sahasranAma
śrī durgāsahasranāmastotram
श्री दुर्गासहस्रनामस्तोत्रम्
Verse
ओं शिवाऽथोमा रमा शक्तिरनन्ता निष्कलाऽमला । शान्ता महेश्वरी नित्या शाश्वता परमा क्षमा ॥१॥
Verse
अचिन्त्या केवलाऽनन्ता शिवात्मा परमात्मिका । अनादिरव्यया शुद्धा सर्वज्ञा सर्वगाऽचला ॥२॥
Verse
एकानेकविभागस्था मायातीता सुनिर्मला । महामहेश्वरी सत्या महादेवी निरंजना ॥३॥
Verse
काष्ठा सर्वान्तरस्थाऽपि चिच्छक्तिश्चात्रिलालिता । सर्वा सर्वात्मिका विश्वा ज्योतिरूपाऽक्षराऽमृता ॥४॥
Verse
शान्ता प्रतिष्ठा सर्वेशा निवृत्तिरमृतप्रदा । व्योममूर्तिर्व्योमसंस्था व्योमधाराऽच्युताऽतुला ॥५॥
Verse
अनादिनिधनाऽमोघा कारणात्मा कलाकुला । ऋतुप्रथमजाऽनाभिरमृतात्मसमाश्रया ॥६॥
Verse
प्राणेश्वरप्रिया नम्या महामहिषघातिनी । प्राणेश्वरी प्राणरूपा प्रधानपुरुषेश्वरी ॥७॥
Verse
सर्वशक्तिकलाऽकामा महिषेष्टविनाशिनी । सर्वकार्यनियन्त्री च सर्वभूतेश्वरेश्वरी ॥८॥
Verse
अङ्गदादिधरा चैव तथा मुकुटधारिणी । सनातनी महानन्दाऽऽकाशयोनिस्तथोच्यते ॥९॥
Verse
चित्प्रकाशस्वरूपा च महायोगीश्वरेश्वरी । महामाया सुदुष्पारा मूलप्रकृतिरीशिका ॥१०॥
Verse
संसारयोनिः सकला सर्वशक्तिसमुद्भवा । संसारपारा दुर्वारा दुर्निरीक्षा दुरासदा ॥११॥
Verse
प्राणशक्तिश्च सेव्याच योगिनी परमाकला । महाविभूतिर्दुर्दर्शी मूलप्रकृतिसम्भवा ॥१२॥
Verse
अनाद्यनन्तविभवा परार्था पुरुषारणिः । सर्वस्थित्यन्तकृच्छैव सुदुर्वाच्या दुरत्यया ॥१३॥
Verse
शब्दगम्या शब्दमाया शब्दाख्याऽऽनन्दविग्रहा । प्रधानपुरुषातीता प्रधानपुरुषात्मिका ॥१४॥
Verse
पुराणी चिन्मया पुंसामिष्टदा पुष्टिरूपिणी । पूतान्तरस्था कूटस्था महापुरुषसंज्ञिता ॥१५॥
Verse
जन्ममृत्युजरातीता सर्वशक्तिस्वरूपिणी । वांछाप्रदाऽनवच्छिन्ना प्रधानानुप्रवेशिनी ॥१६॥
Verse
क्षेत्रज्ञाऽचिन्त्यशक्तिस्तु प्रोच्यतेऽव्यक्तलक्षणा । मलापवर्जिताऽनादिमाया त्रितयतत्विका ॥१७॥
Verse
प्रीतिश्च प्रकृतिश्चैव गुहावासा तथोच्यते । महामाया नवोत्पन्ना तामसी च ध्रुवा तथा ॥१८॥
Verse
व्यक्ताऽव्यक्तात्मिका कृष्णा रक्ता शुक्ला ह्यकारणा । प्रोच्यते कार्यजननी नित्यप्रसवधर्मिणी ॥१९॥
Verse
सर्गप्रलयमुक्ता च सृष्टिस्थित्यन्तधर्मिणी । ब्रह्मगर्भा चतुर्विंशत्स्वरूपा पद्मवासिनी ॥२०॥
Verse
अच्युताह्लादिका विद्युत्ब्रह्मयोनिर्महालका । महालक्ष्मीः समुद्भावभावितात्मा महेश्वरी ॥२१॥
Verse
महाविमानमध्यस्था महानिद्रा सकौतुका । सर्वार्थधारिणी सूक्ष्माह्यविद्धा परमार्थदा ॥२२॥
Verse
अनन्तरूपाऽनन्तार्था तथा पुरुषमोहिनी । अनेकानेकहस्ता च कालत्रयविवर्जिता ॥२३॥
Verse
ब्रह्मजन्मा हरप्रीता मतिर्ब्रह्मशिवात्मिका । ब्रह्मेशविष्णुसंपूज्या ब्रह्माख्या ब्रह्मसंज्ञिता ॥२४॥
Verse
व्यक्ता प्रथमजा ब्राह्मी महारात्रीः प्रकीर्तिता । ज्ञानस्वरूपा वैराग्यरूपा ह्यैश्वर्यरूपिणी ॥२५॥
Verse
धर्मात्मिका ब्रह्ममूर्तिः प्रतिश्रुतपुमर्थिका । अपांयोनिः स्वयंभूता मानसी तत्वसम्भवा ॥२६॥
Verse
ईश्वरस्यप्रिया प्रोक्ता शंकरार्धशरीरिणी । भवानी चैव रुद्राणी महालक्ष्मीस्तथाम्बिका ॥२७॥
Verse
महेश्वरसमुत्पन्ना भुक्तिमुक्तिप्रदायिनी । सर्वेश्वरी सर्ववन्द्या नित्यमुक्ता सुमानसा ॥२८॥
Verse
महेन्द्रोपेन्द्रनमिता शांकरीशानुवर्तिनी । ईश्वरार्धासनगता माहेश्वरपतिव्रता ॥२९॥
Verse
संसारशोषिणी चैव पार्वती हिमवत्सुता । परमानन्ददात्री च गुणाग्र्या योगदा तथा ॥३०॥
Verse
ज्ञामूर्तिश्च सावित्री लक्ष्मीः श्रीः कमला तथा । अनन्तगुणगम्भीरा ह्युरोनीलमणिप्रभा ॥३१॥
Verse
सरोजनिलया गङ्गा योगिध्येयाऽसुरार्दिनी । सरस्वती सर्वविद्या जगज्ज्येष्ठा सुमङ्गला ॥३२॥
Verse
वाग्देवी वरदा वर्या कीतिः सर्वार्थसाधिका । वागीश्वरी ब्रह्मविद्या महाविद्या सुशोभना ॥३३॥
Verse
ग्राह्यविद्या वेदविद्या धर्मविद्याऽऽत्मभाविता । स्वाहा विश्वम्भरा सिद्धिः साध्या मेधा धृतिः कृतिः ॥३४॥
Verse
सुनीतिः संकृतिश्चैव कीर्तिता नरवाहिनी । पूजाविभाविनी सौम्या भोग्यभाक् भोगदायिनी ॥३५॥
Verse
शोभावती शांकरी च लोला मालाविभूषिता । परमेष्ठिप्रिया चैव त्रिलोकीसुन्दरी तथा ॥३६॥
Verse
नन्दा संध्या कामधात्री महादेवी सुसात्विका । महामहिषदर्पघ्नी पद्ममालाऽघहारिणी ॥३७॥
Verse
विचित्रमुकुटा रामा कामदाता प्रकीर्तिता । पीताम्बरधरा दिव्यविभूषण विभूषिता ॥३८॥
Verse
दिव्याख्या सोमवदना जगत्संसृष्टिवर्जिता । निर्यन्त्रा यन्त्रवाहस्था नन्दिनी रुद्रकालिका ॥३९॥
Verse
आदित्यवर्णा कौमारी मयूरवरवाहिनी । पद्मासनगता गौरी महाकाली सुरार्चिता ॥४०॥
Verse
अदितिर्नियता रौद्री पद्मगर्भा विवाहना । विरूपाक्षा केकिवाहा गुहापुरनिवासिनी ॥४१॥
Verse
महाफलाऽनवद्याङ्गी कामरूपा सरिद्वरा । भास्वद्रूपा मुक्तिदात्री प्रणतक्लेशभञ्जना ॥४२॥
Verse
काशिकी गोमिनी रात्रिस्त्रिदशारिविनाशिनी । बहुरूपा सुरूपा च विरूपा रूपवर्जिता ॥४३॥
Verse
भक्तार्तिशमना भव्या भवभावविनाशिनी । सर्वज्ञानपरीताङ्गी सर्वासुरविमर्दिका ॥४४॥
Verse
पिकस्वनी सामगीता भवाङ्कनिलया प्रिया । दीक्षा विद्याधरी दीप्ता महेन्द्रहितपातिनी ॥४५॥
Verse
सर्वदेवमया दक्षा समुन्द्रान्तरवासिनी । अकलङ्का निराधारा नित्यसिद्धा निरामया ॥४६॥
Verse
कामधेनुर्बृहद्गर्भा धीमती मौननाशिनी । निस्सङ्कल्पा निरातन्का विनया विनयप्रदा ॥४७॥
Verse
ज्वालामाला सहस्राढ्या देवदेवी मनोमया । सुभगा सुविशुद्धा मा वसुदेवसमुद्भवा ॥४८॥
Verse
महेन्द्रोपेन्द्रभगिनी भक्तिगम्या परावरा । ज्ञानज्ञेया परातीता वेदान्तविषया मती ॥४९॥
Verse
दक्षिणा दाहिका दह्या सर्वभूतहृदिस्थिता । योगमायाविभागज्ञा महामोहा गरीयसी ॥५०॥
Verse
संध्या सर्वसमुद्भूता ब्रह्मवृक्षाश्रयाऽदितिः । बीजाङ्कुरसमुद्भूता महाशक्तिर्महामतिः ॥५१॥
Verse
ख्यातिः प्रज्ञावती संज्ञा महाभोगीन्द्रशायिनी । ह्रींकृतिः शंकरी शान्तिर्गन्धर्वगणसेविता ॥५२॥
Verse
वैश्वानरी महाशूला देवसेना भवप्रिया । महारात्री परानन्दा शची दुःस्वप्ननाशिनी ॥५३॥
Verse
ईड्या जया जगद्धात्री दुर्विज्ञेया सुरूपिणी । गुहाम्बिका गणोत्पन्ना महापीठा मरुत्सुता ॥५४॥
Verse
हव्यवाहा भवानन्दा जगद्योनिः प्रकीर्तिता । जगन्माता जगन्मृत्युर्जरातीता च बुद्धिदा ॥५५॥
Verse
सिद्धिदात्री रत्नगर्भा रत्नगर्भाश्रया परा । दैत्यहन्त्री स्वेष्टदात्री मंगलैकसुविग्रहा ॥५६॥
Verse
पुरुषान्तर्गता चैव समाधिस्था तपस्विनी । दिविस्थिता त्रिणेत्रा च सर्वेन्द्रियमना धृतिः ॥५७॥
Verse
सर्वभूतहृदिस्था च तथा संसारतारिणी । वेद्या ब्रह्मविवेद्या च महालीला प्रकीर्तिता ॥५८॥
Verse
ब्राह्मणी बृहती ब्राह्मी ब्रह्मभूताऽघहारिणी । हिरण्मयी महादात्री संसारपरिवर्तिका ॥५९॥
Verse
सुमालिनी सुरूपा च भास्विनी धारिणी तथा । उन्मूलिनी सर्वसभा सर्वप्रत्ययसाक्षिणी ॥६०॥
Verse
सुसौम्या चन्द्रवदना ताण्डवासक्तमानसा । सत्वशुद्धिकरी शुद्धा मलत्रयविनाशिनी ॥६१॥
Verse
जगत्रयी जगन्मूर्तिस्त्रिमूर्तिरमृताश्रया । विमानस्था विशोका च शोकनाशिन्यनाहता ॥६२॥
Verse
हेमकुण्डलिनी काली पद्मवासा सनातनी । सदाकीर्तिः सर्वभूताशया देवी सतांप्रिया ॥६३॥
Verse
ब्रह्ममूर्तिकला चैव कृत्तिका कंजमालिनी । व्योमकेशा क्रियाशक्तिरिच्छाशक्तिः परागतिः ॥६४॥
Verse
क्षोभिका खण्डिकाऽभेद्या भेदाभेदविवर्जिता । अच्छिन्ना च्छिन्नसंस्थाना वशिनी वंशधारिणी ।६५॥
Verse
गुह्यशक्तिर्गुह्यतत्वा सर्वदा सर्वतोमुखी । भगिनी च निराधारा निराहारा प्रकीर्तिता ॥६६॥
Verse
निरङ्कुशपदोद्भूता चक्रहस्ता विशोधिका । स्रग्विणी पद्मसम्भेदकारिणी परिकीर्तिता ॥६७॥
Verse
परावरविधानज्ञा महापुरुषपूर्वजा परावरज्ञा विद्या च विद्युज्जिह्वा जिताश्रया ॥६८॥
Verse
विद्यामयी सहजा साक्षी सहस्रवदनात्मजा । सहस्ररश्मिः सत्वस्था महेश्वरपदाश्रया ॥६९॥
Verse
ज्वालिनी सन्मया व्याप्ता चिन्मया पद्मभेदिका । महाश्रया महामन्त्रा महादेवमनोरमा ॥७०॥
Verse
व्योमलक्ष्मीः सिंहरथा चेकितानाऽमितप्रभा । विश्वेश्वरी भगवती सकला कालहारिणी ॥७१॥
Verse
सर्ववेद्या सर्वभद्रा गुह्या गूढा गुहारणी । प्रलया योगधात्री च गंगा विश्वेश्वरी तथा ॥७२॥
Verse
कामदा कनका कान्ता कंजगर्भप्रभा तथा । पुण्यदा कालकेशा च भोक्त्री पुष्करणी तथा ॥७३॥
Verse
सुरेश्वरी भूतिदात्री भूतिभूषा प्रकीर्तिता । पंचब्रह्मसमुत्पन्ना परमार्थाऽर्थविग्रहा ॥७४॥
Verse
वर्णोदया भानुमूर्तिर्वाग्विज्ञेया मनोजवा । मनोहरा महोरस्का तामसी वेदरूपिणी ॥७५॥
Verse
वेदशक्तिर्वेदमाता वेदविद्याप्रकाशिनी । योगेश्वरेश्वरी माया महाशक्तिर्महामयी ॥७६॥
Verse
विश्वान्तःस्था वियन्मूर्तिः भार्गवी सुरसुन्दरी । सुरभिर्नन्दिनी विद्या नन्दगोपतनूद्भवा ॥७७॥
Verse
भारती परमानन्दा परावरविभेदिका । सर्वप्रहरणोपेता काम्या कामेश्वरेश्वरी ॥७८॥
Verse
अनन्तानन्तविभवा हृल्लेखा कनकप्रभा । कूष्माण्डा धनरत्नाढ्या सुगन्धा गन्धदायि ॥७९॥
Verse
त्रिविक्रमपदोद्भूता चतुरास्या शिवोदया । सुदुर्लभा धनाध्यक्षा धन्या पिङ्गललोचना ॥८०॥
Verse
शान्ता प्रभा स्वरूपा च पंकजायतलोचना । इन्द्राक्षी हृदयान्तस्था शिवा माता च सत्क्रिया ॥८१॥
Verse
गिरिजा च सुगूढा च नित्यपुष्टा निरन्तरा । दुर्गा कात्यायनी चण्डी चन्द्रिका कान्तविग्रहा ॥८२॥
Verse
हिरण्यवर्णा जगती जगद्यन्त्रप्रवर्तिका । मन्दराद्रिनिवासा च शारदा स्वर्णमालिनी ॥८३॥
Verse
रत्नमाला रत्नगर्भा व्युष्टिर्विश्वप्रमाथिनी । पद्मानन्दा पद्मनिभा नित्यपुष्टा कृतोद्भवा ॥८४॥
Verse
नारायणी दुष्टशिक्षा सूर्यमाता वृषप्रिया । महेन्द्रभगिनी सत्या सत्यभाषा सुकोमला ॥८५॥
Verse
वामा च पंचतपसां वरदात्री प्रकीर्तिता । वाच्यवर्णेश्वरी विद्या दुर्जया दुरतिक्रमा ॥८६॥
Verse
कालरात्रिमहावेगा वीरभद्रप्रिया हिता । भद्रकाली जगन्माता भक्तानां भद्रदायिनी ॥८७॥
Verse
कराला पिङ्गलाकारा कामभेत्री महामनाः । यशस्विनी यशोदा च षडध्वपरिवर्तिका ॥८८॥
Verse
शंखिनी पद्मिनी संख्या सांख्ययोगप्रवर्तिका । चैत्रादिर्वत्सरारूढा जगत्संपूरणीन्द्रजा ॥८९॥
Verse
शुम्भघ्नी खेचराराध्या कम्बुग्रीवा बलीडिता । खगारूढा महैश्वर्या सुपद्मनिलया तथा ॥९०॥
Verse
विरक्ता गरुडस्था च जगतीहृद्गुहाश्रया । शुम्भादिमथना भक्तहृद्गह्वरनिवासिनी ॥९१॥
Verse
जगत् त्रयारणी सिद्धसंकल्पा कामदा तथा । सर्वविज्ञानदात्री चानल्पकल्मषहारिणी ॥९२॥
Verse
सकलोपनिषद्गम्या दुष्टदुष्प्रेक्ष्यसत्तनुः । सद्वृत्ता लोकसंव्याप्ता तुष्टिः पुष्टिः क्रियावती ॥९३॥
Verse
विश्वामरेश्वरी चैव भुक्तिमुक्तिप्रदायिनी । शिवधृता लोहिताक्षी सर्वमालाविभूषणा ॥९४॥
Verse
निरानन्दा त्रिशूलासिधनुर्बाणादिधारिणी । अशेषध्येयमूर्तिश्च देवतानां च देवता ॥९५॥
Verse
वरांबिका गिरेः पुत्री निशुंभविनिपातिनी । सुवर्णा स्वर्णलसिताऽनंतवर्णा सदाधृता ॥९६॥
Verse
शांकरी शांतहृदया अहोरात्रविधायिका । विश्वगोप्त्री गूढरूपा गुणपूर्णा च गार्ग्यजा ॥९७॥
Verse
गौरी शाकंभरी सत्यसन्धा संध्यात्रयीदृता । सर्वपापविनिर्मुक्ता सर्वबन्धविवर्जिता ॥९८॥
Verse
सांख्ययोगसमाख्याता अप्रमेया मुनीडिता । विशुद्धसुकुलोद्भूता बिन्दुनादसमादृता ॥९९॥
Verse
शंभुवामांकगा चैव शशितुल्यनिभानना । वनमालाविराजंती अनंतशयनादृता ॥१००॥
Verse
नरनारायणोद्भूता नरसिंही प्रकीर्तिता । दैत्यप्रमाथिनी शंखचक्रपद्मगदाधरा ॥१०१॥
Verse
संकर्षणसमुत्पन्ना अंबिका सज्जनाश्रया । सुव्रता सुन्दरी चैव धर्मकामार्थदायिनी ॥१०२॥
Verse
मोक्षदा भक्तनिलया पुराणपुरुषादृता । महाविभूतिदाऽऽराध्या सरोजनिलयाऽसमा ॥१०३॥
Verse
अष्टादशाभुजाऽनादि नीलोत्पलदलाक्षिणी । सर्वशक्तिसमारूढा धर्माधर्मविवर्जिता ॥१०४॥
Verse
वैराग्यज्ञाननिरता निरालोका निरिन्द्रिया । विचित्रगहनाधारा शाश्वतस्थानवासिनी ॥१०५॥
Verse
ज्ञानेश्वरी पीतचेला वेदवेदान्तपारगा । मनस्विनी मन्युमाता महामन्युसमुद्भवा ॥१०६॥
Verse
अमन्युरमृतास्वादा पुरन्दरपरिष्टुता । अशोच्या भिन्नविषया हिरण्यरजतप्रिया ॥१०७॥
Verse
हिरण्यजननी भीमा हेमाभरणभूषिता । विभ्राजमाना दुर्ज्ञेया ज्योतिष्टोमफलप्रदा ॥१०८॥
Verse
महानिद्रा समुत्पत्तिरनिद्रा सत्यदेवता । दीर्घा ककुद्मिनी पिङ्गजटाधारा मनोज्ञधीः ॥१०९॥
Verse
महाश्रया रमोत्पन्ना तमःपारे प्रतिष्ठिता । त्रितत्वमाता त्रिविधा सुसूक्ष्मा पद्मसंश्रया ॥११०॥
Verse
शान्त्यतीतकलाऽतीतविकारा श्वेतचेलिका । चित्रमाया शिवज्ञानस्वरूपा दैत्यमाथिनी ॥१११॥
Verse
काश्यपी कालसर्पाभवेणिका शास्त्रयोनिका । क्रियामूर्तिश्चतुर्वर्गदर्शिनी संप्रकीर्तिता ॥११२॥
Verse
नारायणी नरोत्पन्ना कौमुदी कान्तिधारणी । कौशिकी ललिता लीला परावरविभाविनी ॥११३॥
Verse
वरेण्याऽद्भुतमाहात्म्या वडवा वामलोचना । सुभद्रा चेतनाराध्या शान्तिदा शन्तिवर्धिनी ॥११४॥
Verse
जयादिशक्तिजननी शक्तिचक्रप्रवर्तिका । त्रिशक्तिजननी जन्या षट्सूत्रपरिवर्णिता ॥११५॥
Verse
सुधौतकर्मणाराध्या युगान्तदहनात्मिका । सङ्कर्षिणी जगद्धात्री कामयोनिः किरीटिनी ॥११६॥
Verse
एन्द्री त्रैलोक्यनमिता वैष्णवी परमेश्वरी । प्रद्युम्नजननी बिंबसमोष्ठी पद्मलोचना ॥११७॥
Verse
मदोत्कटा हंसगतिः प्रचण्डा चण्डविक्रमा । वृषाधीशा परात्मा च विन्ध्यपर्वतवासिनी ॥११८॥
Verse
हिमवन्मेरुनिलया कैलासपुरवासिनी । चाणूरहन्त्री नीतिज्ञा कामरूपा त्रयीतनुः ॥११९॥
Verse
व्रतस्नाता धर्मशीला सिंहासननिवासिनी । वीरभद्रादृता वीरा महाकालसमुद्भवा ॥१२०॥
Verse
विद्याधरार्चिता सिद्धसाद्ध्याराधितपादुका । श्रद्धात्मिका पावनी च मोहिनी अचलात्मिका ॥१२१॥
Verse
महाद्भुता वारिजाक्षी सिंहवाहनगामिनी । मनीषिणी सुधावाणी वीणावादनतत्परा ॥१२२॥
Verse
श्वेतवाहनिषेव्या च लसन्मतिररुन्धती । हिरण्याक्षी तथा चैव महानन्दप्रदायिनी ॥१२३॥
Verse
वसुप्रभा सुमाल्याप्तकन्धरा पंकजानना । परावरा वरारोहा सहस्रनयनार्चिता ॥१२४॥
Verse
श्रीरूपा श्रीमती श्रेष्ठा शिवनाम्नीशिवप्रिया । श्रीपदा श्रितकल्याणा श्रीधरार्धशरीरिणी ॥१२५॥
Verse
श्रीकलाऽनन्तदृष्टिश्च अक्षुद्राऽरातिसूदनी । रक्तबीजनिहन्त्री च दैत्यसंघविमर्दिनी ॥१२६॥
Verse
सिंहारूढा सिंहिकास्या दैत्यशोणितपायिनी । सुकीर्तिर्महिता छिन्नसंशया रसवेदिनी ॥१२७॥
Verse
गुणाभिरामा नागारिवाहना निर्जरार्चिता । नित्योदिता स्वयंज्योतिः स्वर्णकाया प्रकीर्तिता ॥१२८॥
Verse
वज्रदण्डाङ्किता चैव तथाऽमृतसंजीविनी । वज्रच्छन्ना देवदेवी वरवज्रस्वविग्रहा ॥१२९॥
Verse
मङ्गल्या मङ्गलात्मा च मालिनी माल्यधारिणी । गंधर्वी तरुणी चान्द्री खड्गायुधधरा तथा ॥१३०॥
Verse
सौदामिनी प्रजानन्दातथा प्रोक्ताभृगूद्भवा । एकानंगा च शास्त्रार्थकुशला धर्मचारिणी ॥१३१॥
Verse
धर्मसर्वस्ववाहा च धर्माधर्मविनिश्चया । धर्मशक्तिर्धर्ममया धार्मिकानां शिवप्रदा ॥१३२॥
Verse
विधर्मा विश्वधर्मज्ञा धर्मार्थान्तरविग्रहा । धर्मवर्ष्मा धर्मपूर्णा धर्मपारंगतान्तरा ॥१३३॥
Verse
धर्मोपदेष्ट्री धर्मात्मा धर्मगम्या धराधरा । कपालिनी शाकलिनी कलाकलितविग्रहा ॥१३४॥
Verse
सर्वशक्तिविमुक्ता च कर्णिकारधराऽक्षरा । कंसप्राणहरा चैव युगधर्मधरा तथा ॥१३५॥
Verse
युगप्रवर्तिका प्रोक्ता त्रिसन्ध्या ध्येयविग्रहा । स्वर्गापवर्गदात्री च तथा प्रत्यक्षदेवता ॥१३६॥
Verse
आदित्या दिव्यगन्धा च दिवाकरनिभप्रभा । पद्मासनगता प्रोक्ता खड्गबाणशरासना ॥१३७॥
Verse
शिष्टा विशिष्टा शिष्टेष्टा शिष्टश्रेष्ठप्रपूजिता । शतरूपा शतावर्ता वितता रासमोदिनी ॥१३८॥
Verse
सूर्येन्दुनेत्रा प्रद्युम्नजननी सुष्ठुमायिनी । सूर्यान्तरस्थिता चैव सुप्रतिष्ठितविग्रहा ॥१३९॥
Verse
निवृत्ता प्रोच्यते ज्ञानपारगा पर्वतात्मजा । कात्यायनी चण्डिका च चण्डी हैमवती तथा ॥१४०॥
Verse
दाक्षायणी सती चैव भवानी सर्वमङ्गला । धूम्रलोचनहन्त्री च चण्डमुण्डविनाशिनी ॥१४१॥
Verse
योगनिद्रा योगभद्रा समुद्रतनया तथा । देवप्रियंकरी शुद्धा भक्तभक्तिप्रवर्धिनी ॥१४२॥
Verse
त्रिणेत्रा चन्द्रमुकुटा प्रमथार्चितपादुका । अर्जुनाभीष्टदात्री च पाण्डवप्रियकारिणी ॥१४३॥
Verse
कुमारलालनासक्ता हरबाहूपधानिका । विघ्नेशजननी भक्तविघ्नस्तोमप्रहारिणी ॥१४४॥
Verse
सुस्मितेन्दुमुखि नम्या जयाप्रियसखी तथा । अनादिनिधना प्रेष्ठा चित्रमाल्यानुलेपना ॥१४५॥
Verse
कोटिचन्द्रप्रतीकाशा कूटजालप्रमाथिनी । कृत्या प्रहारिणी चैव मारणोच्चाटनी तथा ॥१४६॥
Verse
सुरासुरप्रवंद्याघ्रिर्मोहघ्नी ज्ञानदायिनी । षड्वैरिनिग्रहकरी वैरिविद्राविनी तथा ॥१४७॥
Verse
भूतसेव्या भूतदात्री भूतपीडाविमर्दिका । नारदस्तुतचारित्रा वरदेशा वरप्रदा ॥१४८॥
Verse
वामदेवस्तुता चैव कामदा सोमशेखरा । दिक्पालसविता भव्या भामिनी भावदायिनी ॥१४९॥
Verse
स्त्रीसौभाग्यप्रदात्री च भोगदा रोगनाशिनी । व्योमगा भूमिगा चैव मुनिपूज्यपदांबुजा । वनदुर्गा च दुर्बोधा महादुर्गा प्रकीर्तिता ॥१५०॥
