Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

kavaca

nārāyaṇaproktaṃ gaṇeśakavacam

नारायणप्रोक्तं गणेशकवचम्

Verse

(नारायणप्रोक्तं गणेशाष्टकम्) दशलक्षजपेनैव सिद्धं तु कवचं भवेत् । संसारमोहकस्याऽस्य कवचस्य प्रजापतिः ॥५३॥

Verse

ऋषिश्छन्दो बृहती च देवो लम्बोदरः स्वयम् । धर्मार्थकाममोक्षेषु विनियोगः प्रकीर्तितः ॥५४॥

Verse

ॐ गं हुं श्रीगणेशाय स्वाहा मे पातु मस्तकम् । द्वात्रिंशदक्षरो मन्त्रो ललाटं मे सदाऽवतु ॥५५॥

Verse

ॐ ह्रीं श्रीं गमिति वै सततं पातु लोचने । तालुकं पातु विघ्नेशः सततं च धरातले ॥५६॥

Verse

ॐ ह्रीं श्रीं क्लीमिति परं सन्ततं पातु नासिके । ॐ गौं गं शूर्पकर्णाय स्वाहा पात्वधरौ मम ॥५७॥

Verse

दन्ताँश्च तालुके जिह्वां पातु मे षोडशाक्षरः । ॐ लं श्रीं लम्बोदरायेति स्वाहा गण्डौ सदाऽवतु ॥५८॥

Verse

ॐ क्लीं ह्रीं विघ्ननाशाय स्वाहा कर्णौ सदाऽवतु । ॐ श्रीं गं गजाननायेति स्वाहा स्कन्धं सदाऽवतु ॥५९॥

Verse

ॐ ह्रीं विनायकायेति स्वाहा पृष्ठं सदाऽवतु । ॐ क्लीं ह्रीमिति काङ्कलं पातु वक्षःस्थलं परम् ॥६०॥

Verse

करौ पादौ सदा पातु सर्वाङ्गं विघ्ननाशकृत् । प्राच्यां लम्बोदरः पातु चाग्नेय्यां विघ्ननायकः ॥६१॥

Verse

दक्षिणे पातु विघ्नेशो नैरृत्यां तु गजाननः । पश्चिमे पार्वतीपुत्रो वायव्यां शङ्करात्मजः ॥६२॥

Verse

कृष्णस्यांशश्चोत्तरे च परिपूर्णतमस्य च । ऐशान्यामेकदन्तश्च हेरम्बः पातु चोर्ध्वतः ॥६३॥

Verse

अधो गणाधिपः पातु सर्वपूज्यश्च सर्वतः । स्वप्ने जागरणे चैव पातु मां योगिनां गुरुः ॥६४॥

Verse

इत्येतत्कवचं कृष्णो गोलोकेऽदात्स्वयं तु मे । मया नारायणेनात्र यमादिसुरसन्निधौ ॥६५॥

Verse

शनैश्चरायाऽर्पितं तत् सर्वसङ्कटतारकम् । तदेवेदं महालक्ष्मि ! सर्वेभ्यः श्रावितं मया ॥६६॥

Verse

गुरुमभ्यर्च्य विधिवत् कवचं धारयेत्तु यः । कण्ठे वा दक्षिणे बाहौ सोऽपि विष्णुसमो भवेत् ॥६७॥

Verse

सर्वत्र विजयी पूज्यो भवेद्ग्रहणमात्रतः । भूतप्रेतपिशाचाश्च कूष्माण्डा ब्रह्मराक्षसाः ॥६८॥

Verse

डाकिनीयोगिनीयक्षवेताला भैरवादयः । बालग्रहा ग्रहाश्चैव क्षेत्रपालादयस्तथा ॥६९॥

Verse

वर्मणः शब्दमात्रेण पलायन्ते तु भीरवः । ऋजवे गुरुभक्ताय स्वशिष्याय प्रकाशयेत् ॥७०॥

Verse

अथ गणेशदेवस्याऽष्टकं वक्ष्ये सुखप्रदम् । यत्पाठकं स्वयं कृष्णो गणेशोऽवति सर्वदा ॥७१॥

Verse

ॐ नमोऽन्तःसुसत्त्वाय शिवसत्त्वाय ते नमः । ॐ नमः कृष्णरूपाय शैलजाङ्गाय ते नमः ॥७२॥

Verse

ॐ नमो वृद्धविप्राय सत्त्वसंस्थाय ते नमः । ॐ नमः पिण्डरूपाय न्यस्तचित्ताय ते नमः ॥७३॥

Verse

ॐ नमः सिद्ध्यधिष्ठाय सर्वविद्याय ते नमः । ॐ नमो गोपुरत्रात्रे मात्राज्ञापाय ते नमः ॥७४॥

Verse

ॐ नमोऽस्त्वलक्ष्यपित्रे पितृशस्त्याय ते नमः । ॐ नमः स्कन्धरूपाय कर्याननाय ते नमः ॥७५॥

Verse

ॐ नमः शिवपुत्राय सर्वपूज्याय ते नमः । ॐ नमश्चाग्रजार्चाय लड्डुकाद्याय ते नमः ॥७६॥

Verse

ॐ नमो विघ्ननाशाय मूषकासनिने नमः । ॐ नमो हेतिलाभाय चिरजीवाय ते नमः ॥७७॥

Verse

ॐ नमो दिव्यवर्ष्मणे भव्यवर्मणे ते नमः । ॐ नमः कवचाऽऽप्याय वचोऽव्ययाय ते नमः ॥७८॥

Verse

ॐ नमो मङ्गलाढ्याय भक्तिदार्ढ्याय ते नमः । ॐ नमः श्रीगणेशाय श्रीकृष्णाय नमो नमः ॥७९॥

Verse

इति स्तुत्वा नरो भक्त्याऽमरो भवति मोक्षगः । गणेशवृत्तमित्युक्तं किं भूयः श्रोतुमिच्छसि ॥८०॥

Verse

इति श्रीलक्ष्मीनारायणीयसंहितायां प्रथमे कृतयुगसन्ताने १०५-अध्यायान्तर्गतं नारायणप्रोक्तं गणेशकवचं तथा गणेशाष्टकं सम्पूर्णम् । लक्ष्मीनारायणीयसंहिता ॥

śrīgaṇeśakavacam
garuḍakavacam

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms