Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

aSTottaranAma

śrīrāmarahasyoktaṃ śrīhanumadaṣṭottaraśatanāmastotram

श्रीरामरहस्योक्तं श्रीहनुमदष्टोत्तरशतनामस्तोत्रम्

Verse

।

Verse

श्रीसीतारामौ विजयेते ।

Verse

ॐ हनुमानञ्जनासूनुर्धीमान् केसरिनन्दनः । वातात्मजो वरगुणो वानरेन्द्रो विरोचनः ॥१॥

Verse

सुग्रीवसचिवः श्रीमान् सूर्यशिष्यस्सुखप्रदः । ब्रह्मदत्तवरो ब्रह्मभूतो ब्रह्मर्षिसन्नुतः ॥२॥

Verse

जितेन्द्रियो जिताराती रामदूतो रणोत्कटः । सञ्जीविनीसमाहर्ता सर्वसैन्यप्रहर्षकः ॥३॥

Verse

रावणाकम्प्यसौमित्रिनयनस्फुटभक्तिमान् । अशोकवनिकाच्छेदी सीतावात्सल्यभाजनम् ॥४॥

Verse

विषीदद्भूमितनयार्पितरामाङ्गुलीयकः । चूडामणिसमानेता रामदुःखापहारकः ॥५॥

Verse

अक्षहन्ता विक्षतारिस्तृणीकृतदशाननः । कुल्याकल्पमहाम्भोधिस्सिंहिकाप्राणनाशनः ॥६॥

Verse

सुरसाविजयोपायवेत्ता सुरनरार्चितः । जाम्बवन्नुतमाहात्म्यो जीविताहतलक्ष्मणः ॥७॥

Verse

जम्बुमालिरिपुर्जम्भवैरिसाध्वसनाशनः । अस्त्रावध्यो राक्षसारिस्सेनापतिविनाशनः ॥८॥

Verse

लङ्कापुरप्रदग्धा च वालानलसुशीतलः । वानरप्राणसन्दाता वालिसूनुप्रियङ्करः ॥९॥

Verse

महारूपधरो मान्यो भीमो भीमपराक्रमः । भीमदर्पहरो भक्तवत्सलो भर्त्सिताशरः ॥१०॥

Verse

रघुवंशप्रियकरो रणधीरोरयाकरः । भरतार्पितसन्देशो भगवच्छिलष्टविप्रग्रहः ॥११॥

Verse

अर्जुनध्वजवासी च तर्जिताशरनायकः । महान् महामधुरवाङ्महात्मा मातरिश्वजः ॥१२॥

Verse

मरुन्नुतो महोदारगुणो मधुवनप्रियः । महाधैर्यो महवीर्यो मिहिराधिककान्तिमान् ॥१३॥

Verse

अन्नदो वसुदो वाग्मी ज्ञानदो वत्सलो वशी । वशीकृताखिलजगद्वरदो वानराकृतिः ॥१४॥

Verse

भिक्षुरूपप्रतिच्छन्नोऽभीतिदो भीतिवर्जितः । भूमीधरहरोभूतिदायको भूतसन्नुतः ॥१५॥

Verse

भुक्तिमुक्तिप्रदो भूमा भुजनिर्जितराक्षसः । वाल्मीकिस्तुतमाहात्म्यो विभीषणसुहृद्विभुः ॥१६॥

Verse

अनुकम्पानिधिः पम्पातीरचारी प्रतापवान् । बह्मास्त्रहतरामादिजीवनो ब्रह्मवत्सलः ॥१७॥

Verse

जयवार्ताहरो जेता जानकीशोकनाशनः । जानकीरामसाहित्यकारी जनसुखप्रदः ॥१८॥

Verse

बहुयोजनगन्ता च बलवीर्यगुणाधिकः । रावणालयमर्दी च रामपादाब्जवाहकः ॥१९॥

Verse

रामनामलसद्वक्तो रामायणकथादृतः । रामस्वरूपविलसन्मानसो रामवल्लभः ॥२०॥

Verse

इत्थमष्टोत्तरशतं नाम्नां वातात्मजस्य यः । अनुसन्ध्यं पठेत्तस्य मारुतिस्संप्रसीदति ॥२१॥

Verse

प्रसन्ने मारुतौ रामो भुक्तिमुक्ती प्रयच्छति ।

Verse

इति श्रीरामरहस्योक्तं श्रीहनुमदष्टोत्तरशतनामस्तोत्रं समाप्तम् ।

śrīhanumadaṣṭottaraśatanāmastotranāmāvaliḥ
śrīhayagrīvāṣṭottaraśatanāmastotram

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms