Preparing Your Space .

Settling the page into your current context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

stotrasangraha

lalitātriśatīstotram

ललितात्रिशतीस्तोत्रम्

Verse

अस्य श्रीललितात्रिशतीस्तोत्रमहामत्रस्य।भगवान् हयग्रीव ऋषिः। अनुष्टुप् छन्दः। श्रीललितात्रिपुरसुन्दरी देवता। ऐं बीजम्। क्लीं शक्तिः। सौः कीलकम्। सकल-चिन्तितफलावाप्त्यर्थे जपे विनियोगः॥

Verse

अतिमधुरचापहस्ताम् अपरिमितामोदबाण-सौभाग्याम् । अरुणाम् अतिशयकरुणाम् अभिनवकुलसुन्दरीं वन्दे ॥

Verse

ककाररूपा कल्याणी कल्याणगुणशालिनी । कल्याणशैलनिलया कमनीया कलावती ॥१॥

Verse

कमलाक्षी कल्मषघ्नी करुणामृतसागरा । कदम्बकाननावासा कदम्बकुसुमप्रिया ॥२॥

Verse

कन्दर्पविद्या कन्दर्प-जनकापाङ्ग-वीक्षणा । कर्पूरवीटि-सौरभ्य-कल्लोलित-ककुप्तटा ॥३॥

Verse

कलिदोषहरा कञ्जलोचना कम्रविग्रहा । कर्मादिसाक्षिणी कारयित्री कर्मफलप्रदा ॥४॥

Verse

एकाररूपा चैकाक्षर्येकानेकाक्षराकृतिः । एतत्तदित्यनिर्देश्या चैकानन्द-चिदाकृतिः ॥५॥

Verse

एवमित्यागमाबोध्या चैकभक्ति-मदर्चिता । एकाग्रचित्त-निर्ध्याता चैषणा-रहितादृता ॥६॥

Verse

एलासुगन्धिचिकुरा चैनःकूटविनाशिनी । एकभोगा चैकरसा चैकैश्वर्य-प्रदायिनी ॥७॥

Verse

एकातपत्र-साम्राज्य-प्रदा चैकान्तपूजिता । एधमानप्रभा चैजदनेकजगदीश्वरी ॥८॥

Verse

एकवीरादि-संसेव्या चैकप्राभव-शालिनी । ईकाररूपा चेशित्री चेप्सितार्थ-प्रदायिनी ॥९॥

Verse

ईदृगित्य-विनिर्देश्या चेश्वरत्व-विधायिनी । ईशानादि-ब्रह्ममयी चेशित्वाद्यष्टसिद्धिदा ॥१०॥

Verse

ईक्षित्रीक्षण-सृष्टाण्ड-कोटिरीश्वर-वल्लभा । ईडिता चेश्वरार्धाङ्ग-शरीरेशाधि-देवता ॥११॥

Verse

ईश्वर-प्रेरणकरी चेशताण्डव-साक्षिणी । ईश्वरोत्सङ्ग-निलया चेतिबाधा-विनाशिनी ॥१२॥

Verse

ईहाविरहिता चेशशक्ति-रीषत्‌-स्मितानना । लकाररूपा ललिता लक्ष्मी-वाणी-निषेविता ॥१३॥

Verse

लाकिनी ललनारूपा लसद्दाडिम-पाटला । ललन्तिकालसत्फाला ललाट-नयनार्चिता ॥१४॥

Verse

लक्षणोज्ज्वल-दिव्याङ्गी लक्षकोट्यण्ड-नायिका । लक्ष्यार्था लक्षणागम्या लब्धकामा लतातनुः ॥१५॥

Verse

ललामराजदलिका लम्बिमुक्तालताञ्चिता । लम्बोदर-प्रसूर्लभ्या लज्जाढ्या लयवर्जिता ॥१६॥

Verse

ह्रीङ्काररूपा ह्रीङ्कारनिलया ह्रीम्पदप्रिया । ह्रीङ्कारबीजा ह्रीङ्कारमन्त्रा ह्रीङ्कारलक्षणा ॥१७॥

Verse

ह्रीङ्कारजपसुप्रीता ह्रीम्मती ह्रींविभूषणा । ह्रींशीला ह्रीम्पदाराध्या ह्रीङ्गर्भा ह्रीम्पदाभिधा ॥१८॥

Verse

ह्रीङ्कारवाच्या ह्रीङ्कारपूज्या ह्रीङ्कारपीठिका । ह्रीङ्कारवेद्या ह्रीङ्कारचिन्त्या ह्रीं ह्रीं-शरीरिणी ॥१९॥

Verse

हकाररूपा हलधृक् पूजिता हरिणेक्षणा । हरप्रिया हराराध्या हरिब्रह्मेन्द्रवन्दिता ॥२०॥

Verse

हयारूढा-सेविताङ्घ्रिर्हयमेध-समर्चिता । हर्यक्षवाहना हंसवाहना हतदानवा ॥२१॥

Verse

हत्यादिपापशमनी हरिदश्वादि-सेविता । हस्तिकुम्भोत्तुङ्गकुचा हस्तिकृत्ति-प्रियाङ्गना ॥२२॥

Verse

हरिद्राकुङ्कुमादिग्धा हर्यश्वाद्यमरार्चिता । हरिकेशसखी हादिविद्या हालामदालसा ॥२३॥

Verse

सकाररूपा सर्वज्ञा सर्वेशी सर्वमङ्गला । सर्वकर्त्री सर्वभर्त्री सर्वहन्त्री सनातना ॥२४॥

Verse

सर्वानवद्या सर्वाङ्गसुन्दरी सर्वसाक्षिणी । सर्वात्मिका सर्वसौख्यदात्री सर्वविमोहिनी ॥२५॥

Verse

सर्वाधारा सर्वगता सर्वावगुणवर्जिता । सर्वारुणा सर्वमाता सर्वभूषण-भूषिता ॥२६॥

Verse

ककारार्था कालहन्त्री कामेशी कामितार्थदा । कामसञ्जीवनी कल्या कठिनस्तन-मण्डला ॥२७॥

Verse

करभोरूः कलानाथ-मुखी कचजिताम्बुदा । कटाक्षस्यन्दि-करुणा कपालि-प्राणनायिका ॥२८॥

Verse

कारुण्य-विग्रहा कान्ता कान्तिधूत-जपावलिः । कलालापा कम्बुकण्ठी करनिर्जित-पल्लवा ॥२९॥

Verse

कल्पवल्ली-समभुजा कस्तूरी-तिलकाञ्चिता । हकारार्था हंसगतिर्हाटकाभरणोज्ज्वला ॥३०॥

Verse

हारहारि-कुचाभोगा हाकिनी हल्यवर्जिता । हरित्पति-समाराध्या हठात्कार-हतासुरा ॥३१॥

Verse

हर्षप्रदा हविर्भोक्त्री हार्दसन्तमसापहा । हल्लीसलास्य-सन्तुष्टा हंसमन्त्रार्थ-रूपिणी ॥३२॥

Verse

हानोपादान-निर्मुक्ता हर्षिणी हरिसोदरी । हाहाहूहू-मुख-स्तुत्या हानि-वृद्धि-विवर्जिता ॥३३॥

Verse

हय्यङ्गवीन-हृदया हरिगोपारुणांशुका । लकाराख्या लतापूज्या लयस्थित्युद्भवेश्वरी ॥३४॥

Verse

लास्य-दर्शन-सन्तुष्टा लाभालाभ-विवर्जिता । लङ्घ्येतराज्ञा लावण्य-शालिनी लघु-सिद्धिदा ॥३५॥

Verse

लाक्षारस-सवर्णाभा लक्ष्मणाग्रज-पूजिता । लभ्येतरा लब्धभक्ति-सुलभा लाङ्गलायुधा ॥३६॥

Verse

लग्न-चामर-हस्त-श्री-शारदा-परिवीजिता । लज्जापद-समाराध्या लम्पटा लकुलेश्वरी ॥३७॥

Verse

लब्धमाना लब्धरसा लब्धसम्पत्समुन्नतिः । ह्रीङ्कारिणी ह्रीङ्काराद्या ह्रीम्मध्या ह्रींशिखामणिः ॥३८॥

Verse

ह्रीङ्कार-कुण्डाग्नि-शिखा ह्रीङ्कार-शशिचन्द्रिका । ह्रीङ्कार-भास्कररुचिर्ह्रीङ्काराम्भोद-चञ्चला ॥३९॥

Verse

ह्रीङ्कार-कन्दाङ्कुरिका ह्रीङ्कारैक-परायणा । ह्रीङ्कार-दीर्घिकाहंसी ह्रीङ्कारोद्यान-केकिनी ॥४०॥

Verse

ह्रीङ्कारारण्य-हरिणी ह्रीङ्कारावाल-वल्लरी । ह्रीङ्कार-पञ्जरशुकी ह्रीङ्काराङ्गण-दीपिका ॥४१॥

Verse

ह्रीङ्कार-कन्दरा-सिंही ह्रीङ्काराम्भोज-भृङ्गिका । ह्रीङ्कार-सुमनो-माध्वी ह्रीङ्कार-तरुमञ्जरी ॥४२॥

Verse

सकाराख्या समरसा सकलागम-संस्तुता । सर्ववेदान्त-तात्पर्यभूमिः सदसदाश्रया ॥४३॥

Verse

सकला सच्चिदानन्दा साध्या सद्गतिदायिनी । सनकादिमुनिध्येया सदाशिव-कुटुम्बिनी ॥४४॥

Verse

सकलाधिष्ठान-रूपा सत्यरूपा समाकृतिः । सर्वप्रपञ्च-निर्मात्री समानाधिक-वर्जिता ॥४५॥

Verse

सर्वोत्तुङ्गा सङ्गहीना सगुणा सकलेष्टदा । ककारिणी काव्यलोला कामेश्वरमनोहरा ॥४६॥

Verse

कामेश्वर-प्राणनाडी कामेशोत्सङ्गवासिनी । कामेश्वरालिङ्गिताङ्गी कामेश्वर-सुखप्रदा ॥४७॥

Verse

कामेश्वर-प्रणयिनी कामेश्वर-विलासिनी । कामेश्वर-तपःसिद्धिः कामेश्वर-मनःप्रिया ॥४८॥

Verse

कामेश्वर-प्राणनाथा कामेश्वर-विमोहिनी । कामेश्वर-ब्रह्मविद्या कामेश्वर-गृहेश्वरी ॥४९॥

Verse

कामेश्वराह्लादकरी कामेश्वर-महेश्वरी । कामेश्वरी कामकोटिनिलया काङ्क्षितार्थदा ॥५०॥

Verse

लकारिणी लब्धरूपा लब्धधीर्लब्ध-वाञ्छिता । लब्धपाप-मनोदूरा लब्धाहङ्कार-दुर्गमा ॥५१॥

Verse

लब्धशक्तिर्लब्धदेहा लब्धैश्वर्यसमुन्नतिः । लब्धवृद्धिर्लब्धलीला लब्धयौवनशालिनी ॥५२॥

Verse

लब्धातिशय-सर्वाङ्ग-सौन्दर्या लब्धविभ्रमा । लब्धरागा लब्धपतिर्लब्ध-नानागमस्थितिः ॥५३॥

Verse

लब्धभोगा लब्धसुखा लब्धहर्षाभिपूरिता । ह्रीङ्कार-मूर्तिर्ह्रीङ्कार-सौधशृङ्गकपोतिका ॥५४॥

Verse

ह्रीङ्कार-दुग्धाब्धि-सुधा ह्रीङ्कार-कमलेन्दिरा । ह्रीङ्कार-मणिदीपार्चिर्ह्रीङ्कार-तरुशारिका ॥५५॥

Verse

ह्रीङ्कार-पेटक-मणिर्ह्रीङ्कारादर्श-बिम्बिता । ह्रीङ्कार-कोशासिलता ह्रीङ्कारास्थान-नर्तकी ॥५६॥

Verse

ह्रीङ्कार-शुक्तिका-मुक्तामणिर्ह्रीङ्कार-बोधिता । ह्रीङ्कारमय-सौवर्णस्तम्भ-विद्रुम-पुत्रिका ॥५७॥

Verse

ह्रीङ्कार-वेदोपनिषध्रीङ्काराध्वर-दक्षिणा । ह्रीङ्कार-नन्दनाराम-नवकल्पक-वल्लरी ॥५८॥

Verse

ह्रीङ्कार-हिमवद् गङ्गा ह्रीङ्कारार्णव-कौस्तुभा । ह्रीङ्कार-मन्त्र-सर्वस्वा ह्रीङ्कार-परसौख्यदा ॥५९॥

Verse

॥इति श्री-ब्रह्माण्डपुराणे उत्तराखण्डे श्री-हयग्रीवागस्त्यसंवादे श्री-ललितात्रिशती स्तोत्रकथनं सम्पूर्णम्॥

sarasvatī-sahasranāma-stotram
saundaryalaharī

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms