Preparing Your Space .

Settling the page into your current context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

stotrasangraha

hanumatkṛtaṃ śrī-sītā-rāma-stotram

हनुमत्कृतं श्री-सीता-राम-स्तोत्रम्

Verse

अयोध्या-पुर-नेतारं मिथिला-पुर-नायिकाम् । इक्ष्वाकूणाम् अलङ्कारं वैदेहानाम् अलङ्क्रियाम् ॥१॥

Verse

रघूणां कुल-दीपं च निमीनां कुल-दीपिकाम् । सूर्य-वंश-समुद्भूतं सोम-वंश-समुद्भवाम् ॥२॥

Verse

पुत्रं दशरथस्यापि पुत्रीं जनक-भूपतेः । वसिष्ठ-अनुमताचारं शतानन्द-मतानुगाम् ॥३॥

Verse

कौसल्या-गर्भ-सम्भूतं वेदि-गर्भोदितां स्वयम् । पुण्डरीक-विशालाक्षं स्फुरद् इन्दीवरेक्षणाम् ॥४॥

Verse

चन्द्र-कान्ताननाम्भोजं चन्द्रबिम्ब-उपमाननाम् । मत्त-मातङ्ग-गमनं मत्त-सारस-गामिनीम् ॥५॥

Verse

चन्दनार्द्र-भुजा-मध्यं कुङ्कुमाक्त-कुच-स्थलीम् । चापालङ्कृत-हस्ताब्जं पद्मालङ्कृत-पाणिकाम् ॥६॥

Verse

शरणागतगोप्तारं प्रणिपातप्रसादिकाम् । ताली-दल-श्यामलाङ्गं तप्त-चामीकर-प्रभाम् ॥७॥

Verse

दिव्य-सिंहासनारूढं दिव्य-स्रग्-वस्त्र-भूषणाम् । अनुक्षणं कटाक्षाभ्याम् अन्योन्य-ईक्षण-काङ्क्षिणौ ॥८॥

Verse

अन्योन्य-सदृशाकारौ त्रैलोक्य-गृह-दम्पती । इमौ युवां प्रणम्याहं भजाम्यद्य कृतार्थताम् ॥९॥

Verse

अनया स्तोति यः स्तुत्या रामं सीतां च भक्तितः । तस्य तौ तनुतां प्रीतौ सम्पदः सकला अपि ॥१०॥

Verse

इतीदं रामचन्द्रस्य जानक्याश्च विशेषतः । कृतं हनुमता पुण्यं स्तोत्रं सद्यो विमुक्ति-दम् । यः पठेत् प्रातरुत्थाय सर्वान् कामानवाप्नुयात् ॥११॥

Verse

॥इति श्री-हनूमत्कृतं श्री-सीतारामस्तोत्रं सम्पूर्णम्॥

āpaduddhāraṇa-stotram
vivāha-maṅgalāṣṭakam

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms