Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

kavaca

bharatakavacam

भरतकवचम्

Verse

॥ अथ श्रीमदानन्दरामायणांतर्गत श्री भरत कवचं ॥

Verse

अगस्तिरुवाच- अथः परं भरतस्य कवचं ते वदाम्यहं । सर्वपापहरं पुण्यं सदा श्रीरामभक्तिदं ॥१॥

Verse

कैकेयी तनयं सदा रघुवर न्यस्केक्षणं श्यामलं सप्त द्वीपपतेर् विदेह तनया कान्तस्य वाक्ये रतं । श्रीसीताधव सव्यपार्श्व निकटे स्तित्वा वरं चामरं धृत्वा दक्षिण सत्करेण भरतं तं वीजयन्तं भजे ॥२॥

Verse

अस्य श्री भरतकवच मन्त्रस्य अगस्त्य ऋषिः । श्री भरतो देवता । अनुष्टुप् छन्दः । शङ्ख इति बीजं । कैकेयी नन्दनः इति शक्तिः । भरतखण्डेश्वर इति कीलकं । रामानुज इत्यस्त्रं । सप्तद्वीपेश्वर दास इति कवचं । रामांशज इति मन्त्रः । श्रीभरत प्रीत्यर्थं सकलमनोरथ सिद्ध्यर्थं जपे विनियोगः ॥

Verse

अथ अङ्गुळी न्यासः ॥

Verse

ॐ भरताय अङ्गुष्ठाभ्यां नमः । ॐ शङ्खाय तर्जनीभ्यां नमः । ॐ कैकेयीनन्दनाय मध्यमाभ्यां नमः । ॐ भरतखण्डेश्वराय अनामिकाभ्यां नमः । ॐ रामानुज कनिष्ठिकाभ्यां नमः । ॐ सप्त द्वीपेश्वर दासाय करतल करपृष्ठाभ्यां नमः ॥

Verse

हृदयादिन्यासः ॥

Verse

ॐ भरताय हृदयाय नमः । ॐ शङ्खाय शिरसे स्वाहा । ॐ कैकेयीनन्दनाय शिकायै वषट् । ॐ भरतखण्डेश्वराय कवचाय हुं । ॐ रामानुजाय नेत्रत्रयाय वौषट् । ॐ सप्त द्वीपेश्वर दासाय अस्त्राय फट् । ॐ रामांशजेति दिग्बन्धः ॥

Verse

अथ ध्यानम् ॥

Verse

रामचन्द्र सव्यपार्श्वे स्थितं केकयजा सुतं । रामाय चामरेणैव वीजयन्तं मनोरमं ॥१॥

Verse

रत्नकुण्डल केयूर कङ्कणादि सुभूषितं । पीताम्बर परिधानं वनमाला विराजितं ॥२॥

Verse

माण्डवी धौत चरणं रशना नूपुरान्वितं । नीलोत्पल दलश्यामं द्विजराज समाननं ॥३॥

Verse

आजानुबाहुं भरत खण्डस्य प्रतिपालकं । रामानुजं स्मितास्यंच शत्रुघ्न परिवन्दितं ॥४॥

Verse

रामन्यस्तेक्षणं सौम्यं विद्युत् पुञ्च समप्रभं । रामभक्तं महावीरं वन्दे तं भरतं शुभं ॥५॥

Verse

एवं ध्यात्वा तु भरतं रामपादेक्षणं हृदि । कवचं पठनीयं हि भरतस्येद मुत्तमं ॥६॥

Verse

कवच प्रारंभः ॥

Verse

ॐ । पूर्वतो भरतः पातु दक्षिणे कैकयीसुतः । नृपात्मजः प्रतीच्यां हि पातूदीश्यां रघूत्तमः ॥१॥

Verse

अथः पातु श्यामलाङ्गः चोर्ध्वं दशरथात्मजः । मध्ये भारतवर्षेशः सर्वतः सूर्यवंशजः ॥२॥

Verse

शिरस् दक्षपिता पातु भालं पातु हरिप्रियः । भृवोर् मध्यम जनकजा वाक्यैक तत्परोवतु ॥३॥

Verse

पातु जनक जामाता मम नेत्रे सदात्र हि । कपोले माण्डवीकान्तः कर्णमूले स्मिताननः ॥४॥

Verse

नासाग्रं मे सदा पातु कैकेयी तोषवर्धनः । उदाराङ्गो मुखे पातु वाणीं पातु जटाधरः ॥५॥

Verse

पातु पुष्करतातो मे जिह्वां दन्ताण् प्रभामयः । चिबुकं वल्कलधरः कण्ठे पातु वराननः ॥६॥

Verse

स्कन्धौ पातु जिताराति भुजौ शत्रुघ्न वन्दितः । करौ कवचधारीच नखान् खड्गधरोवतु ॥७॥

Verse

कुक्षौ रामानुजः पातु वक्षः श्री रामवल्लभः । पार्श्वे राघव पार्श्वस्थः पातु पृष्ठं सुभाषणः ॥८॥

Verse

जठरं च धनुर्धारी नाभिं शरकरोवतु । कटिं पद्मेक्षणः पातु गुह्यं रामैकमानसः ॥९॥

Verse

राममित्रः पातु लिङ्गमूरू श्रीरामसेवकः । नन्दिग्राम स्थितः पातु जानुनी मम सर्वदा ॥१०॥

Verse

श्री रामपातुकाधारी पातु जङ्घे सदा मम । गुल्फौ श्रीराम बन्धुश्च पादौ पातु सुरार्चितः ॥११॥

Verse

रामाज्ञापालकः पातु ममाङ्गान्यत्र सर्वदा । मम पादाङ्गुळीः पातु रघुवंश सुभूषणः ॥१२॥

Verse

रोमाणि पातु मे रम्यः पातु रात्रौ सुधीर् मम । तूणीरधारी दिवसे दिक् पातु मम सर्वदा ॥१३॥

Verse

सर्वकालेषु मां पातु पाञ्चजन्यः सदा भुवि । एवं श्रीभरस्येदं सुतीक्ष्ण कवचं शुभं ॥१४॥

Verse

मया प्रोक्तं तवाग्रे हि महामङ्गल कारकं । स्तोत्राणा मुत्तमं स्तोत्रमिदं ज्ञेयं सुपुण्यदं ॥१५॥

Verse

पठनीयं सदा भक्त्या रामचन्द्रस्य हर्षदं । पठित्वा भरतस्येदं कवचं रघुनन्दनः ॥१६॥

Verse

यथा याति परं तोषं तथा स्वकवचेनन । तस्मादेतत् सदा जप्यं कवचाना मनुत्तमं ॥१७॥

Verse

अस्यात्र पठनान् मर्त्यः सर्वान् कामानवाप्नुयात् । विद्याकामो लभेत्विद्यां पुत्रकामो लभेत् सुतं ॥१८॥

Verse

पत्नीकामो लभेत् पत्नीं धनार्थी धन माप्नुयात् । यद्यन् मनोभि लषितं तत्तत् कवचपाठतः ॥१९॥

Verse

लभ्यते मानवैरत्र सत्यं सत्यं वदाम्यहं । तस्मात् सदा जपनीयं रामोपासक मानवैः ॥२०॥

Verse

इति श्री शतकोटिरामचरितांतर्गत श्रीमदानन्दरामायणे वाल्मिकीये मनोहरकाण्डे श्री भरतकवचं संपूर्णं ॥

śrī mahālakṣmī kavacam
śrīakkalakoṭasvāmīkavaca

Read next

More on भरतकवचम्

  • भरतकवचम्Kavach

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms