Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

kavaca

śrīśūlinīkavacam

श्रीशूलिनीकवचम्

Verse

श्रीशिवः उवाच - अथ वक्ष्ये महागुह्यं कवचं सर्वसिद्धिदम् । समाहितेन मनसा श‍ृणु कल्याणि तादृशम् ॥१॥

Verse

शूलिन्याः कवचं दिव्यं जगद्रक्षणवर्धनम् । सर्वसिद्धिप्रदं श्रेष्ठं सर्वपापप्रणाशनम् ॥२॥

Verse

सर्वमङ्गलमाङ्गल्यं सर्वैश्वर्यप्रदायकम् । ब्रह्मज्ञानप्रदं हृद्यं भीषणं जयवर्धनम् ॥३॥

Verse

सर्वरोगहरं शान्तं सर्वरक्षाकरं परम् । कवचस्य ऋषिर्देव्या मृत्युञ्जय उदाहृतः ॥४॥

Verse

उष्णिक् छन्दस्तथा देवि देवता जगदम्बिका । दुं कारं बीजमित्युक्तं स्वाहा शक्तिस्ततः परम् ॥५॥

Verse

सर्वाभीष्टार्थसिध्यर्थे विनियोगो वरानने । मायार्णैश्च करन्यासं षडङ्गं प्रणवान्वितम् ॥६॥

Verse

ॐ अस्य श्री शूलिनीकवचस्य मृत्युञ्जय ऋषिः । उष्णिक् छन्दः । श्रीजगदम्बिका शूलिनी देवता । दुं बीजम् । स्वाहा शक्तिः । सर्वाभीष्टार्थसिद्ध्यर्थे (जपे) विनियोगः ॥

Verse

ॐ ह्रां ॐ ह्रीमित्यादिभिः कराङ्गन्यासाः ॥

Verse

ध्यानम् - तापिञ्छस्निग्धवर्णां दशशतवदनां चन्द्ररेखावतंसां हर्यक्षस्कन्धरूढां द्विदशशतभुजां हाटवासोवृताङ्गीम् । ध्यायेऽहं वैरिलोकग्रसनपरिणता क्रीडनालोलजिह्वां देवीं क्रुद्धां सुमेधां प्रणतभयहरां शिक्षिताशेषलोकाम् ॥

Verse

जयेश्वर्यग्रतः पातु पृष्ठतो विजयेश्वरी । अजिता वामतः पातु दक्षिणं मेऽपराजिता ॥१॥

Verse

ब्रह्माणी पातु केशाग्रं शिवा पातु शिरो मम । अम्बिका मेऽलकं पातु मुखं हैमवती तथा ॥२॥

Verse

भवानी पातु नासाग्रं घ्राणं माहेश्वरी तथा । वाराही नयनं पातु मानस्तोका च दक्षिणम् ॥३॥

Verse

जिह्वां पातु महाविद्या लम्बिकाग्रं सरस्वती । सत्यम्बिका ममोर्ध्वोष्ठं लक्ष्मीमेऽर्धरपल्लवम् ॥४॥

Verse

श्रुत्यम्बा पातु मे दन्तान् कौमारी चिबुकं तथा । ज्वाला (कण्ठं) भीमस्वना पातु कपोलौ मे (ऽ)भयङ्करी ॥५॥

Verse

इन्द्राणी पातु मे कर्णौ इन्द्रनाथा हनू मम । ग्रीवापार्श्वं महाशक्तिः ग्रीवां मे परमेश्वरी ॥६॥

Verse

कराली दक्षिणस्कन्धं वैष्णवी पातु वामकम् । शिवेशी दक्षदोर्मूलं शिवदूती च वामकम् ॥७॥

Verse

अच्युता दक्षदोर्दण्डं अनन्ता पातु वामकम् । दक्षकूर्परमीशानी त्रिशूली पातु वामकम् ॥८॥

Verse

ज्वालामुखी प्रकोष्ठं मे पातु भद्रा च वामकम् । भैरवी मणिबन्धं मे वामं पातु महेश्वरी ॥९॥

Verse

करपृष्ठं तु वाराही विकटाङ्गी तु वामकम् । अघोरा दक्षिणाङ्गुष्ठं घोररूपा तु तर्जनीम् ॥१०॥

Verse

मध्यमां रक्तकेशी चाऽनामिकां तु महाबला । माया कनिष्ठिकां पातु पर्वाणि विषनाशिनी ॥११॥

Verse

नखानि मे करालास्या वामाङ्गुष्ठं महोदरी । तर्जनीं रक्तचामुण्डी मेघनादा तु मध्यमाम् ॥१२॥

Verse

अनामिकां रौद्रमुखी काली पातु कनिष्ठिकाम् । पर्वाणि कालरात्रिर्मे नारसिह्मी नखानि मे ॥१३॥

Verse

जटिला दक्षिण कक्षं वामकक्षं पयस्विनी । वक्षो ज्वालामुखी पातु हृदयं कृष्णपिङ्गला ॥१४॥

Verse

नारायणी स्तनद्वन्द्वं रुद्राणी मस्तकाग्रकम् । जठरं भद्रकाली मे चण्डिका उदरं तथा ॥१५॥

Verse

तद्दक्षिणमनन्ता मे तद्वामः ब्रह्मवादिनी । सावित्री पातु नाभिं मे गायत्री मे कटिद्वयम् ॥१६॥

Verse

त्वरिता पातु मे गुह्यं पृष्ठभागं शतानना । योगेश्वरी गुदं पातु जघनं लोकमोहिनी ॥१७॥

Verse

ऊरुयुग्मं वसुमतीं चण्डमुण्डा तु जानुनी । जङ्घे कात्यायनी पातु गुल्फे महिषमर्दिनी ॥१८॥

Verse

शाकम्भरीं पादपृष्ठे गौरी पादाङ्गुलीर्मम । सूक्ष्मा पादतलं पातु पादपार्ष्वं धनञ्जया ॥१९॥

Verse

सर्वाङ्गं पातु मे पुष्टिः सर्वसन्दिं मदप्रिया । ज्वालिनी रोमकूपाणि वसुधारा त्वचं मम ॥२०॥

Verse

वसुधा चर्म मे पातु रुधिरं मदनावती । तीव्रा मांसद्वयं पातु भेदो मे विघ्ननाशिनी ॥२१॥

Verse

ममास्थि भोगदा पातु मज्जां पातु परात्परा । पञ्चभूतं रतिःपातु शुक्लं मे कामरूपिणी ॥२२॥

Verse

मूलाधारमुमा पातु स्वाधिष्ठानं चिदङ्कुरा । अमृता मणिपूरं मेऽनाहतं कमलेक्षणा ॥२३॥

Verse

विशुद्धि पातु मे नादा(ऽथा) पातु चाज्ञां परा मम । जातवेदोग्निदुर्गा मे ब्रह्मरन्ध्रं सदावतु ॥२४॥

Verse

शूलिनौ सकलं पातु अनुक्ताङ्गं महाबला । जागरूकास्ववस्थासु मम पद्मावती तथा ॥२५॥

Verse

शङ्करी पातु मे पुत्रान् पुत्रीं च कमलासना । सहजान् शाम्भवी पातु सुभगा सुमुखं मम ॥२६॥

Verse

व्योमकेशी कुलद्वन्द्वं इष्टान्दुष्टापहारिणी । भवनं भुवनाकारा नगरं नगरेश्वरी ॥२७॥

Verse

द्राविणी पातु राज्य मे राजानं क्षोभनाशिनी । राष्ट्रं च महती पातु प्रजां सर्ववशङ्करी ॥२८॥

Verse

श्रीदेवी धनधान्यं मे सर्वदा सर्वसम्पदः । इति गुह्यं महावीर्यं देव्या कवचमद्भुतम् ॥२९॥

Verse

पावनं सर्वविजयं परमायुष्यवर्धनम् । अभेद्यमतुलं नानाभूतप्रेतनिबर्हणम् ॥३०॥

Verse

किमत्र बहुनोक्तेन चतुर्वर्गफलप्रदम् । त्रिसन्ध्यं यो जपेन्नित्यं न्यासभावयुतं शिवे ॥३१॥

Verse

तस्य सर्वभयं नास्ति विजय च करस्थले । कवचेनाऽऽवृतो विद्वान् स पूज्यः सकलैरपि । अनेनैव शरीरेण जीवन्मुक्तो भवेच्छिवे ॥३२॥

Verse

इति श्रीशूलिनीकवचं सम्पूर्णम् ॥

śukrakavacam
śrīkṛṣṇakavacam

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms