dohAvalI
mīrābāī bhajana - bhāga 1
मीराबाई भजन - भाग १
Verse
१. कान्हा बनसरी बजाय गिरधारी । तोरि बनसरी लागी मोकों प्यारीं ॥ध्रु०॥
Verse
दहीं दुध बेचने जाती जमुना । कानानें घागरी फोरी ॥
Verse
काना० ॥१॥
Verse
सिरपर घट घटपर झारी । उसकूं उतार मुरारी ॥
Verse
काना० ॥२॥
Verse
सास बुरीरे ननंद हटेली । देवर देवे मोको गारी ॥
Verse
काना० ॥३॥
Verse
मीरा कहे प्रभु गिरिधर नागर । चरनकमल बलहारी ॥
Verse
काना० ॥४॥
Verse
२. हरि गुन गावत नाचूंगी ॥ध्रु०॥
Verse
आपने मंदिरमों बैठ बैठकर । गीता भागवत बाचूंगी ॥१॥
Verse
ग्यान ध्यानकी गठरी बांधकर । हरीहर संग मैं लागूंगी ॥२॥
Verse
मीराके प्रभु गिरिधर नागर । सदा प्रेमरस चाखुंगी ॥३॥
Verse
३. झुलत राधा संग । गिरिधर झूलत राधा संग ॥ध्रु०॥
Verse
अबिर गुलालकी धूम मचाई । भर पिचकारी रंग ॥
Verse
गिरि० ॥१॥
Verse
लाल भई बिंद्रावन जमुना । केशर चूवत रंग ॥
Verse
गिरि० ॥२॥
Verse
नाचत ताल आधार सुरभर । धिमी धिमी बाजे मृदंग ॥
Verse
गिरि० ॥३॥
Verse
मीराके प्रभु गिरिधर नागर । चरनकमलकू दंग ॥
Verse
गिरि० ॥४॥
Verse
४. कृष्ण करो जजमान ॥
Verse
प्रभु तुम ॥ध्रु०॥
Verse
जाकी किरत बेद बखानत । सांखी देत पुरान ॥
Verse
प्रभु०२॥
Verse
मोर मुकुट पीतांबर सोभत । कुंडल झळकत कान ॥
Verse
प्रभु०३॥
Verse
मीराके प्रभू गिरिधर नागर । दे दरशनको दान ॥
Verse
प्रभु०४॥
Verse
५. तुम बिन मेरी कौन खबर ले । गोवर्धन गिरिधारीरे ॥ध्रु०॥
Verse
मोर मुगुट पीतांबर सोभे । कुंडलकी छबी न्यारीरे ॥
Verse
तुम०॥१॥
Verse
भरी सभामों द्रौपदी ठारी । राखो लाज हमारी रे ॥
Verse
तुम० ॥२॥
Verse
मीराके प्रभु गिरिधर नागर । चरनकमल बलहारीरे ॥
Verse
तुम० ॥३॥
Verse
६. हातकी बिडिया लेव मोरे बालक । मोरे बालम साजनवा ॥ध्रु०॥
Verse
कत्था चूना लवंग सुपारी बिडी बनाऊं गहिरी । केशरका तो रंग खुला है मारो भर पिचकारी ॥१॥
Verse
पक्के पानके बिडे बनाऊं लेव मोरे बालमजी । हांस हांसकर बाता बोलो पडदा खोलोजी ॥२॥
Verse
मीराके प्रभु गिरिधर नागर बोलत है प्यारी । अंतर बालक यारो दासी हो तेरी ॥३॥
Verse
७. पग घुंगरू पग घुंगरू बांधकर नाचीरे ॥ध्रु०॥
Verse
मैं अपने तो नारायणकी । हो गई आपही दासीरे ॥१॥
Verse
विषका प्याला राजाजीनें भेजा । पीवत मीरा हासीरे ॥२॥
Verse
लोक कहे मीरा भईरे बावरी । बाप कहे कुलनासीरे ॥३॥
Verse
मीराके प्रभु गिरिधर नागर । हरिचरनकी दासीरे ॥४॥
Verse
८. किन्ने देखा कन्हया प्यारा की मुरलीवाला ॥ध्रु०॥
Verse
जमुनाके नीर गंवा चरावे । खांदे कंबरिया काला ॥१॥
Verse
मोर मुकुट पितांबर शोभे । कुंडल झळकत हीरा ॥२॥
Verse
मीराके प्रभु गिरिधर नागर । चरन कमल बलहारा ॥३॥
Verse
९. शाम मुरली बजाई कुंजनमों ॥ध्रु०॥
Verse
रामकली गुजरी गांधारी । लाल बिलावल भयरोमों ॥१॥
Verse
मुरली सुनत मोरी सुदबुद खोई । भूल पडी घरदारोमों ॥२॥
Verse
मीराके प्रभु गिरिधर नागर । वारी जाऊं तोरो चरननमों ॥३॥
Verse
१०. माई मैनें गोविंद लीन्हो मोल ॥ध्रु०॥
Verse
कोई कहे हलका कोई कहे भारी । लियो है तराजू तोल ॥
Verse
मा० ॥१॥
Verse
कोई कहे ससता कोई कहे महेंगा । कोई कहे अनमोल ॥
Verse
मा० ॥२॥
Verse
ब्रिंदाबनके जो कुंजगलीनमों । लायों है बजाकै ढोल ॥
Verse
मा० ॥३॥
Verse
मीराके प्रभु गिरिधर नागर । पुरब जनमके बोल ॥
Verse
मा० ॥४॥
Verse
११. राधा प्यारी दे डारोजी बनसी हमारी । ये बनसीमें मेरा प्रान बसत है वो बनसी गई चोरी ॥१॥
Verse
ना सोनेकी बन्सी न रुपेकी । हरहर बांसकी पेरी ॥२॥
Verse
घडी एक मुखमें घडी एक करमें । घडी एक अधर धरी ॥३॥
Verse
मीराके प्रभु गिरिधर नागर ।
Verse
चरनकमलपर वारी । राधा प्यारी दे० ॥४॥
Verse
१२. मोरे लय लगी गोपालसे मेरा काज कोन करेगा । मेरे चित्त नंद लालछे ॥ध्रु० ॥१॥
Verse
ब्रिंदाजी बनके कुंजगलिनमों । मैं जप धर तुलसी मालछे ॥२॥
Verse
मोर मुकुट पीतांबर शोभे । गला मोतनके माल छे ॥३॥
Verse
मीराके प्रभु गिरिधर नागर । तुट गई जंजाल छे ॥४॥
Verse
१३. दीजो हो चुररिया हमारी । किसनजी मैं कन्या कुंवारी ॥ध्रु०॥
Verse
गौलन सब मिल पानिया भरन जाती । वहंको करत बलजोरी ॥१॥
Verse
परनारीका पल्लव पकडे । क्या करे मनवा बिचारी ॥२॥
Verse
ब्रिंद्रावनके कुंजबनमों । मारे रंगकी पिचकारी ॥३॥
Verse
जाके कहती यशवदा मैया । होगी फजीती तुम्हारी ॥४॥
Verse
मीराके प्रभु गिरिधर नागर । भक्तनके है लहरी ॥५॥
Verse
१४. हरि तुम कायकू प्रीत लगाई ॥ध्रु०॥
Verse
प्रीत लगाई पर दुःख दीनो । कैशी लाज न आई ॥
Verse
ह० ॥१॥
Verse
गोकुल छांड मथुराकु जावूं । वामें कौन बढाई ॥
Verse
ह० ॥२॥
Verse
मीराके प्रभु गिरिधर नागर । तुमकूं नंद दुवाई ॥
Verse
हरि० ॥३॥
Verse
१५. पिहुकी बोलिन बोल पपैय्या ॥ध्रु०॥
Verse
तै खोलना मेरा जी डरत है । तनमन डावा डोल ॥
Verse
पपैय्या० ॥१॥
Verse
तोरे बिना मोकूं पीर आवत है । जावरा करुंगी मैं मोल ॥
Verse
पपैय्या० ॥२॥
Verse
मीराके प्रभु गिरिधर नागर । कामनी करत कीलोल ॥
Verse
पपैय्या० ॥३॥
Verse
१६. चरन रज महिमा मैं जानी ।
Verse
याहि चरनसे गंगा प्रगटी । भगिरथ कुल तारी ॥
Verse
चरण० ॥१॥
Verse
याहि चरनसे बिप्र सुदामा । हरि कंचन धाम दिन्ही ॥
Verse
च० ॥२॥
Verse
याहि चरनसे अहिल्या उधारी । गौतम घरकी पट्टरानी ॥
Verse
च० ॥३॥
Verse
मीराके प्रभु गिरिधर नागर । चरनकमलसे लटपटानी ॥
Verse
चरण० ॥४॥
Verse
१७. बन्सी तूं कवन गुमान भरी ॥ध्रु०॥
Verse
आपने तनपर छेदपरंये बालाते बिछरी ॥१॥
Verse
जात पात हूं तोरी मय जानूं तूं बनकी लकरी ॥२॥
Verse
मीराके प्रभु गिरिधर नागर राधासे झगरी बन्सी ॥३॥
Verse
१८. लाज रखो तुम मेरी प्रभूजी । लाज रखो तुम मेरी ॥ध्रु०॥
Verse
जब बैरीने कबरी पकरी । तबही मान मरोरी ॥
Verse
प्रभुजी० ॥१॥
Verse
मैं गरीब तुम करुनासागर । दुष्ट करत बलजोरी ॥
Verse
प्रभुजी० ॥२॥
Verse
मीराके प्रभु गिरिधर नागर । तुम पिता मैं छोरी ॥
Verse
प्रभुजी० ॥३॥
Verse
१९. बागनमों नंदलाल चलोरी ॥
Verse
अहालिरी ॥ध्रु॥
Verse
चंपा चमेली दवना मरवा । झूक आई टमडाल ॥च०॥१॥
Verse
बागमों जाये दरसन पाये । बिच ठाडे मदन गोपाल ॥च०॥२॥
Verse
मीराके प्रभू गिरिधर नागर । वांके नयन विसाल ॥च०॥३॥
Verse
२०. मोरी आंगनमों मुरली बजावेरे । खिलावना देवूंगी ॥ध्रु०॥
Verse
नाच नाच मोरे मन मोहन । मधुर गीत सुनावुंगी ॥२॥
Verse
मीरा कहे प्रभु गिरिधर नागर । हरिके चरन बल जाऊंगी ॥३॥
Verse
२१. मैंतो तेरे भजन भरोसे अबिनासी ॥
Verse
मैतो० ॥ध्रु०॥
Verse
तीरथ बरतते कछु नहीं कीनो । बन फिरे हैं उदासी ॥
Verse
मैंतो० तेरे ॥१॥
Verse
जंतर मंतर कछु नहीं जानूं । बेद पठो नहीं कासी ॥
Verse
मैतो० तेरे ॥२॥
Verse
मीराके प्रभु गिरिधर नागर । भई चरणकी दासी ॥
Verse
मैतो० तेरे ॥३॥
Verse
२२. काना चालो मारा घेर कामछे । सुंदर तारूं नामछे ॥ध्रु०॥
Verse
मारा आंगनमों तुलसीनु झाड छे । राधा गौळण मारूं नामछे ॥१॥
Verse
आगला मंदिरमा ससरा सुवेलाछे । पाछला मंदिर सामसुमछे ॥२॥
Verse
मोर मुगुट पितांबर सोभे । गला मोतनकी मालछे ॥३॥
Verse
मीराके प्रभु गिरिधर नागर । चरन कमल चित जायछे ॥४॥
Verse
२३. जमुनाजीको तीर दधी बेचन जावूं ॥ध्रु०॥
Verse
येक तो घागर सिरपर भारी दुजा सागर दूर ॥१॥
Verse
कैसी दधी बेचन जावूं एक तो कन्हैया हटेला दुजा मखान चोर ॥
Verse
कैसा०॥२॥
Verse
येक तो ननंद हटेली दुजा ससरा नादान ॥३॥
Verse
है मीरा दरसनकुं प्यासी । दरसन दिजोरे महाराज ॥४॥
Verse
२४. कुबजानें जादु डारा । मोहे लीयो शाम हमारारे ॥
Verse
कुबजा० ॥ध्रु०॥
Verse
दिन नहीं चैन रैन नहीं निद्रा । तलपतरे जीव हमरारे ॥
Verse
कुब०॥१॥
Verse
निरमल नीर जमुनाजीको छांड्यो । जाय पिवे जल खारारे ॥
Verse
कु०॥२॥
Verse
इत गोकुल उत मथुरा नगरी । छोड्यायो पिहु प्यारा ॥
Verse
कु०॥३॥
Verse
मोर मुगुट पितांबर शोभे । जीवन प्रान हमारा ॥
Verse
कु०॥४॥
Verse
मीराके प्रभु गिरिधर नागर । बिरह समुदर सारा ॥
Verse
कुबजानें जादू डारारे कुब०॥५॥
Verse
२५. तोती मैना राधे कृष्ण बोल । तोती मैना राधे कृष्ण बोल ॥ध्रु०॥
Verse
येकही तोती धुंडत आई । लकट किया अनी मोल ॥तोती मै०॥१॥
Verse
दाना खावे तोती पानी पीवे । पिंजरमें करत कल्लोळ ॥
Verse
तो०॥२॥
Verse
मीराके प्रभु गिरिधर नागर । हरिके चरण चित डोल ॥
Verse
तो० ॥३॥
