dohAvalI
mīrābāī bhajana - bhāga 3
मीराबाई भजन - भाग ३
Verse
५१. मोहन आवनकी साई किजोरे । आवनकी मन भावनकी ॥
Verse
कोई० ॥ध्रु०॥
Verse
आप न आवे पतिया न भेजे | ए बात ललचावनकी ॥को० ॥१॥
Verse
बिन दरशन व्याकुल भई सजनी । जैशी बिजलीयां श्रावनकी ॥
Verse
को० ॥२॥
Verse
क्या करूं शक्ति जाऊं मोरी सजनी । पांख होवे तो उडजावनकी ॥
Verse
को० ॥३॥
Verse
मीरा कहे प्रभु गिरिधर नागर | इच्छा लगी हरी बतलावनकी ॥
Verse
को० ॥४॥
Verse
५२. मत डारो पिचकारी । मैं सगरी भिजगई सारी ॥ध्रु०॥
Verse
जीन डारे सो सनमुख रहायो । नहीं तो मैं देउंगी गारी ॥
Verse
मत० ॥१॥
Verse
भर पिचकरी मेरे मुखपर डारी । भीजगई तन सारी ॥
Verse
मत० ॥२॥
Verse
लाल गुलाल उडावन लागे । मैं तो मनमें बिचारी ॥
Verse
मत० ॥३॥
Verse
मीरा कहे प्रभु गिरिधर नागर । चरनकमल बलहारी ॥
Verse
मत० ॥४॥
Verse
५३. राधाजी को लागे बिंद्रावनमें नीको ॥ध्रु०॥
Verse
ब्रिंदाबनमें तुलसीको वडलो जाको पानचरीको ॥
Verse
रा० ॥१॥
Verse
ब्रिंदावनमें धेनु बहोत है भोजन दूध दहींको ॥
Verse
रा० ॥२॥
Verse
ब्रिंदावनमें रास रची है दरशन कृष्णजीको ॥
Verse
रा० ॥३॥
Verse
मीरा कहे प्रभु गिरिधर नागर हरिबिना सब रंग फिको ॥
Verse
रा० ॥४॥
Verse
५४. मेरी लाज तुम रख भैया । नंदजीके कुंवर कनैया ॥ध्रु०॥
Verse
बेस प्यारे काली नागनाथी । फेणपर नृत्य करैया ॥
Verse
मे० ॥१॥
Verse
जमुनाके नीर तीर धेनु चरावे । मुखपर मुरली बजैया ॥
Verse
मे० ॥२॥
Verse
मोर मुगुट पीतांबर शोभे । कान कुंडल झलकैया ॥
Verse
मे० ॥३॥
Verse
ब्रिंदावनके कुंज गलिनमें नाचत है दो भैया ॥
Verse
मे० ॥४॥
Verse
मीरा कहे प्रभु गिरिधर नागर । चरनकमल लपटैया ॥
Verse
ने० ॥५॥
Verse
५५. मन मोहन दिलका प्यारा ॥ध्रु०॥
Verse
माता जसोदा पालना हलावे । हातमें लेकर दोरा ॥१॥
Verse
कबसे अंगनमों खडी है राधा । देखे किसनका चेहरा ॥२॥
Verse
मोर मुगुट पीतांबर शोभे । गळा मोतनका गजरा ॥३॥
Verse
मीराके प्रभु गिरिधर नागर । चरन कमल बलहारी ॥४॥
Verse
५६. काना तोरी घोंगरीया पहरी होरी खेले किसन गिरधारी ॥१॥
Verse
जमुनाके नीर तीर धेनु चरावत खेलत राधा प्यारी ॥२॥
Verse
आली कोरे जमुना बीचमों राधा प्यारी ॥३॥
Verse
मोर मुगुट पीतांबर शोभे कुंडलकी छबी न्यारी ॥४॥
Verse
मीराके प्रभु गिरिधर नागर चरनकमल बलहारी ॥५॥
Verse
५७. भीजो मोरी नवरंग चुनरी । काना लागो तैरे नाव ॥ध्रु०॥
Verse
गोरस लेकर चली मधुरा । शिरपर घडा झोले खाव ॥१॥
Verse
त्रिभंगी आसन गोवर्धन धरलीयो । छिनभर मुरली बजावे ॥२॥
Verse
मीरा कहे प्रभु गिरिधर नागर । चरन कमल चित लागो तोरे पाव ॥३॥
Verse
५८. सुमन आयो बदरा । श्यामबिना सुमन आयो बदरा ॥ध्रु०॥
Verse
सोबत सपनमों देखत शामकू । भरायो नयन निकल गयो कचरा ॥१॥
Verse
मथुरा नगरकी चतुरा मालन । शामकू हार हमकू गजरा ॥२॥
Verse
मीरा कहे प्रभु गिरिधर नागर । समय गयो पिछे मीट गया झगरा ॥३॥
Verse
५९. मैया मोकू खिजावत बलजोर । मैया मोकु खिजावत ॥ध्रु०॥
Verse
जशोदा माता मील ली जाबे । लायो जमुनाको तीर ॥१॥
Verse
जशोदाही गोरी नंदही गोरा । तुम क्यौं भयो शाम सरीर ॥२॥
Verse
मीरा कहे प्रभु गिरिधर नागर । नयनमों बरखत नीर ॥३॥
Verse
६०. फिर बाजे बरनै हरीकी मुरलीया सुनोरे । सखी मेरो मन हरलीनो ॥१॥
Verse
गोकुल बाजी ब्रिंदाबन बाजी । ज्याय बजी वो तो मथुरा नगरीया ॥२॥
Verse
तूं तो बेटो नंद बाबाको । मैं बृषभानकी पुरानी गुजरियां ॥३॥
Verse
मीरा कहे प्रभु गिरिधर नागर । हरिके चरनकी मैं तो बलैया ॥४॥
Verse
६१. डर गयोरी मन मोहनपास । डर गयोरी मन मोहनपास ॥१॥
Verse
बीरहा दुबारा मैं तो बन बन दौरी । प्राण त्यजुगी करवत लेवगी काशी ॥२॥
Verse
मीरा कहे प्रभु गिरिधर नागर । हरिचरणकी दासी ॥३॥
Verse
६२. फूल मंगाऊं हार बनाऊ । मालीन बनकर जाऊं ॥१॥
Verse
कै गुन ले समजाऊं । राजधन कै गुन ले समाजाऊं ॥२॥
Verse
गला सैली हात सुमरनी । जपत जपत घर जाऊं ॥३॥
Verse
मीरा कहे प्रभु गिरिधर नागर । बैठत हरिगुन गाऊं ॥४॥
Verse
६३. जाके मथुरा कान्हांनें घागर फोरी । घागरिया फोरी दुलरी मोरी तोरी ॥ध्रु०॥
Verse
ऐसी रीत तुज कौन सिकावे । किलन करत बलजोरी ॥१॥
Verse
सास हठेली नंद चुगेली । दीर देवत मुजे गारी ॥२॥
Verse
मीरा कहे प्रभु गिरिधर नागर । चरनकमल चितहारी ॥३॥
Verse
६४. शाम बतावरे मुरलीवाला ॥ध्रु०॥
Verse
मोर मुगुट पीताबंर शोभे । भाल तिलक गले मोहनमाला ॥१॥
Verse
एक बन धुंडे सब बन धुंडे । काहां न पायो नंदलाला ॥२॥
Verse
जोगन होऊंगी बैरागन होऊंगी । गले बीच वाऊंगी मृगछाला ॥३॥
Verse
मीराके प्रभु गिरिधर नागर । माग लीयो प्रीयां प्रेमको माला ॥४॥
Verse
६५. आई ती ते भिस्ती जनी जगत देखके रोई ।
Verse
मातापिता भाईबंद सात नही कोई । मेरो मन रामनाम दुजा नही कोई ॥ध्रु०॥
Verse
साधु संग बैठे लोक लाज खोई ।
Verse
अब तो बात फैल गई । जानत है सब कोई ॥१॥
Verse
आवचन जल छीक छीक प्रेम बोल भई ।
Verse
अब तो मै फल भई । आमरूत फल भई ॥२॥
Verse
शंख चक्र गदा पद्म गला ।
Verse
बैजयंती माल सोई । मीरा कहे नीर लागो होनियोसी हो भई ॥३॥
Verse
६६. मन माने जब तार प्रभुजी ॥ध्रु०॥
Verse
नदिया गहेरी नाव पुराणी । कैशी उतरु पार ॥१॥
Verse
पोथी पुरान सब कुच देखे । अंत न लागे पार ॥२॥
Verse
मीर कहे प्रभु गिरिधर नागर । नाम निरंतर सार ॥३॥
Verse
६७. जमुनामों कैशी जाऊं मोरे सैया । बीच खडा तोरो लाल कन्हैया ॥ध्रु०॥
Verse
ब्रिदाबनके मथुरा नगरी पाणी भरणा । कैशी जाऊं मोरे सैंया ॥१॥
Verse
हातमों मोरे चूडा भरा है । कंगण लेहेरा देत मोरे सैया ॥२॥
Verse
दधी मेरा खाया मटकी फोरी । अब कैशी बुरी बात बोलु मोरे सैया ॥३॥
Verse
शिरपर घडा घडेपर झारी । पतली कमर लचकया सैया ॥४॥
Verse
मीरा कहे प्रभु गिरिधर नागर । चरणकमल बलजाऊ मोरे सैया ॥५॥
Verse
६८. नामोकी बलहारी गजगणिका तारी ॥ध्रु०॥
Verse
गणिका तारी अजामेळ उद्धरी । तारी गौतमकी नारी ॥१॥
Verse
झुटे बेर भिल्लणीके खावे । कुबजा नार उद्धारी ॥२॥
Verse
मीरा कहे प्रभु गिरिधर नागर । चरणकमल बलिहारी ॥३॥
Verse
६९. जोगी मेरो सांवळा कांहीं गवोरी ॥ध्रु०॥
Verse
न जानु हार गवो न जानु पार गवो । न जानुं जमुनामें डुब गवोरी ॥१॥
Verse
ईत गोकुल उत मथुरानगरी । बीच जमुनामो बही गवोरी ॥२॥
Verse
मीरा कहे प्रभु गिरिधर नागर । चरनकमल चित्त हार गवोरी ॥३॥
Verse
७०. लक्ष्मण धीरे चलो मैं हारी ॥ध्रु०॥
Verse
रामलक्ष्मण दोनों भीतर । बीचमें सीता प्यारी ॥१॥
Verse
चलत चलत मोहे छाली पड गये । तुम जीते मैं हारी ॥२॥
Verse
मीरा कहे प्रभु गिरिधर नागर । चरणकमल बलिहारी ॥३॥
Verse
७१. प्रभु तुम कैसे दीनदयाळ ॥ध्रु०॥
Verse
मथुरा नगरीमों राज करत है बैठे । नंदके लाल ॥१॥
Verse
भक्तनके दुःख जानत नहीं । खेले गोपी गवाल ॥२॥
Verse
मीरा कहे प्रभू गिरिधर नागर । भक्तनके प्रतिपाल ॥३॥
Verse
७२. मोहन डार दीनो गले फांसी ॥ध्रु०॥
Verse
ऐसा जो होता मेरे नयनमें । करवत ले जाऊं कासी ॥१॥
Verse
आंबाके बनमें कोयल बोले बचन उदासी ॥२॥
Verse
मीरा दासी प्रभु छबी नीरखत । तूं मेरा ठाकोर मैं हूं तोरी दासी ॥३॥
Verse
७३. कुंजबनमों गोपाल राधे ॥ध्रु०॥
Verse
मोर मुकुट पीतांबर शोभे । नीरखत शाम तमाल ॥१॥
Verse
ग्वालबाल रुचित चारु मंडला । वाजत बनसी रसाळ ॥२॥
Verse
मीरा कहे प्रभु गिरिधर नागर । चरनपर मन चिरकाल ॥३॥
Verse
७४. ज्या संग मेरा न्याहा लगाया । वाकू मैं धुंडने जाऊंगी ॥ध्रु०॥
Verse
जोगन होके बनबन धुंडु । आंग बभूत रमायोरे ॥१॥
Verse
गोकुल धुंडु मथुरा धुंडु । धुंडु फीरूं कुंज गलीयारे ॥२॥
Verse
मीरा दासी शरण जो आई । शाम मीले ताहां जाऊंरे ॥३॥
Verse
७५. शाम बन्सीवाला कन्हैया । मैं ना बोलूं तुजसेरे ॥ध्रु०॥
Verse
घर मेरा दूर घगरी मोरी भारी । पतली कमर लचकायरे ॥१॥
Verse
सास नंनदके लाजसे मरत हूं । हमसे करत बलजोरी ॥२॥
Verse
मीरा तुमसो बिगरी । चरणकमलकी उपासीरे ॥३॥
