Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

kavaca

śrīrāmakavacam

श्रीरामकवचम्

Verse

कपिकटकधुरीणः कार्मुकन्यस्तबाणः क्षपितदितिजसैन्यः क्षत्रियेष्वग्रगण्यः । जलधिरचितसेतुर्जानकीतोषहेतुः पथि पथि गुणसान्द्रः पातु मां रामचन्द्रः ॥१॥

Verse

श्रीमत्किरीटविभ्राजिशिरा रामः शिरोऽवतु । कुटिलालकसंशोभिललाटान्तः सुरार्थितः ॥२॥

Verse

माणिक्यमौक्तिकोद्भासितिलकः सूर्यवंशजः । ललाटं पातु सुभूर्मे कौसल्यानन्दनो भ्रूवौ ॥३॥

Verse

धनुर्विद्यापारदृश्वा नेत्रे पात्वब्जलोचनः । लसन्नासापुटो नासां विश्वामित्रवृतोऽवतु ॥४॥

Verse

बिम्बोष्ठोऽव्यान्मदीयौष्ठौ शम्भुकार्मुकभञ्जनः । कुन्दकोशलसद्दन्तो दन्तान्मे जानकीपतिः ॥५॥

Verse

मनोज्ञरसनो जिह्वां पातु लोकमयान्तकृत् । वाचं व्याख्याविदग्धोऽव्याच्यक्तसाम्राज्यसम्भ्रमः ॥६॥

Verse

आस्यं चन्द्रोपमास्योऽव्याद्रामचन्द्रो वनेचरः । कम्बुग्रीवोऽवतु ग्रीवां खरदूषणसैन्यजित् ॥७॥

Verse

चारुदीर्घकरः पाणी मारीचमृगलुब्धकः । कङ्कणाङ्गदमुद्राढयोऽङ्गुलीस्त्यक्तप्रियाकृतिः ॥८॥

Verse

पातु पीनांसयुग्मोऽसौ हनूमन्नयनोत्सवः । हारकौस्तुभभृत्कण्ठमूलं सुग्रीवसख्यकृत् ॥९॥

Verse

उरः पातु महोरस्कः तालात्मासुरखण्डनः । मध्यं कृशलसन्मध्यः पातु वाल्यङ्गभेदनः ॥१०॥

Verse

दर्भशायी विभुः पातु वलीस्त्रिवलिपल्लवः । तनुदरः पातु कुक्षिं कृतसेतुर्महार्णवे ॥११॥

Verse

निम्ननाभिः प्रभुः पातु नाभिं कपिचमूपतिः । पीताम्बरः स्फुरत्काञ्चीद्योतमानकटिद्वयः ॥१२॥

Verse

ङ्काप्राकारनिर्भेदी रामः पात कटिं मम । ऊरू करिकरोरुर्मे चारुबाणधनुर्धरः ॥१३॥

Verse

जृम्भिरावणसैन्याब्धिकुम्भसम्भवकोटिधूः । जानुनी वृत्तविलसज्जानुयुग्मो ममावतु ॥१४॥

Verse

कम्भकर्णादिनिर्भङ्गदम्भोळासमसायकः । जङ्धे तुङ्गेभदन्ताभजङ्घायुग्मोऽवतु प्रभुः ॥१५॥

Verse

दशाननशिरोरण्यपरश्वधपराक्रमः । मुक्ताङ्कुरसमश्रीमद्गुल्फों गुल्फौ ममावतु ॥१६॥

Verse

ससम्भ्रमसुरश्रेणीशिरोजुष्टाङ्ध्रिपल्लवः । पादौ रक्षतु मे नित्यं विभीषणपदप्रदः ॥१७॥

Verse

नखान् पातु नखश्रेणीशशिद्योतितदिङ्मुखः । अग्निज्वालोदितस्वीयसीतो वीतच्छिदाकृतिः ॥१८॥

Verse

रक्तपादतलादित्यः पातु पादतले मम । प्राप्तायोध्यापुरैश्वर्यः प्राच्यां पातु मनोरमः ॥१९॥

Verse

धर्मप्रवर्तकः पायादवाच्यां नीरदद्युतिः । पातु प्रतीच्यां यज्वीन्द्रो हनूमत्पारमेष्ठयदः ॥२०॥

Verse

उदीच्यामुद्गतायोगविदेहतनयाप्रियः । अधोऽधःकृतपापैघः पातु रामोऽखिलाग्रणीः ॥२१॥

Verse

ऊर्ध्वमुन्नीतसज्जीवनानासङ्घसुखप्रदः । य इदं रघुनाथस्य कवचं बिभृयान्नरः ॥२२॥

Verse

यतिना वादिराजेन रचितं निर्मलं दृढम् । स्प्रष्टुं तं नैव रक्षांसि पापानि रिपवोऽपि वा ॥२३॥

Verse

विपदो व्याधयो वाऽपि शक्नुवन्ति शरोपमाः । अरिं जित्वा तु संसारं यास्यत्यन्तेऽपुनर्भवम् ॥२४॥

Verse

इति श्रीमद्वादिराजपूज्यचरणविरचितं श्रीरामकवचं सम्पूर्णम् । भारतीरमणमुख्यप्राणान्तर्गत श्रीकृष्णार्पणमस्तु ॥

śrītrailokyamohanavajrapañjararāmakavacam
śrīrāmadurgastotram

Read next

More on श्रीरामकवचम्

  • त्रैलोक्यमोहन श्रीरामकवचम्Kavach
  • श्रीरामकवचम्Kavach

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms