दिव्य-सम्प्रदायकं कलौ मलौघ-भार-हारि-सर्व-तीर्थ-नायकम् । सुमच्छ-कच्छ-नक्र-चक्र-वाक-चक्र-शर्मदे त्वदीय-पाद-पङ्कजं नमामि देवि नर्मदे ॥२॥

Verse

महा-गभीर-नीर-पूर-पाप-धूत-भूतलं ध्वनत्-समस्त-पातकारि-दारिताप-दाछलम् । जगल्लये महाभये मृकण्डु-सूनु-हर्म्यदे त्वदीय-पादपङ्कजं नमामि देवि नर्मदे ॥३॥

Verse

गतं तदैव मे भयं त्वदम्बु वीक्षितं यदा मृकण्डु-सूनु-शौनका-सुरारि-सेवितं सदा । पुनर्-भवाब्धि-जन्मजं भवाब्धि-दुःख-वर्मदे त्वदीय-पाद-पङ्कजं नमामि देवि नर्मदे ॥४॥

Verse

अलक्ष्य-लक्ष-किन्नरामरासुरादि-पूजितं सुलक्ष-नीर-तीर-धीर-पक्षि-लक्ष-कूजितम् । वसिष्ठ-शिष्ट-पिप्पलादि-कर्दमादि-शर्मदे त्वदीय-पादपङ्कजं नमामि देवि नर्मदे ॥५॥

Verse

सनत्कुमार-नाचिकेत-कश्यपात्रि-षत्पदैः धृतं स्वकीय-मानसेषु नारदादि-षत्पदैः । रवीन्दु-रन्ति-देव-देवराज-कर्म-शर्मदे त्वदीय-पाद-पङ्कजं नमामि देवि नर्मदे ॥६॥

Verse

अलक्ष-लक्ष-लक्ष-पाप-लक्ष-सारसायुधं ततस्तु जीव-जन्तु-तन्तु-भुक्ति-मुक्ति-दायकम् । विरिञ्चि-विष्णु-शङ्कर-स्वकीय-धाम-वर्मदे त्वदीय-पाद-पङ्कजं नमामि देवि नर्मदे ॥७॥

Verse

अहो धृतं स्वनं श्रुतं महेशि-केश-जातटे किरात-सूत-बाडबेषु पण्डिते शठे नटे । दुरन्त-पाप-तापहारि-सर्व-जन्तु-शर्मदे त्वदीय-पाद-पङ्कजं नमामि देवि नर्मदे ॥८॥

Verse

इदं तु नर्मदाष्टकं त्रिकालमेव ये सदा पठन्ति ते निरन्तरं न यान्ति दुर्गतिं कदा । सुलभ्यदेहदुर्लभं महेशधामगौरवं पुनर्भवा नरा न वै विलोकयन्ति रौरवम् ॥९॥

Verse

॥इति श्रीमत्परमहंसपरिव्राजकाचार्यस्य श्री-गोविन्द-भगवत्पूज्य-पाद-शिष्यस्य श्रीमच्छङ्करभगवतः कृतौ श्री-नर्मदाष्टकं सम्पूर्णम्॥

yamunāṣṭakam
triveṇīstotram

Read next

More on नर्मदाष्टकम्

  • नर्मदाष्टकंAshtakam
  • नर्मदाष्टकम्Ashtakam

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms