Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

kavaca

śrīyonikavacam

श्रीयोनिकवचम्

Verse

देव्युवाच - भगवन् श्रोतुमिच्छामि कवचं परमाद्भुतम् । इदानीं देवदेवेश कवचं सर्वसिद्धिदम् ॥१॥

Verse

महादेव उवाच - श‍ृणु देवि प्रवक्ष्यामि अतिगुह्यतमं प्रिये । यस्मै कस्मै न दातव्यं दातव्यं निष्फलं भवेत् ॥२॥

Verse

विनियोगः - अस्य श्रीयोनीकवचस्य गुप्त ऋषिः, कुलटा छन्दः, राजविघ्नोत्पातविनाशे (पाठे) विनियोगः । ह्रीं योनिर्मे सदा पातु स्वाहा विघ्नविनाशिनी । शत्रुनाशात्मिका योनिः सदा मां पातु सागरे ॥३॥

Verse

ब्रह्मात्मिका महायोनिः सर्वान् कामान् प्ररक्षतु । राजद्वारे महाघोरे क्लीं योनिः सर्वदाऽवतु ॥४॥

Verse

हूमात्मिका सदा देवी योनिरूपा जगन्मयी । सर्वाङ्गं पातु मां नित्यं सभायां राजवेश्मनि ॥५॥

Verse

वेदात्मिका सदा योनिर्वेदरूपा सरस्वती । कीर्तिं श्रीं कान्तिमारोग्यं पुत्रपौत्रादिकं तथा ॥६॥

Verse

रक्ष रक्ष महायोने सर्वसिद्धिप्रदायिनि । रजोयोगात्मिका योनिः सर्वत्र मां सदाऽवतु ॥७॥

Verse

फलश्रुतिः । इति ते कथितं देवि कवचं सर्वसिद्धिदम् । त्रिसन्ध्यं यः पठेन्नित्यं राजोपद्रवनाशकृत् ॥८॥

Verse

सभायां वाक्पतिश्चैव राजवेश्मनि राजवत् । सर्वत्र जयमाप्नोति कवचस्य जपेन हि ॥९॥

Verse

श्रीयोन्याः सङ्गमे देवि पठेदेवमनन्यधीः । स एव सर्वसिद्धीशो नात्र कार्या विचारणा ॥१०॥

Verse

मातृकाक्षरसम्पुटं कृत्वा यदि पठेन्नरः । भुञ्जते विपुलान् भोगान् दुर्गया सह मोदते ॥११॥

Verse

इति गुह्यतमं देवि सर्वधर्मोत्तमोत्तमम् । भूर्जे वा ताडिपत्रे वा लिखित्वा धारयेद्यदि ॥१२॥

Verse

हरिचन्दनमिश्रेण रोचना कुङ्कुमेन च । शिखायामथवा कण्ठे शिवः सोऽपि न संशयः ॥१३॥

Verse

शरत्काले महाष्टम्यां नवम्यां कुलसुन्दरि । पूजाकाले पठेदेतत् जयी नित्यं न संशयः ॥१४॥

Verse

॥ इति शक्तिकागमसर्वस्वे हरगौरीसंवादे श्रीयोनिकवचं सम्पूर्णम् ॥

śrīyogeśvarīkavacam
śrīrāghavendrakavacam

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms