Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

dohAvalI

vṛddha avasthā

वृद्ध अवस्था

Verse

सहजो धौले आइया, झड़ने लागे दाँत । तन गुंझल पड़ने लगी, सूखन लागी आँत ॥

Verse

== डबडबाय आँखन में पानी । बूढ़े तन की यही निसानी ॥

Verse

नैनन में जल भरि भरि आवै । दाँत हिलैं दारुन दुख पावै ॥

Verse

गोड़े थके दरद बाई का । कफ खाँसी हिये दुख वाही का ॥

Verse

खों खों करै नींद नहिं आवै । आप जगै और लोग जगावै ॥

Verse

बेबस इन्द्री सिथल भई हैं ।

Verse

अब क्या जीतें सहज गई हैं ।

Verse

पूत बहू लख नाक चढ़ावैं । बहुत पुकारै निकट न आवैं ॥

Verse

निहुरि चलै लकड़ी लै हाथा । स्वजन कुटँब नहिं दुख के साथा ॥

Verse

असी बरस लग बीते साठी । सहजो कहै बहक बुधि नाठी ॥

Verse

== असी बरस ऊपर लगी, बिरध अवस्था होय । आगे की थिरता नहीं, पिछलि गइ सब खोय ॥

Verse

तीन अवस्था बीत कर, चौथी आई मन्द । बृद्ध अवस्था सिर चढ़ी, तहू न चेता अन्ध ॥

Verse

== सेत रोम सब हो गये, सूख गई सब देह । सहजो वह मुख ना रहा, उड़ने लागी खेह ॥

Verse

सहजो इन्द्री सब थकी, तन पौरुष भये छीन । आसा तृस्ना ना घटी, सहज बचन भये दीन ॥

Verse

== लागी बिरध अवस्था चौथी । सहजो आगे मौत हि मौती ॥

Verse

हाथ पैर सिर काँपन लागे । नैन भये बिनु जोति अभागे ॥

Verse

सर्वन तें कछु सुनियत नाहीं । दाँत डाढ़ नहिं मुख के माहीं ॥

Verse

कंठ रुके कफ बाई घेरे । हाड़ हाड़ सब दुख में पेरे ॥

Verse

बात कहै घर बाहर हाँसा । कुटँब दियौ मिल पौरी बासा ॥

Verse

मन चालै सब रस कूँ तरसै । नर नारी कोइ हितू न दरसै ॥

Verse

आप आप कूँ इत उत डोलै । बिन पौरुष कोइ मुखहुँ न बोलै ॥

Verse

जिन कारन पचिया दिन राती । बात करें नहिं कुटॅब सँगाती ॥

Verse

सुत पोते दुर्गंध घिनावैं । टहल करें तब नाक चढ़ावैं ॥

Verse

तिन के मोह तजे जगदीसा । अब मन में कलपै धुनि सीसा ॥

Verse

चरनदास गुरु कही बिसेषी । हरि बिन यों जग जाता देखी ॥

Verse

== चार अवस्था खो दई, लियो न हरि को नाम । तन छूटे जम कूटि है, पापी जम के ग्राम ॥

Verse

आय जगत में क्या किया, तन पाला कै पेट । सहजो दिन धंधे गया, रैन गई सुख लेट ॥

yuvāvasthā
pade 1 se 5

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms