Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

kavaca

śrīkṛṣṇakavacam

श्रीकृष्णकवचम्

Verse

प्रणम्य देवं विप्रेशं प्रणम्य च सरस्वतीम् । प्रणम्य च मुनीन् सर्वान् सर्वशास्त्रविशारदान् ॥१॥

Verse

श्रीकृष्णकवचं वक्ष्ये श्रीकीर्तिविजयप्रदम् । कान्तारे पथि दुर्गे च सदा रक्षाकरं नृणाम् ॥२॥

Verse

स्मृत्वा नीलाम्बुदश्यामं नीलकुञ्चितकुन्तलम् । बर्हिपिञ्छलसन्मौलिं शरच्चन्द्रनिभाननम् ॥३॥

Verse

राजीवलोचनं राजद्वेणुना भूषिताधरम् । दीर्घपीनमहाबाहुं श्रीवत्साङ्कितवक्षसम् ॥४॥

Verse

भूभारहरणोद्युक्तं कृष्णं गीर्वाणवन्दितम् । निष्कलं देवदेवेशं नारदादिभिरर्चितम् ॥५॥

Verse

नारायणं जगन्नाथं मन्दस्मितविराजितम् । जपेदेवमिमं भक्त्या मन्त्रं सर्वार्थसिद्धये ॥६॥

Verse

सरर्वदोषहरं पुण्यं सकलव्याधिनाशनम् । वसुदेवसुतः पातु मूर्धानं मम सरर्वदा ॥७॥

Verse

ललाटं देवकीसूनुः भ्रूयुग्मं नन्दनन्दनः । नयनौ पूतनाहन्ता नासां शकटमर्द्दनः ॥८॥

Verse

यमलार्जुनहृत्कर्णौकि कपोलौ नगमर्द्दनः । दन्तान् गोपालकः पोतु जिह्वां हय्यङ्गवीनभुक् ॥९॥

Verse

ओष्ठं धेनुकजित्पायादधरं केशिनाशनः । चिबुकं पातु गोविन्दो बलदेवानुजो मुखम् ॥१०॥

Verse

अक्रूरसहितः कण्ठं कक्षौ दन्तिवरान्तकः । भुजौ चाणूरहारिर्मे करौ कंसनिषूदनः ॥११॥

Verse

वक्षो लक्ष्मीपतिः पातु हृदयं जगदीश्वरः । उदरं मधुरानाथो नाभिं द्वारवतीपतिः ॥१२॥

Verse

रुग्मिणीवल्लभः पृष्ठं जघनं शिशुपालहा । ऊरू पाण्डवदूतो मे जानुनी पार्थसारथिः ॥१३॥

Verse

विश्वरूपधरो जङ्घे प्रपदे भूमिभारहृत् । चरणौ यादवः पातु पातु विघ्नोऽखिलं वपुः ॥१४॥

Verse

दिवा पायाज्जगन्नाथो रात्रौ नारायणः स्वयम् । सरर्वकालमुपासीरिस्सर्वकामार्थसिद्धये ॥१५॥

Verse

इदं कृष्णबलोपेतं यः पठेत् कवचं नरः । सर्वदाऽऽर्तिभयान्मुक्तः कृष्णभक्तिं समाप्नुयात् ॥१६॥

Verse

इति श्रीकृष्णकवचं सम्पूर्णम् ॥

śrīśūlinīkavacam
śrīkṛṣṇarakṣākavacam

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms