Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

kavaca

trailokyamohanaśrīsītākavacam

त्रैलोक्यमोहनश्रीसीताकवचम्

Verse

श्रीलक्ष्मण उवाच । कृताञ्जलिपुटो भूत्वा नत्वा शिरसि लक्ष्मणः । उवाच परमं दिव्यं सीतायाः कवचं परम् ॥१॥

Verse

त्वत्तः श्रोतुमिच्छामि त्रैलोक्यमोहनं महत् । कथयस्व रघुश्रेष्ठ दिव्यं कवचमुत्तमम् ॥२॥

Verse

श्रीराम उवाच । श‍ृणु वत्स महादिव्यं महामङ्गलदायकम् । महासिद्धिकरं पुंसां महासम्पत्तिदायकम् ॥३॥

Verse

त्रैलोक्यमोहनं नाम कवचं परमाद्भुतम् । यः पठेत्सततं भक्त्त्या अपुत्रः पुत्रवान् भवेत् ॥४॥

Verse

अष्टाक्षरं महामन्त्रं पठेत् कवचसंयुतम् । ततः सिद्धिमवाप्नोति अकीलमतुलं वरम् ॥५॥

Verse

ॐ अस्य श्रीसीतात्रैलोक्यमोहनकवचमन्त्रस्य श्रीरामऋषिरनुष्टुप् छन्दः श्रीसीतादेवता श्रीसीताप्रीत्यर्थे जपे (पाठे) विनियोगः ॥

Verse

ध्यानम् - नीलाम्भोजदलाभिरामनयनां नीलाम्बरालङ्कृतां गौराङ्गीं शरदिन्दुसुन्दरमुखीं विस्मेरबिम्बाधराम् । कारुण्यामृतवर्षिणीं हरिहरब्रह्मादिभिर्वन्दितां ध्यायेद्भक्तजनेप्सितार्थफलदां रामप्रियां जानकीम् ॥

Verse

ॐ शिरो मे भूभवा पातु ललाटे जनकात्मजा । नेत्रे पातु कुजा चैव वैदेही श्रुतिरक्षिणी ॥१॥

Verse

जिह्वां मे जानकी पातु ग्रीवां जनकनन्दिनी । स्कन्धौ पातु महामाया भुजौ पातु सुलोचना ॥२॥

Verse

करौ पातु सदा सीता हृदयं रामपार्श्वगा । मध्यं पातु च पद्माक्षी नाभिं मे वनवासिनी ॥३॥

Verse

कटिं योगेश्वरी पातु सक्थिनीं मृगध्वंसिनी । उरू मे पातु वैदेही जानुनी भिल्लमोक्षिणी ॥४॥

Verse

जङ्घे बालिप्रमाथिनी चतुष्पदी दैत्यनाशिनी । सर्वाङ्गं पातु स्वच्छाङ्गी सदा पातु प्रबोधिनी ॥५॥

Verse

विभीषणश्रीदा पातु सद्यश्चैव दिशो दश । सीतायाः कवचं ह्येतद्देवानामपि दुर्लभम् ॥६॥

Verse

त्रैलोक्यमोहनं नाम त्रैलोक्यधनदायकम् । मुच्यते सर्वपापेभ्यो निर्वाणमधिगच्छति ॥७॥

Verse

अश्वमेधायुतफलं पठनाल्लभते नरः । नित्यं पठति भक्त्या यः तस्य सीता प्रसीदति ॥८॥

Verse

राज्यलाभो भवेत्तस्य मम भक्तिश्च पुष्कला । यः पठेत्तु ममाग्रे वै पूजाकाले प्रयत्नतः । सौमित्रे च श‍ृणुष्व त्वं ददामि वाञ्छितं फलम् ॥९॥

Verse

अष्टाक्षर मन्त्रः । ॥ ॐ ह्रीं श्रीं सीतायै नमः ॥

Verse

अयुतं जपेन्मन्त्रं सर्वसिद्धि प्रदायकम् । वटवृक्षतटे पाठे अष्टादशशतेन च ॥१०॥

Verse

षट्विप्रकृते जाप्यम् ॥१८०० ॥त्रिशतेन पृथक् पृथक् ॥

Verse

एवं नित्यं कृते चैव वर्षपर्यन्त मानवः । क्षीराज्यशर्करा हव्यं गोधूम हृदयं पचेत् ॥११॥

Verse

भोज्यमाहार एकश्चभूमिशायी जितेन्द्रियः । ब्राह्मणे दक्षिणांदत्वा नानालंकारवस्त्रदः ॥१२॥

Verse

स्वधर्मनिरतः प्राणी अहिंसा सत्यवाक् पटुः । एकचित्तो भवेत्तस्य कवचं स्फूर्तिसंयुतः ॥१३॥

Verse

अपुत्रो लभते पुत्रं सत्यं श्रीरामभाषितम् । अयुतमेक पाठे च पुरश्चर्यं प्रसूतिकम् ॥१४॥

Verse

साक्षात्कल्पतरुः सीता ध्यायते यदि लक्ष्मण । वाञ्छितं वरदासद्यः सत्यं सत्यं वदाम्यहम् ॥१५॥

Verse

इति श्रीरुद्रयामल तन्त्रे श्रीरामलक्ष्मणसम्वादे श्रीरामविरचितं त्रैलोक्यमोहनश्रीसीताकवचं सम्पूर्णम् ॥

Verse

श्रीसीतात्रैलोक्यमोहनकवचं ॥

trailokyamohana śrīrāmakavacam
vasiṣṭhamuniproktaṃ trailokyavijayakavacastotram

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms